Atugarissaarnermut immikkoortortami sulisut katillugit 25-upput, taakkulu agguataarsimapput:
Meeqqat Ilaqutariillu immikkoortortaanut, Utoqqaat innarluutillillu immikkoortortaanut, Allaffissornermut tapersersuisunut, soorlu inatsisinut, aningaasaqarnermut allattoqarfimmullu.
Meeqqat Ilaqutariillu immikkoortortaat sulisut qulingiluat missaannik amerlassuseqarpoq, taakkununnga ilaallutik pisortap tullia aamma fagchef.
Qanimut pisortarisassavat Maniitsumi Meeqqat Ilaqutariillu immikkoortortaanni pisortap tullia sous-chef.
Isumaginninnermi siunnersortip innuttaasoq aallaavigalugu suliassap ingerlannerani qanimut suleqatigalugu ingerlatsissaaq kiisalu suliaq peqqissaarullugu ineriartornissamut siunertalimmik suliamut atuumassuteqartut qanimut innuttaasoq peqatigilluinnarlugu suleqatigissallugit.
Isumaginninnermi siunnersortip suliassarai:
Nalunaarutiginninnernik isumaginninneq
- Isumaginninnermi misissuineq
- Iliuusissamik pilersaarutit malitsinneqarnissaallu
- Paasissutissanik aallernerit – ulluunerani paaqqinniffiit, atuarfik, peqqinnissaqarfik, il.il.
- Suliap malitseqartinnissaannut (efterværn) suliaqarneq
- Atugarissaarnermut ataatsimiititaliamut qinnuteqaasiornerit
- Inatsit atuuttoq malillugu siunnersuineq ilitsersuinerlu.
- Meeqqanik inuusuttunillu oqaloqatiginninneq, angajoqqaat attaveqaatillu ilanngullugit
- Attaveqaqatigiinnik kiisalu sulianik sullissisut ataatsimiittarnerinik ingerlatsineq
- Immikkoortortami sulianut tunngasutigut siunnersueqatigiinnermut peqataaneq
- Pisariaqalersillugu suliassanngortartut
- piffissap ilaani imaluunniit siunertalimmik suliakkerneqarsinnaaneq.
- Isumaginninnermi pigaartuunermut peqataaneq
Naatsorsuutigaarput:
- Inatsisinik isumaginninnermut tunngasuni ilisimasaqartuusutit.
- Kommunimi suliassanik suliaqarnermik il.il. misilittagaqassasutit.
- Attaveqaqatigiit kiisalu sulianik sullissisut ataatsimiittarnerinik misilittagaqartuusutit
- Tamat isiginnissinnaalluartuusutit aamma pisuni ulapaarfiusuni.
Ilinniakkatigut piginnaasat:
•Isumaginninnermi siunnersortitut arlaatigulluunniit isumaginninnermut attuumassuteqartumik ilinniarsimasuusutit
•Marluinnik oqaaseqartuusutit.
•Oqaatsinik atuinermut allattariarsornermullu pitsaasum
piginnaasaqartuusutit.
Inuttut piginnaasat:
•Sullissinermik sungiusimasaqartutit
•Saaffikkuminartuusutit, akuersaartumillu isiginnittariaaseqartuusutit
•Namminersortumik akisussaassuseqartumillu sulisinnaasutit
•Aalajaatsuusutit tatiginartuusutillu
•Suliassanut ilisimaarinnittuusutit, pimoorussisuullutillu
•Suleqatikkuminartuusutit
Akissarsiat atorfinitsitaanermullu tunngasut
Akissarsiat atorfinitsitaanermullu tunngasut isumaqatigiissutit atuuttut aamma isumaqatigiissutit ataatsimoortut (overenskomster) naapertorlugit aalajangersarneqassapput.
Sulisumut inissiamik inissaqartitsisoqarsinnaavoq, tassungalu akiliut malittarisassat atuuttut naapertorlugit akilerneqartassaaq.
Atorfinitussaq ulloq 1. november 2026, imaluunniit piaarnerpaamik imaluunniit immikkut isumaqatigiissuteqarnikkut.
Akissarsiat Isumaqatigiissut atuuttoq naapertorlugu.
Pinerlussimannginnermut uppernarsaat (straffeattest):
Atorfik una meeqqanut tunngasumik uppernarsaatinik (børneattest) aamma pinerlussimannginnermut uppernarsaatinik (straffeattest) pissarsinissamik piumasaqaateqarnermut inatsimmut ilaavoq.
Inatsit naapertorlugu atorfinitsinneq aatsaat aallartissinnaavoq, kommunip pinerlussimannginnermut uppernarsaat politiinit tunniunneqartoq tigoreerpagu. Taamaattumik atorfiniffissaq aatsaat aalajangersarneqarsinnaavoq kommunip uppernarsaat politiinit tigoreerpagu.
Atorfik pillugu annertunerusumik paasisaqarusukkuit uunga paasiniaasinnaavutit Fagchef Katrine Davidsen, telefon (+299) 86 7389, e-mail: kbbr@qeqqata.gl.