Qeqqata Kommunia atuilluartuunissamik siunnersortimik Atugarissaarnermut immikkoortortamut akimortumillu suliniutinut attuumassuteqartussamik pissarsiorpoq.
Peqqinnissamik siuarsaanissaq pillugu akimortumillu isumaginninnerup iluani suliassat atorfiup sammisarissavai.
Kissaatigaarput akimortumik ataqatigiissumillu Atugarissaarnermi Immikkoortortami pisortap sulisuini peqataalluni suliniutit atuilluartuunissamut siunnersortip ataqatigiissaassagai.
Suliassat akisussaaffiillu:
- Suliniutinik aqutsineq naammassinninnerlu, malitseqartitsinerlu
- Suleqatigiissitani Atugarissaarnermut immikkoortortamit imaluunniit pisortaaqatigiinni pilersitani sunniuteqaqataaneq
- Namminersornerullutik Oqartussanit tusarniaassutigineqartut akissuteqarfiginissaanik inaarsaaneq
- Atugarissaarnermut immikkoortortaqarfimmi Kommunalbestyrelsimilu suliniutit pillugit sulianik saqqummersitassanik suliaqarneq
- Ilaqutariinnut isumaginninnermullu tunngassutilinnik suliassanik qulaajaaneq misissuinerlu
- Pisortaaneqarfimmut, pisortaqatigiinnut, aningaasanut ataatsimiititaliamut kommunalbestyrelsemullu siunnersuinermi suliassanik ikorfartuineq
- Paasissutissanik, suliffiup iluani avataanilu atugassanik katersuineq
- Pisortat sulisui allat suleqatigalugit suliassat
- Pisortap sulisuani attaveqarnermut sulisoq peqatigalugu suliffiup iluani avataanilu attaveqarnermut suliassanik suliaqarneq
- Suliassat allat
Piginnaasat:
- Ilisimatusarnikkut ilinniagaqassaatit imaluunniit allamik ingerlariaqqiffiusumik attuumasumik ilinniarsimassaatit, Kalaallit Nunaanni inuiaqatigiinni pissutsinik ilisimasaqarnissaq pitsaassaaq
- Oqaatsitigut allattariarsornikkullu attaveqallaqqissuussaatit
- Suleqateqallaqqissuussaatit avatangiisinnillu sunniisinnaassuseqarlutit
- Suliffeqarfimmi politikkikkut aqutami sulineq ilisimaarilluassavat
- Pilersitserususseqassaatit, iliuuseqarsinnaassuseqarlutit aamma eqaatsumik suleriuseqassaatit tamanik takunnillaqqissuullutit
- Marloqiusamik kulturilimmik avatangiiseqarlutit kajumissuseqarlutit sulisinnaavutit
- Arlalinnik oqaaseqartuuguit pitsaassaaq, kalaallisut, qallunaatut tuluttullu
Akissarsiat sulinermilu atugassarititaasut:Akissarsianut atorfinitsitaanermilu atugassarititaasut, taakkununnga ilanngullugit atorfinikkiartorluni soraarlunilu angalaneq aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatiigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.
Atorfik allaffissornikkut Sisimiuni inissisimavoq aammalu Sisimiuni Pisortaanerup sulisuinut pisortap ataani aaqqissuussaalluni.
Atorfik pillugu paasissutissat annertunerusut, Sisimiuni Pisortaanerup sulisuinut pisortamut Mette B. Berthelsen oqarasuaat (+299) 86 73 02, e-mail: mbbe@qeqqata.gl atorlugit saaffiginninnikkut pissarsiarineqarsinnaapput.
Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik nassiunneqassaaq.
Pisortaanerup sulisuisa atuuffiat pilluguPisortaanerup sulisui tassaapput Qullersaqarfiup ataani akimortumik suliaqartut. Pisortaanerup sulisuini suleqataasup ingerlatsinermi suliassanik ineriartortitsinermillu suliassanik illup iluani akimortumik suliaqartarpoq. Suliassat politikkimut - soorluttaaq allaffissornikkut suliassaasinnaapput.
Nittartakkatsinni sulisumik naapitsigit, nittartakkatsinni www.qeqqata.gl/ansat kommunimi sulisut assigiinngitsut pillugit atuarsinnaavatit
Qinnuteqarnissamut killissarititaasoq: oktobarip 29.-at, 2026