QUPANUK suliffeqarfiuvoq 70-it missaanni sulisoqartartoq. Immikkoortortanut marlunnut avitanut 44-niit najugaqarfigineqarsinnaasoq; inuit 22-it plejemiillutik qasuersaarfiusartut marluk ilaatillugit, aammalu puiguttortut immikkoortortaanni inunnut 22-nut inissaateqarluni. QUPANUK namminerisamik igaffeqarpoq, asaasoqarluni errorsisarfeqarlunilu. Taamaattumik assigiinngitsunik ilinniagaqartunik sulialinnillu suleqatitaassallutit.
Atorfik sapaatip akunneranut akunnerit 40-t ataasinngornermiit tallimanngornermut nal. 08.00-16.00 suliffiuvoq. Naatsorsuutigissavat pisariaqartitsisoqartillugu piareersimasussaatitaassagavit.
Immikkoortortami aqutsisutut ineriartornissamut periarfissat pissanganartut
Maanna pilersaarusiorneq suliarineqaleruttorpoq, atugarissaarneq pillugu misissuinerup annertuup kingorna suleqatigiissitanik pilersitsisoqarnissaanut, tassani suleqatigiissitat suliassatut ukkatarisassaminnik aalajangersimasumik toqqaasinnaallutik, taamatuttaaq suliffimmi atugassarititaasut suleriutsillu misissornerisigut, suliffiup sulinngitsoortarneq minnerulersinniarlugu maanna ilungersorluni sulissutigaa, taamaalillutit illit ingerlaatsinut taakkununnga anguniagassanik oqaasinnguisinnaasariaqarputit.
Illit ilaatigut makku suliarisassavatit:
- Qanigisaasut suleqatigalugt najugaqartussat nutaat tikilluaqqussallugit
- Najugallit ilaqutaasalu akornanni ilisimatitsisarneq attaveqaataanerlu
- Allaffissornikkut sulinermilu Paaqqutarinniffimmi suliassanut sulisoqarnermullu akisussaaneq kiisalu missingersuutinut akisussaaqataaneq
- Paaqqutarinninnermut Immikkoortortami sulisunik atorfinittoqartillugu soraartoqartillugulu suliassat
- Utoqqarnut suliassaqarfimmi siunertarineqartut, anguniakkat malittarisassallu suliarineqarsimasut qulakkeereqataaffiginissaat, pisariaqartitsinermilu paaqqutaqarneq isumassuinerlu
- Oqaloqatigiinnikkut toqqissisimanermik tatigeqatigiinnermillu pilersitsineq
- Pigaartunut pilersaarutit, sulinngiffeqarnissamut pilersaarusiorneq, ukiumut pilersaarut
- Pisortap tullersortilluunniit peqanngeriataarnissaanut akisussaaffimmik tigumminninneq.
Atorfinittussaq
Peqqissaanerup tungaatigut ilinniagaqarsimassasutit naatsorsuutigaatsigit, aqutsisutut misilittagaqaruit nuannaarutaassaaq. Pingaaruteqarpoq aalajaatsuunissat, ersarissuugavillu malitsitsisinnaassuseqassasutit. Ammasuuvutit, akuutitsillaqqikkavillu susassaqarfinni nersualaarinnittumik sulisunut, suleqataasunut, najugaqartunut kiisalu ilaqutaasunut attaveqariaaseqarlutit. Piffissamik pilersaarusiornermik, kiisalu allaffissornermik misilittagaqassaatit. Atorfiup nalaani allaffissorneq ilaatigut 70 %-it missaannik annertussuseqarpoq. Aamma Microsoft Office-pakke ilisimaarilluassavat. Najugaqartut ulluinnarni paaqqutarineqarnerannut peqataaneq ilinnut kajuminnartuusassaaq, aammalu immikkoortortami piginnaasatigut qaffasinnerusumik inissisimanissaq ineriartortittuarnissallu pingaartissavat.
Naatsorsuutigaarput attaveqatigiinnermut pitsaasumik piginnaasaqartuusutit – suleqatit, najugaqartut ilaqutaallu eqqarsaatigalugit. Oqaloqatigiinnernik assigiinngitsunik ingerlatsisinnaassaatit, oqaloqatigiinnerit ajornakusoornerusut ilanngullugit. Aaqqiissutissarsiortartuussaatit, pitsaasumillu isiginnittaaseqarlutit, immikkoortortamilu tamani tamanut pitsaasumik, toqqissisimanartumik suleqatigiinnermullu tunngavissiisumik avatangiiseqarnissap anguniarnerani siuttooqataassallutit.
Neqeroorutigaarput:
- Suliffeqarfitsinnut ilisarititsilluarneq
- Suliffik ineriartortitsinermik, akisussaaqataanermik sunniuteqarluarsinnaanermillu pingaartitsisoq
- Illoqarfimmi timigissartarfimmi akeqanngitsumik sungiusarsinnaaneq
- Pisariaqartitsineq naapertorlugu inatsisit atuuttut naapertorlugit inissaqartinneqarneq
Pineqaatissinneqarsimannginnermik uppernarsaat:
Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq. Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.
Akissarsiat atorfeqartitaanermilu atugassarititaasut:
Akissarsiat sulinermilu atugassarititaasut Kalaallit Nunaanni Namminersornerullutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissut atuuttut naapertorlugit aaqqinneqassapput.
Qaammatini pingasuni misiligummik atorfinitsitsisoqassaaq.
Atorfiniffissaq 1. november 2026 isumaqatigiissuteqarnikkulluunniit.
Atorfinnut sukumiinerusumik paasissutissat Utoqqaat Angerlarsimaffiani Pisortaq Taannguaq Levisen oqarasuaat: 86 73 50 – imut, mail: tlex@qeqqata.gl – imut, imaluunniit Tullersortimut Amalie G. Poulsen, oqarasuaat 86 73 60 – imut mail: amgx@qeqqata.gl – imut saaffiginninnikkut pissarsiarineqarsinnaapput.
Qinnuteqaat ilinniarsimanermut uppernarsaatinik, imminut ilisaritinnermik oqaaseqaatinnillu ilaligaq nassiunneqassapput.
Qinnuteqarnissamut killissarititaasoq: oktobarip 16.-at, 2026