Teknikkeqarnermut Avatangiisinullu Immikkoortortami allatseqarfik pillugu
Teknikkeqarnermut Avatangiisinullu Immikkoortortami allatseqarfik ingerlatsinermi, nunaminertanut aamma Sanaartornermut immikkoortortami naatsorsuuserinermut qitiuvoq. Allatseqarfik allaffimmiup saniatigut pilersaarusiornermut ikiortimik-, sanaartornermut immikkoortortami ikiortimik-, illuutinik nakkutilliisumik-, ingerlatsinermut aqutsisumik allaffissornermilu pisortamik sulisoqarpoq.
Teknikkeqarnermut Avatangiisinullu Immikkoortortaq ukiumut innuttaasut akileraarutitigut isertitaannik akileeqqusissutinit isertitanik ingerlatsinermik suliaqartarpoq, soorlu eqqakkanik passussinermut, anartarfilerinermut, pujoorfinnik paaviaanermut, umiatsiat sumiiffissaannut, nunaminertanik agguaanermut, bussinut kortinut aamma aputaajaanermut il.il. atortarpai. Taamaalilluta peqqissaartumik tulleriissaarisinnaasumillu, kisitsinermut aningaasanillu aqutsinermut paasinnilluartumik aammalu ulluinnarmi ulapaarfiusumi tamat isiginnissinnaasumik immikkoortortami aqutsisumik pisariaqartitsivugut.
Atorfik suleqartigiilluarfiusoq aamma assigiinngitsunik sulianik ilisimasaqarluarfiusoq, ilinniarnissamut ineriartornissamullu periarfissaqarluartoq neqeroorutigisinnaavarput.
Piginnaasaqarfiit:
- HK, allaffissornerup, imaluunniit aningaasaqarnermut tunngasunik suliamik ilisimasalittut ilinniarsimasuusutit.
- Naatsorsuuserivimmi, naatsorsuinermut aningaasaqarnermulluunniit tunngasuni misilittagaqartutit piginnaasaqartutillu.
- Aqutsinermi tunuliaqutaqaruit aamma pisortatigut allaffissornermi misilittagaqaruit orniginassaaq.
- ERP systemi-mik atuinissamut ilisimasaqartutit.
- Atortunut atorneqarajuttunut ilisimasaqarnissat, soorlu Office-pakken, Adobe-pakken.
- Peqqissaartuusutit, ataqatigiissaarisinnaasutit suliamullu tunngasutigut tamat isiginnissuseqartuusutit.
- Namminersorsinnaasutit aamma naatsorsuuserinermi suliaqarnermi ingerlatsilluarsinnaasutit
- Marlunnik oqaaseqartutit
Allaffimmiup fuldmægtig-ip suliassai aamma akisussaaffeqarfii:
- Teknikkeqarnermut Avatangiisinullu Immikkoortortami sulianik ilisimasaqarfinni innuttaasunik sullissineq
- Teknikkeqarnermut Avatangiisinullu Ataatsimiititaliami suliassanik ingerlatsineq
- Aningaasartuutinik aalajangersimasunik aamma isertitanik naatsorsuuserineq
- Isertitani missingersuutinik qulakkeerinninneq aamma naatsorsueqqissaarineq
- Ingerlatsinermi- aamma nunaminertanut immikkoortortami isertitanik aalajangersimasunik naatsorsueqqissaarineq.
- Suliassanik agguaaneq.
Allatseqarfimmi allaffimmioq fuldmægtigi ulluinnarni allaffissornermi pisortamut attaveqartuuvoq
Akissarsiat atorfinitsitaanermullu atugassarititaasut
Akissarsiat, atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Kalaallit Nunaanni Namminersorlutik Oqartussat aamma isumaqatiginninniarsinnaatitaalluni peqatigiiffiup akornanni qaqugukkulluunniit isumaqatigiissutit atuuttut naapertorlugit inissinneqassapput.
Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.
Ulloq sulilerfissaq 01.10.2026 isumaqatigiissuteqarnikkulluunniit.
Qinnuteqaateqarnissamut piffissaliussaq
Qinnuteqaat soraarummeersimanermik uppernarsaatinik, imminut ilisaritinnermik, oqaseqaatinik attaveqarfigineqarsinnaanermillu ilaqartinneqartoq, kingusinnerpaamik 25.10.2025. uunga nassiunneqassaaq:
Atorfik pillugu sukumiinerusumik paasissutissat, tulliuttumut saaffiginnissuteqarnikkut pissarsiarineqarsinnaapput:
Sisimiuni Teknikkemi avatangiisimilu pisortaq Laasi Kristiansen (+299)86 74 50, e-mail: lakx@qeqqata.gl
Qinnuteqarnissamut killissarititaasoq: septembarip 25.-at, 2026