Allattoqarfimmilu sulisut marluupput immikkoortortami aqutsisoq overassistentilu. Allattoqarfiup siunertarivaa allaffissornikkut sullissinerup tungaatigut oqilisaassinissaq taamaalillunilu sukkanerusumik eqaannerusumillu suleriuseqartoqarluni, aamma maanna suleriutsit nutarterneqaleruttorput sulisut suleqatigalugit. Suliassat Maniitsumi Sisimiunilu allattoqarfiit akornanni naleqqussarlugit qanimut suleqataanissat naatsorsuutigissavat.
Atugarissaarnermut immikkoortortaq ima agguataagaavoq, Pisortaanerup sulisui, matumani Allattoqarfik aamma Ikiorsiinermut immikkoortortaq kiisalu Angerlarsimaffeqanngitsunut unnuisarfiit ilanngullugit. Meeqqanut Ilaqutariinnullu, matumani Ilaqutariinnik sullissiviit kiisalu ulloq unnuarlu paaqqinnittarfiit ilanngullugit, Utoqqaat innuttaasullu innarluutillit, matumani Utoqqarnik paaqqutarinniffiit, najugaqarfiit, inunnut innarluutilinnut ornittakkat kiisalu Angerlarsimaffimmi ikiortit ilanngullugit.
Suliassat akisussaaffiillu ukuupput:
- Allakkanik tamanik isumaginninneq
- Allattugaatinut allattuineq toqqorsivimmullu ittujaarsuineq
- Biilinik nalunaarsuineq, (matumani biilit assakaasuinik taarsiinissamut entreprenørimut piffissamik inniminniineq)
- Kopeerivimmi allaffissornikkut atortoqarnissaanik qulakkeerineq
- Allattuiffiit pillugit suliat nutartertarlugit
- Angalanissanik unnuiffissanillu inniminniinerit
- Sisimiuni Suliaqarfiit akimorlugit suleqatigiinnermut ataatsimiititaliami (TSU) allattaasuuneq
- Allaffeqarfimmi pikkorissaanermik ingerlatsinissamut piareersaataasumik sulianut ikiuunneq pilersaarusioqataanerlu
- Tigooraavimmi saaffiginnittut sullillugit
- Suliassat allat takkuttartut
Piginnaasaqarfiit:
·Aalaakkatsumik suliartortartuunissaq sulianullu ataqqinnittuunissaq
·Allaffissornikkut ilinniagaqartuusutit
·Kiffartuussiumatuujusutit aamma aaqqissuussaasumik sulisinnaasutit kiisalu piffissaliussanik eqquutsitsillaqqittutit
·Ataatsimiititaliani assigiinngitsuni suleqataasinnaasutit
·Kalaallisut qallunaatullu allassinnaallutillu oqalussinnaasutit.
·Tamakkiisumik isiginneriaaseqartuusutit aammalu ulapiffiup nalaani sulisinnaasutit.
·Allaffissornikkut, suliatigut inuttullu unammilligassanik isumaginnissinnaasuusutit
Sumi/Immikk.:
Sisimiuni Atugarisaarnermut Immikkoortortaq, Pisortaanerup sulisui.
Sivisussuseq:
Ulloq naallugu atorfik qaammatini pingasuni, sivitsorneqarsinnaanera periarfissaalluni
Ulloq atorfinitsitaaffissaq:
Piaarnerpaamik
Aningaasarsiat atorfininnermilu atugassarititaasut:
Aningaasarsiaqartitaanermi suliffeqartitaanermilu atugassarititaasut Naalakkersuisut aamma SIK-p akornanni isumaqatigiissutit qaqugukkulluunniit atuuttut malillugit pissapput.
Neqoorutigaarput:
Suliffeqarfik ulapaarfiusoq, suleqatit pitsaasut ineriartorfiusorlu.
Atorfik pillugu paasissutissat allat pissarsiarineqarsinnaapput immikkortortami aqutsisoq Inunnguaq Lyberth oqarasuaat (+299) 867434, email: inly@qeqqata.gl aamma pisortaanerup sulisuisa pisortaannut Hans Henrik Olsenimut oqaarasuaat (+299) 86 74 31, e-mailikkut: holx@qeqqata.gl -imut attaveqarnikkut.
Qinnuteqaat soraarummeersimanernut uppernarsaatit assilinerinik, CV, oqaaseqaatinik innersuussutinillu ilalerlugu ulloq 11. septmber 2026 tigoreersimassavarput
Piumasarineqartutut naammaginartumik pinerlussimannginnermik uppernarsaammik Qeqqata Kommuunianit pissarsisoqareerpat atorfinitsitineq pissaaq.
Qinnuteqarnissamut killissarititaasoq: septembarip 11.-at, 2026