Qeqqata Kommunia Maniitsumi erninermut atatillugu meeqqeriveqarnermut pisortamik pimoorussisumik ersarissuseqartumillu paarlaasussarsiorpoq.
Meeqqanut, sulisunut meeqqerivinnilu sinaakkutinik pitsaasunik pilersitseqataarusuppit? Tamakkiisumik isiginnittariaaseqarnermik, sammivilersuinermik peqatigisaanillu ulluinnarni ingerlatsinermik pilersitsisinnaavit?
Taamaappat atorfissaqartitarput immaqa illiuvoq.
Meeqqeriveqarnermut pisortatut Maniitsumi nunaqarfinilu (Atammik, Napasoq aammalu Kangaamiut) meeqqeriveqarfinnut pingaarnertut qitiullutit akisussaasuussaatit. Ulluunerani neqeroorutini meeqqanut pitsaassutsimik, ineriartortitsinermik aamma pitsaasumik atugassaqartitsinermik suliaqarnermi qitioqataasaatit.
Atorfik pillugu
Meeqqeriveqarnermut pisortaq aaqqissuussaanikkut Ilinniartitaanermut Immikkoortortap ataani inissisimavoq aammalu Ilinnartitaanermut pisortamik kommunimilu pisortat allat qanimut suleqateqartuulluni.
Meeqqerivinnut arfineq-pingasuusunut Maniitsumi nunaqarfinnullu pingasunut agguataarneqartunut kiisalu isumaginninnermik siunnersortimut akisussaasuussaatit.
Taamaalillutit atorfimmut pissanganartumut tamatigoortumullu atorfeqassaatit, suliassaqarfigissallugit ulluinnarni ingerlatsineq, sulisunik aqutsineq, aningaasaqarneq, ineriartortitsineq akimortumillu suleqateqarneq.
Pingaarnertut suliassatit tassaapput:
Meeqqerivinnut pisortatut suliassatit ilaatigut ukuupput:
- Sulisunik aqutsineq, sulisunik ineriartortitsineq allaffissornerlu
- Meeqqeriviit pitsaasumik ersarissumillu aqunneqarnissaannut qulakkeerinninneq
- Meeqqeriviit peqatigalugit perorsaanikkut allaffissornikkullu nakutilliineq
- Missingersuutinik, naaatsorsuutinik aningaasaqarmillu aqutsinermik malitseqartitsineq
- Meeqqaeriveqarfiit iluini missingersuusiorneq aningaasaqarnikkullu tulleriiaarineq
- Meeqqeriviit illutaanik nakkutilliineq aserfallatsaalisariaqartunillu malitseqartitsineq
- Meeqqerivinni perorsaanermik suliaqarnerup pitsaassutsillu ineriartortortinneqarnissaasa qulakkeerneqarnissaat
- Atuarfiit suleqatigalugit meeqqerivimmit atuarfimmut ikaarsaarnermik pitsaasumik qulakkeerinninneq
- Meeqqeriviit meeqqallu angerlarsimaffiisa akornanni pitsaasumik suleqatigiinnissamut tapertaaneq
- Meeqqat ineriartornerannut misissuinissamullu sakkussanut atoqquneqartunut malitseqartinnissaanik qulakkeerinninneq
- Ingerlaavartumik sullissineq aamma allaffissorneq
- Sulianik, aqutsisunut politikkikkullu ataatsimiititalianut nalunaarusianik suliaqarneq
- Kommunimi susassaqarfiit akornanni ataqatigiissaarineq suleqatigiinnerlu
- Maniitsumi nunaqarfinnilu meeqqeriviit akornanni pitsaasumik attaveqatigiinneq ilisimasanillu avitseqatigiittarneq qulakkiissallugu
Meeqqanut atatillugu ineriartortitsinermik pingaarutilittut inissisimassaatit
Politikkikkut anguniakkani aamma aalajangikkanik atuutilersitsisinnaasumik Qeqqata Kommunia meeqqeriveqarnermut pisortamik pissarsiorpoq.
Meeqqat inuunerissunut toqqammavilersueqataassaatit, meeqqanut toqqissisimanermik, ineriartornermik ulluuneranilu neqeroorutinut akuutinneqarnermik misigititsinissamut tunniusseqataassaatit.
Taamaammat aamma suliffiup meeqqanik ilaqutariinnillu akimortumik suleqatigiinnermi eqinnaatsumik suleqataanissaq pingaaruteqarpoq.
Ilaatigut uku suleqaigissavatit:
- Meeqqat atuarfii
- Atugarissaarnermut immikkoortortaq
- Qeqqani MISI
- Ilinniartitaanermut Aqutsisoqarfik
- Angajoqqaat suleqatigisallu attuumassuteqartut allat
Illit sulisorilerusutarput tassaassaatit
Naatsorsuutigaarput illit:
- Perorsaanerup iluani ilinniaqqiffiusumik ilinniagaqartutit
- Aqutsinermik misilittagaqartuussaatit aammalu ajornanngippat aqutsisutut ilinniarsimaneq
- Aqutseriaatsikkut ammasuullutillu ersarissuusutit
- Aalajangiisinnaassuseqarluartuusutit taakkulu angunissaata tungaanut malinnillutit
- Ulapaarnerup nalaani ataatsimut isiginnnnermik ilusilersuinermillu pilersitsisinnaaneq
- Aaqqissuussaasumik, namminersorluni sulisinnaasoq peqatigisaanillu allanut suleqateqarluarsinnaasoq
- Kommunimi aningaasaqarnikkut aqutsinermik, missingersuusiornermik naatsorsuusialerinermillu ilisimaarinnittoq
- Perorsaanikkut ineriartornermut sunniuteqarsinnaasutit sulisullu suliaannut ilikkagassanut tunniusimasuussutit
- Eqaatsumik periuseqartuusutit aaqqeerusussuseqartuusutillu
- Attaveqarnermi aamma suleqatigiinnermi pitsaasunik piginnaasaqartutit
- Sulisunut, angajoqqanut aamma suleqatigisartakkanut pitsaasumik atassuteqaqatigiisitsisinnaanermik pilersitsisinnaassuseqartutit
Pingaaruteqarpoq, ulluinnarni ingerlatsinermi ungasinnerusoq isigalugu meeqqeriveqarnermut immikkoortortap ineriartortinneqarnissaanut ataqatigiisitsisinnaassuseqartutit
Neqeroorutigaagut
Maniitsumi nunaqarfinnilu meeqqanut aamma ilaqutariinnut sunneeqataaffigisinnaasannut aqutsisutut atorfinissaatit.
Immikkortortami sulisunik pimoorussisunik ulluuneranilu neqeroorutinut ineriartortitsinerlersitsinissanut peqataalissaatit.
Ilaatigut makku aamma:
- Pisortatut atorfik tamatigoortoq annertuumik akisussaaffiusoq
- Immikkoortortami ineriartornermut sunniuteqaqataasinnaaneq
- Ilinniartitaanermut Immikkoortortamut aamma kommunimi susassaqarfinnut allanut qanimut suleqateqarneq
- Suliffik meeqqanik, atugarissaarnermik, pitsaassusermik ineriartortitsinermillu qitiutitsisoq
- Suliffik pisanganartoq illoqarfimmi-aamma nunaqarfinni ingerlatsisoq
Paasissutissat
Atorfik: Meeqqeriveqarnermut pisortaq – erninernut atatillugu paarlattaasoq
Suliffiup sumiiffia: Maniitsoq
Akisussaaffiit: Meeqqeriveqarfiit katillugit arfineq marluk, socialkonsulenterlu ataaseq.
Atorfininneq: Erninermut atatillugu paarlattaasoq
Atorfininneq: 01. oktober 2026
Qinnuteqarnissamut killigititaasoq: soqanngilaq
Akissarsiatigut atorfininnermilu atugassarititaasut isumaqatigiissut atuuttoq naapertorlugu pissapput.
Atorfik pillugu paasisaqarnerorusukkuit oqarasuaammut uunga attaveqarnissamnnut tikilluaqqusaavutit uunga: Ole Thorleifsen othx@qeqqata.gl tlf: 817868
Tusarfiginissat qilanaaraarput!
Qeqqata Kommunia