Minikollegie Iggaviani aqutsisutut piffissami killilikkami naartusumut taartaasussamik pissarsiorpoq september-ip aallaqqaataani atorfinissinnaasumik.
Qeqqata Kommuniata atuartunut angerlarsimaffiani ukiumi atuarfiusumi 2026/27-mi atuariartortut najugaqartissavagut 12-it, 13-niniit 16-t tikillugit ukiullit. Taakkua Atuarfik Kilaaseeqqami 9. aamma 10. klassemi atuartuussapput. Najugaqartut nunaqarfinniit ukunaneersuupput: Sarfannguit, Itilleq, Napasoq aamma Atammik. Atuartut angerlarsimaffiat ulloq unnuarlu sulisoqartuuvoq, sulisut tassaallutik pisortaq ataaseq, tullersorti ataaseq, perorsaasut/ikiortit pingasut igaffimmilu aqutsisoq ataaseq kiisalu unnuarsiortoq sapaatit akunneranut 40 tiimi paarlakaallutik suliffeqartut.
Suliassat akisussaaffiillu
- Ulluinnarni nerisassiorneq.
- Nerisassanik pisiniarfilerineq.
- Tamulugassanik iffiorneq inuuissiortoqassatillugulu kaagiliorneq.
- Igaffimmi nerisassanullu toqqorsivinni eqqiluisaarnissaq.
- Ineqartut igaffimmi suliassanut naliginnaasunut, soorlu iganermi eqqiluisaarnermilu ilinniartitsillutit.
- Ineqartut allanngorartunik nerinissaat isumannaarlugu aammalu nerinissamut pilersaarusiorlutit.
Piginnaasassat
- Igaffimmiutut, inuussutissalerinermut imaluunniit assingusumik ilinniagaqarputit
- Inuusuttuaqqanik 13-16-nillu akornanni ukiulinnik sullissinermik misilittagaqarputit
- Inuusuttuaqqanik nuannarisaqarputit
- Suleqatit inuusuttullu suleqatigilluarsinnaavatit
- Aalajaatsuuvutit suliffinnullu pingaartitsillutit akisussaassuseqartuullutillu, namminersorlutillu sulisinnaallutit
Qinnuteqartumut piumasaqaatit
- Ineqartut igaffimmi eqqiluisaarnissamut ulluinnarnilu nerisassiornermut ilinniartitsisinnaallutit piginnaasaqarputit.
- Suleqataalluarsinnaavutit
- Kalaallisut paasisinnaallutillu oqalussinnaasariaqarputit
Tunniussinnaasagut
Suliffimmi ineriartortumi akisussaaqataallutit peqataagit taamaalillutillu ineriartoqataallutit, aamma tarnip pissusaanik ilinniagalimmik superviserertittarneq neqeroorutaalluni.
Akissarsiat atorfininnermilu atugassarititaasut
Isumaqatigiissutit Naalakkersuisut aamma SIK-llu isumaqatigiissutaat aalajangersakkallu atuuttut naapertorlugit.
Meeqqanik pinerliisimannginnermut uppernarsaat
Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.
Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.
Atorfininneq pissaaq 1. september 2026.
Atorfinnut paasissutissat annertunerusut aqutsisumut Lisbeth Efraimsen-imut oqarasuaat (+299) 481990-mut, e-mail: liex@qeqqata.gl attaveqarnikkut pissarsiarineqarsinnaapput.
Qinnuteqarnissamut killissarititaasoq: aggustip 12.-at, 2026