Atuartitsinermi siunnersortimik tunniusimasumik ineriartorusussusilimmillu, kommunimi assigiinngitsutigut ilinniarfiusinnaasut akornanni ataqatigiinnermik nukittorsaaqataasinnaasumik aammalu ilinniartitsinerup atuartitsinerullu pitsaassusaanik ineriartortitsisinnaasumik Qeqqata Kommunia ujarlerpoq.
Atorfik kommunini nunalu tamakkerlugu ilinniarnermut suliniutinik ataqatigiilersitsinissamik ukkataqarnikkut kiisalu meeqqeriviit, atuarfiit, Majoriaq ilinniartitaanermullu immikkoortortami suliniutit allat akimorlugit erseqqissumik ataqatigiissumik malitaqarluni qulakkeerilluni, atuarfeqarnermut immikkoortortamik nukittorsaaqataasussatut pilersinneqarpoq.
Atorfik Sisimiuni Maniitsumiluunniit sumiiffilerlugu inuttalerneqarsinnaavoq.
Atorfik pillugu
Atuartitsinermi siunnersortitut suliffimmi ilinniartitsiffiusunik ataqatigiisitsinermut qitiussaatit, akimortumik suleqatigiinnermik nukittorsaallutit kommunimilu ilinniartitsinermut atatillugu ataatsimut paasinnittaatsimik ineriartortitsinermik tapertaallutit.
Ilinniartitaanermut immikkoortortat akimorlugit aqutsisunik qanimut suleqateqassaatit, aammalu ilinniartitsinermut periusissianik ineriartornermullu suliniutinik atuutsitsilernissaq pillugu Kivitsisa suleqatigissavat.
Atorfik aaqqissuussaasumik sulisinnaaninnik aammalu isumassarsianik takorluukkanillu tigussaasumik piviusunngortitsisinnaanissannik piumasaqaateqarpoq.
Suliassatit
- Ilinniartitaanermut immikkoortortaq akimorlugu ilinniartitsinissamut suliniutinik ataqatigiissaarineq.
- Meeqqeriviit, atuarfiit, Majoriaq ilinniartitaanermullu immikkoortortami susassaqartut attuumassutillit allat akornanni suleqatigiinnermik nukittorsaaneq.
- Kommunini nunalu tamakkerlugu ilinniartitaanerup iluani periuutsinik, suliniutinik ineriartortitsinissamullu anguniakkanik atuutsilersitseqataaneq.
- Ilinniartitsinermi periusissianik ineriartornermillu suliniutinik atuutsilersitsinissaq pillugu Kivitsisamik suleqateqarneq.
- Pitsaassutsimik, atugarissaarnermik atuagarsornikkullu ineriartornissamik ukkataqarluni, ilinniartitsiffiusinnaasunik ineriartortinneqarnissaamut tapertaanissaq.
- Ilinniartitsinermut suliniutini pitsaassutsimik qulakkeerinninnissamut, nalilersuinissamut malitseqartitsinissamullu peqataaneq.
- Attaveqaatinik, isumasioqatigiinnernik sulianullu tunngatillugu akimortumik suleqateqarsinnaanermik aaqqissuussisinnaaneq.
- Ilinniartitaanermut immikkoortortaq akimorlugu ataatsimut suliniutinik, ukiumut pilersaarummik ilinniartitsinermullu anguniakkanik ineriartortitseqataaneq.
- Ilinniartitsineq, ineriartorneq atuulersitsinerlu pillugit aqutsisunik sulisunillu siunnersuillunilu avitseqateqarneq.
Natsorsuutigaarput illit
- Perorsaanermik, atuartitsinermik, ilinniartitsinermik imaluunniit assingusumik ilinniagaqarsimasutit
- Ineriartortitsinermi allannguiniarnermilu periutsinik ingerlatsinermik misilittagalik
- Suliassaqarfiit suliffeqarfiillu qaffasissusaat akimorlugit ataveqarfinnik suleqatigiinnermillu pilersitsisinnaasutit.
- Ilusilersorluakkamik nammineersinnaassuseqarlutillu sulisinnaasutit
- Attaveqaqateqarsinnaaneq oqaasertalersuisinnaanerlu nukittuffigigitit.
- Periusissiukkamik anguniakkat tigussaasumik iliuuseqarfigalugillu angusaqarfiginissai.
Neqeroorutigaavut
- Atorfik pissanganartoq tamatigoortorlu, ilinniartitaanermut immikkoortortap ineriartorneranut pingaaruteqangaartoq.
- Kommunip ilinniartitsinermi, atugarissarnermi ineriartornermilu suliaqarneranut ilusilersueqataanissamik periarfissaq.
- Suliassaqarfiit assiigiinngitsut akimorlugit pitsaasumik suleqatigiinneq.
- Annertuumik akisussaaffeqarlutillu nammineersinnaassuseqarneq.
- Suliatigut inuttullu ineriartornissamut periarfissat pitsaasut.
Qeqqata Kommuniani Ilinniartitaanermut immikkoortortaqarfia pillugu
Meeqqeriviit, atuarfiit, MISI, Majoriaq, sunngiffimmi piorsarsimassutsikkullu immikkoortortat kiisalu pinaveersaartitsineq siusinaartumillu iliuuseqarneq ilaatigut Ilinniartitaanermut immikkoortortap ataaniipput. Ataatsimut siunnerfeqalernissaq suleqatigiinnermillu nukittorsaanissaq siunertaralugu sulivugut, kommunilu tamakkerlugu meeqqanut, inuusuttunut inersimasunullu ilinniarfissanik ineriartorfissanillu pitsaasunik qulakkeerinnittarluta.
Atuartitsinermi siunnersorti sulinermi tassani pingaarutilittut inissisimassaaq, immikkoortortallu suliniutaani amerlasuuni susassaqartunillu ataqatigiinnermik pilersitseqataassaaq, kiisalu ilinniartitsinermik ingerlatsinermi ataqatigiissumik ingerlanissap inersiartortinneqarnissaanut tapertaassalluni.
Akissarsiat- atorfinitsitaanermilu atugassarititaasut
Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu akissarsiaqartitsisoqassaaq atorfeqartitsillunilu.
Atorfik 1. september 2026 isumaqatigiissuteqarnikkulluunniit inuttalerneqassaaq.
Atorfik Sisimiuni, Maniitsumi imaluunniit atorfinittup isumaqatigineratigut suliffigineqarsinnaavoq.
Ineqarneq
Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.
Atorfininnermili ingerlaannaq inissamik tunineqarnissaq naatsorsuutigineqassanngilaq, kommunili piffissami ikaarsaarfiusumi utaqqiisaagallartumik inissaasinnaasumik ikiuisinnaavoq.
Qinnuteqaat
Qinnuteqaat ilinniagarisimasat aamma siornatigut suliffigisimasat pillugit paasissutissartalik aamma soraarummeernermi pappilissat assilineqarnerannik, ilanngussanillu attuumassuteqartunik imalik elektroniskimik linki nittartakkap ataaniittoq atorlugu nassiunneqassaaq.
Qinnuteqarnissamut killissarititaq: 7. august 2026
Annertunerusumik atorfimmut paasissutissanik pisariaqartitsinikkut uunga saaffiginnissinnaavutit:
Apollonie Kreutzmann, Ilinniartitaanermut pisortaagallartoq
Oqarasuaat: +299 86 73 25
E-mail: apkx@qeqqata.gl
Qinnuteqarnissamut killissarititaasoq: aggustip 7.-at, 2026