PISOQ-mi ukiup ataatsip ingerlanerani allaffimmi ikiortissarsiorpugut. Suleqatitsinnut pingaarutilimmik ilaalissaatit, ulluinnarni ingerlatsineq sulisut, aqutsisut innuttaasullu pillugit pitsaasumik ingerlasinnaaqqullugu.
PISOQ pillugu
PISOQ tassaavoq Qeqqata Kommuniani inersimasunut neqeroorut, tarnikkut nappaatilinnut kiisalu timikkut tarnikkullu innarluutilinnut najugaqatigiiffinnik ingerlatsisoq.
Najugaqarfiit Sisimiuni assigiinngitsuni inissisimapput, tamarmik immikkut holdleder-eqarlutik. Aamma najugaqarfik timikkut tarnikkullu innarluutilinnut ingerlapparput.
Allaffissornikkut immikkoortortaqarfik sulisut pingasuupput, taakkulu najugaqarfinni innuttaasut 36-it, sulisut aalajangersimasut 53-it kiisalu vikarit 10-t missaanniittut sullitarivaat.
PISOQ aamma ingerlatsivoq Sannavik 1 aamma Sannavik 2, tassani tarnikkut nappaatillit sammisassaqartitsinermik suliffissaqartitsinermillu neqeroorfigineqartarput. Tassani sulisut arfineq-pingasuupput atuisullu 38-ullutik.
Tamatuma saniatigut meeqqanut inersimasunullu tapersersorteqartitsinermik aaqqissuussineq aqunneqarpoq. Massakkut innuttaasut 73-it tapersersorteqarput, tapersersortillu 45-it peqataallutik.
Allaffimmi ikiortitut PISOQ-mi pisortaq, tapersersorteqarnerup ataqatigiissaarisuat kiisalu allaffimmi suleqatit qanimut suleqatigalugit sulissaatit.
Suliassat
Suliassat assigiinngiiaartut ilaatigut makkuupput:
- Akissarsianik suliaqarneq (qaammammusiallit nalunaaquttap akunneranut akissarsiallit).
- Sulisut nutaat IT-mi aaqqissuussanut nalunaarsorneri.
- Fakturanik siullermeerluni akuersisarneq.
- Napparsimalluni peqannginnerit pillugit kisitsisit suliarineqarneri.
- Allaffimmi atortussanik, isumaginninnermi atortussanik kiisalu ingerlatsinermut pisariaqartitanik inniminniineq.
- Pisortaq suleqatigalugu pisiniarnerit.
- Aqutsisut ulluinnarni ingerlatsinermut allaffissornikkut tapersersorneri.
- Tapersersorteqarnerup ataqatigiissaarisuanik suleqateqarneq.
- Allagaatinik nalunaarsuineq, toqqorterineq kiisalu allaffissornermi suliassat allat.
Atorfik sapaatit akunneranut nalunaaquttap akunneri 40-nik sivisussuseqarpoq, ataasinngornermiit tallimanngornermut nal. 08.00–16.00.
Illit naatsorsuutigaarput
- Allaffimmi ikiortitut ilinniagaqarsimasutit imaluunniit allaffissornermik misilittagaqartutit.
- Isumaginninnermi, peqqinnissaqarfimmi imaluunniit innarluutilinnut sullissinermi misilittagaqarneq iluaqutaassaaq.
- Aaqqissuussamik, namminersortumik akisussaaffimmillu suleriaaseqartutit.
- Suliassanik amerlasuunik ataatsikkut aqutsisinnaasutit.
- Kiffartuussiumatuujusutit suleqatigiinnermillu nuannarisaqartutit.
- IT-mik ilisimasaqarluartutit aammalu systemit nutaat sukkasuumik ilinniarsinnaagitit.
- Kalaallisut danskisullu oqalussinnaallutillu allassinnaasutit.
Sooq PISOQ?
PISOQ-mi suleqatigiinneq, ataqqeqatigiinneq piginnaasallu pingaartinneqarput. Immitsinnut ikioqatigiittarpugut, ilisimasagut avitseqatigiissutigalugit innuttaasunut pitsaanerpaamik sullissinissaq anguniarlugu.
Neqeroorutigaavut:
- Ukiup ataatsip ingerlanerani suliffik pissanganartoq assigiinngiiaartorlu.
- Sulilernermi pitsaasumik ilitsersuunneq.
- Suleqatit pitsaasut avatangiisillu pitsaasut.
- Piginnaasanik ineriartortitsinissamut periarfissat.
- Suliffik inuiaqatigiinnut pingaarutilimmik allanngueqataaffiusoq.
- Qeqqata Kommuniata sulisutut iluaqutissaat naapertorlugit timersortarfimmi akeqanngitsumik timersorsinnaaneq.
Akissarsiat atorfinitsitaanerlu
Akissarsiat atorfinitsitaanerlu isumaqatigiissutit atuuttut naapertorlugit pissapput.
Atorfik ukiup ataatsip ingerlanerani taartaaffiuvoq, sapaatit akunneranut nalunaaquttap akunneri 40-t.
Suliffeqarfimmit inissiaq innersuussutigineqassanngilaq.
Atorfininneq: 1. august 2026 imaluunniit isumaqatigiissuteqarnikkut.
Pinerluuteqarsimannginnermut meeqqanullu uppernarsaatit
Atorfimmut atatillugu pinerluuteqarsimannginnermut meeqqanullu uppernarsaatit piniarneqassapput. Atorfininneq aatsaat pisinnaavoq uppernarsaatit politiinit tiguneqareerpata.
Paasissutissat annertunerusut
Atorfik pillugu apeqqutissaqaruit attaveqarfigisinnaavat:
Marthine Mathiassen
Pisortaq, PISOQ
Qeqqata Kommunia
Aqqartarfik Blok 5–11
3911 Sisimiut
Oqarasuaat: (+299) 86 27 31
Toqqaannartumik: (+299) 86 27 30
E-mail: mama@qeqqata.gl
Qinnuteqarnissamut killissarititaasoq: juulip 30.-at, 2026