Majoriami ilinniartitsisussarsiornermi atuartitsinermik misilittagaqarluartumik AK-mi isumaqatigiissut najoqqutaralugu imaluun-nit meeqqat atuarfianni ilinniartitsisooreersunik, IMAK-imi isumaqatigiissut tunngavigalugu kombinationsaftale najoqqutaralugu inuttaliisoqassaaq.
Matumani ilinniartitsisutut ujartorneqartoq oqaatitigut (dansk aamma engelsk) atuartitsinermi misilittagaqartuussaaq taamatullu atuartitsissutini kalaallisut, matematikkimilu atuartitsisinnaanermik ammaffiginnittuusinnaalluni. FA-mi atuartitsinermi soraarummeersitsinermik siunertaqarluni atuartitsinerusussaammat tamatumani misilittagaqartut orniginartinneqassapput.
Majoriaq tassaavoq, suliffissanut ilinniakkanullu ingerlariaqqinnissami aqqutissiuussisarfik aammalu piginnaasatigut qaffassaa-nissamik pisariaqartitsinermi pikkorissarnerit atuartitaanerilluunnit aqqutigalugit piareersaatitut ingerlatsivik.
Majoriami FA-mi atuartitsineq ingerlanneqartarpoq, innuttaasunut ilinniakkanut ingerlariaqqinnissaminnut karakteritigut piuma-saqaataasunut inorsarlutik qaffassaarusuttunut imaluunnit meeqqat atuarfiannit karakterinik pissarsisimanngitsunut. FA-mi atuar-niarlutik aallartittartut nammineq qinnuteqartarput ukiumiillu ukiumut atuartut amerlassusaat nikerarsinnaapput.
FA-mi atuartitsinermi atuartitsissutit uku ingerlanneqarlutillu misilitsiffigineqartarput:
·Kalaallisut,
·Qallunaatut,
·Tuluttut,
·Matematik aammalu
·projekt
Taakku saniatigut immikkut toqqagassat aamma ingerlanneqarsinnaasarput, soorlu: nipilersorneq/erinarsorneq, inuttut inerikkiar-torneq assassorneq il.il.
Majoriami ilinniartitsisutut ujartugarput imatut ilimasuffigivarput:
·Inuusuttunik inersimanerusunillu atuartitsinermik nuannarisaqarluni tunniusserusuttoq
·Atuartitsissutigisassanik nammineerluni piareersaateqarluarsinnaasoq, tamatumani atuartitseriaatsinik ilinniartitsisut allat peqatigalugit nutarterinissamik kajumissuseqarluartoq
·Atuartitsinermi protokolit najoqqutaralugit nalunaarsuisinnaasoq tamannalu ilutigalugu atuartut peqanngittarnerat anner-tuvallaartillugit ataasiakkaanik oqaloqateqartarnissamut tunuarsimaartuunngitsoq
·Qaammatikkaartumik ilinniartitsisoqatigiit ataatsimiittarneranni pilersaarusioqataallunilu peqataarusussuseqartoq
·Ukiup atuartitsiffiusup pilersaarusiorneqarnerani peqataarusussuseqartoq
·Majoriami suliassaqarfiit iluini kivitseqataanissamut piumassuseqarluartoq
·Suleqatinut sullitanullu ammasuullunilu suleqatikkuminartoq
Akissarsisat atorfinitsitaanermilu atugassarititaasut
Majoriami Ilinniartitsisutut atorfinititsinermi Namminersorlutik Oqartussat Atorfillillu Kattuffiata (AK) akunneranni Piareersar-finni ilinniartitsisunut isumaqatigiissut tunngavigalugu imaluunnit Namminersorlutik Oqartussat IMAK-illu akunneranni taperta-riissillugu atorfeqartitsinermut isumaqatigiissutaat (kombinationsaftale) tunngavigalugu atorfeqartitsisoqassaaq.
Atorfimmut atatillugu inissaqartitsisoqarsinnaavoq tamatumani atorfeqarnermi ineqartinneqarnermut tunngatillugu malittarisassat atuuttut tunngavigalugit.
Atorfik pillugu paasissutissat annertunerusut, Majoriami pisortamut Bitten Heilmann-imut oqarasuaat (+299) 81 72 53 imaluunniit e-mail: bitt@qeqqata.gl atorlugit saaffiginninnikkut pissarsiarineqarsinnaapput.
Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik, Qeqqata Kommuniani nittartagaq aqqutigalugu atorfik qinnuteqarfigineqassaaq.
Qinnuteqarnissamut killissarititaasoq: juulip 27.-at, 2026