Meeqqerivik Paarsi atulerpoq 14.maj 1990. Annertusoq 1056-mi inissisimavoq. Illup iluata initai nerutupput, avatangiisigissaarpoq imaanut isikkiveqarluni, pinnguartarfeqarpoq, pinngortitami qallorfissaqarluni sissamullu qanilluni.
Meeqqanut 0-5-nik ukiulinnut, katillugit 44-nut naatsorsuussaavoq. Init 3-nut agguaqqasut:
Ini Niviukkat-ni meeqqat 0-3-nik ukiullit 12-it
Ini Pakkalukkat-ni meeqqat 0-3-nik ukiullit 12-it
Ini Qilalukkat-ni meeqqat 3-5-nik ukiullit 20-it
Sulilernissamik soqutiginnittunut naatsorsuutit:
- Kalaallisut oqaaseqartuunissaa/Qallunaatoorsinnaanissaalu.
- Meeqqat perorsaanikkut aalajaatsumik tunngavilerneqarnissaanut suliumassuseqartoq.
- Angajoqqaanut, sulisunut qullersanullu suleqatikkuminartoq.
- Akisussaassuseqartumik aqutsilluni sulisinnaasoq.
- Qeqqata Kommuni-ni ataatsimoorussamik anguniagaq, meeqqanut inuusuttuaqqanullu politik aamma. Inatsisartut inatsisaat nr. 62, 20. november. 2023-imeersoq malissallugu.
- Allaffissornikkut suliassaasut akisussaassuseqartumik suliarineqassapput.
Akissarsiat, atorfinitsitaanermilu atugassarititaasut:
Akissarsiat atorfeqartitaanermilu atugassarititaasut Namminersorlutik Oqartussat, Nunatsinni Perorsaasut Kattuffiat (NPK)/(SIK) imaluunniit kattuffiup isumaqatiginninniarsinnaatitaasup susassaqartup akornanni isumaqatigiissut atuuttoq naapertorlugu pissapput.
Ulloq aallartiffik: Qinnuteqartoq isumaqatigineqassaaq
Qaammatini pingasuni misiligummik atorfinitsitsisoqassaaq.
Ineqarneq:
Atorfik inissaqartitsivoq socilahjælpernut aammalu pædagoginut, ikiortinut ineqartitsinngilaq, taamaattumik qularnaveeqqummut ineqarnermullu, atuinermut il.il. akiliisoqartassaaq, matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Sulilernermi aalajangersimasumik suliffimmut atasumik inimik/illumik tunniussisoqarsinnaanngippat, sulisunut utaqqiisaasumik inigigallagassamik neqerooruteqartussaatillugu utaqqisaasumik tunniussisoqarsinnaavoq, inimut/illumut akiliutit, atuinermut il.il. qulaani allassimasut naapertorlugit akiliisoqassaaq
Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfininneq1 August 2026 pissaaq
Meeqqanik pinerliisimannginnermut uppernarsaat
Atorfiit meeqqanik pinerliisimannginnermut uppernarsaammik piumasaqaateqartussaatitaaneq
pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni
meeqqanik pinerliisimannginnermut uppernarsaammik aatsaat pissarsereerpat atorfinitsitsineq
aallartinneqarsinnaavoq.
Taamaattumik maluginiaqqussavarput kommuni Rigspolitiinit meeqqanik
pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.
Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.
Qinnuteqaat soraarummeersimanernut uppernarsaatit assilinerinik, imminut ilisaritinnermik, CV,oqaaseqaatinik attuumassuteqarsinnaasunillu
Ilalerlugu.
Paasiniaavigineqarsinnaavoq
Illumi aqutsisoq:
Sara Hammeken
Meeqqerivik Paarsi
Annertusoq 1056 3912 Maniitsoq.
Postbox 170
Tlf: 81 35 30 Email: paarsimaniitsoq@qeqqata.gl
Qinnuteqarnissamut killissarititaasoq: juulip 27.-at, 2026