Aqutsisoq ujartugarput tassaavoq atuartunik, angajoqqaanik, sulisunik, sunngiffimmi sammisassaqarnermut ilinniartitaanermullu immikkoortortaqarfimmik pitsaasumik tatiginartumillu suleqatigiinnissamut ingerlatsinissamut pingaartitsisumik. Aqutsisutut kissaatigaarput aturfimmi sulinermi ataatsimut siunnerfilimmik, ineriartortitsisumik kajumilersitisumillu suleriaaseqarnissat.
Qinnguata Atuarfia pillugu
Qinnguata Atuarfia Kangerlussuarmi atuarfiuvoq 54-inik atuartulik ilinniartitsisunillu qulinik sulisulik. Atuarfik nunaqarfimmi pingaarutillit ilagaat, meeqqat atugaat ilikkarsarnissaallu pillugit angerlarsimaffimmik, sunngiffimmillu qanimut suleqateqartoq.
Ukioq atuarfiusup aallartinnissaanut ilinniartitsisunik ilinniarsimasunik nutaanik atorfinitsitseqqammerpoq atuarfiup ineriartorteqqinneranut peqataasussanik.
Atuarfik pingaartitanik pingasunik aallaaveqarluni sulivoq:
·Atuarluni nuannersuussaaq
·Pitsaanerpaasarpoq tamatta atuarfimmiikkaangatta
·Piareersarluarsimalluni pitsaasuuvoq
Suliassat
Ulluinnarni atuarfiup aqunneqarnerani suliassat akisussaaffigissavatit, ilaatigut uku:
·Ilinniartitsinermi, sulisoqarnermi aqutsineq aammalu sulisunik ineriartortitsineq
·Atuarfimmi ulluinnarni ingerlatsinermi allaffissorneq pilersaarusiornerlu
·Aningaasaqarnerup missingersuutillu malinnaaffigineri naatsorsuusiornerlu
·Atuarfiup illorsuani, paaqqinnittarfinnik ornittakkamillu nakkutilliineq
·Innuttaasunut sunngiffimmi atuartitsisoqarnissaanut qulakkeerinninneq
·Atuarfiup siulersuisuinik kommunalbestyrelsemillu suleqateqarneq
·Allaffissornikkut sakkussanik ilisimasaqarneq, ilaatigut Tabulex aamma Trio
Naatsorsuutigaarput
·Ilinniartitsisutut imlt. ilinniartitaanermut tunngasumik naleqquttumik ilinniagaqarsimanissat
·Ilinniartitsinissamut sulisunillu aqutsinermi misilittagaqassasutit
·Aaqqissuussaasumik suleriuseqassasutit ataqatigiissaarisinnaallutillu
·Ersarissumik, ataqqinnittumik tatiginartumillu aqutseriaaseqassasutit
·Suleqateqarluarsinnaanissat attaveqaqateqarluarsinnaanissallu
·Atuartunut sulisunullu ineriartuutaasumik ilikkarfiulluartumillu pitsaasumik pilersitsisinnaassasutit
Akissarsiat atorfininnermullu atugassarititaasut
Akissarsiat atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Naalakkersuisut aamma ilinniartitsisut kattuffiat IMAK-ip akornanni qaqugukkulluunniit isumaqatigiissutit atuuttut naapertorlugit inissinneqassapput.
Naalakkersuisut aamma Kalaallit Nunaanni kommunini tjenestemænd-it naapertorlugit, atorfinitsitaaneq ukiuni aalajangersimasuni atorfinitsitaanermut immikkut pissutsit naapertorlugit pissaaq (åremål). Atorfinitsitaanermi aammattaaq Naalakkersuisut IMAK-illu akornanni isumaqatigiissutit atuuttut imaluunniit Naalakkersuisut IMAK-illu akornanni akissaatinut isumaqatigiissutaat malinneqassapput.
Meeqqanik pinerliisimannginnermut uppernarsaat
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.
Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq.
Inissaq
Inissaqartitsisoqarpoq, malittarisassallu atuuttut naapertorlugit akiliuteqartoqartassalluni.
Paasissutissat allat
Atorfik pillugu allanik apeqqutissaqaruit uunga attaveqarsinnaavutit:
Apollonie Kreutzmann
Tlf.: (+299) 86 73 25
Mail: apkx@qeqqata.gl
Qinnuteqaat
Qinnuteqaammut immersugassaquani www.qeqqata.gl/job aaneqarsinnaavoq.
Qinnuteqaat ilinniarsimanermut uppernarsaatinik, imminut ilisaritinnermik oqaaseqaatinik attaveqarfissamillu ilalik nassiunneqassapput.
Qinnuteqarnissamut killissarititaasoq: juulip 20.-at, 2026