Meeqqanut, inuusuttunut angajoqqaavinullu iliuuseqarfiginninnissannut kajumissuseqarpit? Angusaqaqataallutit suleqataarusuppit?
Sisimiuni Ilaqutariinnik inerisaavik 2026-mi August aallaqqaataanni isumaqatigiissuteqarnikkulluunniit atorfinittussamik Ilaqutariinnut inerisaavimmi miljøarbejderimik pissarsiorpugut.
Atorfik/ilaqutariinnik inerisaavik pillugu:
Qeqqata Kommuniani Ilaqutariinnik inerisaavik pingaarnertut nalaassinerlunnerit kingunerluutaannik suliaqartarput, soorlu kinguaassiutitigut kanngutsaatsuliorfigitissimanerit, nakuusernerit, sumiginnagaanerit kiisalu imminut toquttoqarsimatillugu. Ilaqutariinnik inerisaaviup suliassaa tassaavoq ilaqutariit tapersersorneqarnissaat qulakkiissallugu, taamatullu pisoqarsimatillugu ingerlariaqqinnissaannik ikiussallugit. Tamatuma saniatigut Ilaqutariinnik inerisaavik pinaversaartitsinernik suliaqarput, matumani ilaqutariit naartulernermiit tapersersorneqartarlutik. Maannakkut miljøarbejderit ataaseq, isumaginninnermi perorsaasoq, angerlarsimaffimmi siunnersortit marluk, Ilaqutariit aqqutissioqatigiinnerannut ataqatigiissaarisutut kiisalu isumaginninnermi siunnersortitut, Manu-mi ataqatigiissaarisoq/siusissukkut suligasuartoq, Tarnikkut katsorsaasoq kiisalu aqutsisoq sulisorineqarput. Akimortumik katsorsaanermillu sammisumik qitiunissamut Ilaqutariinnik inerisaaviup anguniagaa nukittorsarniarlugu, suleqatigiinnut ilaqutariit aqqutissioqatigiinnerannut ataqatigiissaarisutut pissarsiorpugut.
Ilaqutariit inerisavianni immikkut sullissinermik aallartisaasoqarpoq, meeqqat massakkut angerlarsimaffiup avataanut inissinneqarnikut inissitsaaliuinissamilu suliniuteqarluni annertuumik aallartisaleruttorpoq taamaattumik angerlarsimaffimmi ikiortitut marlunnik sulisussarsiorpugut.
Ilaqutariit inerisaavianni ilaqutariinnik siunnersuisup suliassai tassaapput:
Neqeroorutigisinnaavagut:
- Meeqqat inuusuttullu atugaat nakkutigissallugit.
- Angajoqqaajusut meeqqaminik perorsaanissaannut paaqqutarinissaannullu tapersersussallugit.
- Angajoqqaat, meeqqat inuusuttuaqqallu attaveqatigiinnerannut pitsaasumut ikorfartussallugit.
- Angajoqqaat peqatigalugit meeqqat inuusuttullu ulluinnarni ajornartorsiutaannik ikorfartussallugit/siunnersussallugit.
- Miljøarbejderip illup iluani silamilu sammineqarsinnaasut assigiinngitsut aaqqissuuttassavai, ataasiakkaarlugit, eqimattakkaarlugit imaluunniit ilaqutariit ilagalugit.
- Miljøarbejderit inuusuttunut attaveqassapput inuusuttumullu/meeqqamullu sunngiffimmi sammisartakkanut akuutinnissaanut ikiortassallugu pinerlunnissaraluamut allatulluunniit pissusissarinngisamut imaluunniit periusereriikkamiit pitsaanerusumut aqqutissiuutissallugit.
- Meeqqat inuusuttullu sumiiffigisinnaasaanni pinaveersaartitsinerit, soorlu sumiiffigisartagarisinnaasaani alakkarterinerit.
- Annertuumik pisoqartillugu ikiuigasuarnermi peqataaneq.
- Meeqqat/inuusuttut gruppiinik ingerlatsineq.
- Unnukkut illoqarfimmi angalaarneq.
- Paasisitsiniaaneq (Mobning) qingasaarunneq, kammagiitta.
- Asimi angalaartitsineq
Pingaartipparput:
- Inunnik isumaginninnermut siunnersortitut ilinniarsimasuunissaq imaluunniit ilaqutariinnut siunnersuinerup iluani ingerlaqqissimanermik ilinniagaqarsimaneq, perorsaasutut ilinniarsimanissalluunniit.
- Saaffigiuminartuunissat, Ilaqutariinnik Kiffartuussivimmullu saaffiginnittartunut tutsuiginassuseqartumik attaviginnissinnaanissat.
- Suleqatit akornanni suliassat tungaatigut assigiinngitsutigut avitseqatigiinnissaq pingaartikkit.
- Nammineersinnaassuseqartutit suleqatigiinnilu suleqataasinnaallutit.
- Marlunnik oqaaseqartuusutit, kalaallisut qallunaatullu, tamannali piumasaqataanngilaq
Akissarsiat atorfinitsitaanermullu atugassarititaasut
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Akissarsiat atorfinitsitaanermilu atugassarititaasut Qeqqata Kommuniani kiisalu kattuffik isumaqatigiissuteqarfissarlu akornanni isumaqatigiissutaannut naapertuuttumik pissapput.
Atorfimmut atatillugu inissaqartitsisoqarsinnaavoq, inigisamullu akiliutit qularnaveeqqutillu qaqugukkulluunniit malittarisassat atuuttut malillugit ingerlanneqassapput.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Sukumiinerusumik paasisaqarusuppit?
Atorfik pillugu annertunerusumik paasissutissat Sisimiuni Ilaqutariinnut inerisaavimmi aqutsisoq Mia Jakobsen-Siegstad, mailikkut: mjsx@qeqqata.gl imaluunniit Fagchef Katrine Davidsen kbbr@qeqqata.gl aamma oqarasuaat: +299 86 60 77 (Ilaqutariinnut inerisaavimmi oqarasuaat toqqaannartoq) imaluunniit +299 58 51 77 (sulinermut atatillugu oqarasuaat) attavigisinnaavatit.
Qinnuteqarnissamut killissarititaasoq: juulip 3.-at, 2026