Sisimiuni qullersaqarfimmi allatsitut atorfik pissanganartoq piaartumik pissarsiorpoq. Suleqataasoq Kommunimi allatseqarfiup pisortaata ataani atorfinitsinneqassaaq.
Allatseqarfik immikkoortortaqarfiuvoq, pingaarnertut politikerinik kiffartuussisarfiusoq. Qullersaqarfimmi allatseqarfik allaffeqarfimmi immikkoortortani tamani sullissisuuvoq. Qullersaqarfimmi allatsitut ulluinnarni sulinermi politikerit aalajangiussaat tunngavigalugit ineriartortitsinermik suliniutinillu aallartitsinermik suliaqartassaatit kiisalu suliassanik assigiinngitsunik ikorfartuinermik naammassinninnermillu suliaqartassallutit.
Allatseqarfimmi suleqataasutut suliffimmik piffiit ilaanni pilertortumik aamma piffissaalatsilluni isumagisassanik suliassaqarfiusumut nuannarinnittuussaatit. Politikerit inuillu assigiinngitsorpassuit akornanni aamma piffissap ingerlanerani suliniutit ilusaasa imarisaasalu allanngorfigisinnaasaanni sulineq nuannarissavat.
Suliassat akisussaaffiillu:
- Borgmesterimut qullersaqarfimmillu saaffiginnissutinik ataqatigiissaarineq
- Ullorsiutinik aqutsineq, ataatsimiiffissanik inniminniineq aamma illup iluani avataanilu ataatsimiinnissanik piareersaanerit ilanngullugit allatseqarfimmi sullissineq.
- Najukkami ataatsimiititaliamut allattaaneq, Najukkamilu ataatsimiititaliamut oqaluuserisassanik piareersaanermik suliaqarneq.
- Oqaluuserisassaliorneq imaqarniliornerlu kiisalu ataatsimiinnerit aalajangersimasut malitseqartinneri.
- Saqqummiussanik aalajangiiffigisassatullu saqqummiussassanik suliaqarneq pitsaassutsikkullu qulakkeerineq.
- Politikkimut tunngasut ilanngullugut avataaani illuatungerisanik saaffiginnissutinik akissuteqarneq
- Qullersaqarfimmut misissuinernik nalilersuinernillu suliaqarneq
- Kommunimut pisortatigoortumik pulaarnernut ataqatigiissaarineq
- Kommunalbestyrelsimi ataatsimiinnerni suliassanillu agguataarinninnermi ataqatigiissaarinermik ikiuineq.
- Suliassat takkussuuttut nalinginnaasut.
Piginnaasat:
- Politikkimut tunngasuni aaqqissugaasumi suliaqarnermik misilittagaqarneq
- Suliniutinik aqutsinermik misilittagaqarneq
- Suliffeqarfimmi angisuumi qaffasissutsini assigiinngitsuni sulinermik misilittagaqartoq
- Ilusilersuilluarsinnaasoq, sunniuteqarluartoq kiinneraartorlu
- Suliniuteqarsinnaassuseqarluartoq, iliuuseqarsinnaassuseqarluartoq nammineersinnaassuseqartorlu
- Suleqatiginnilluarsinnaassusilik akisussaassuseqartorlu
- Suliassat assigiinngitsorpassuit akisussaaffigisinnaagai ataatsimoortumillu takunnissinnaajuaannassasoq
- Aalajaatsoq, ammasoq akuersaartorlu
- Arlalinnik oqaaseqartuusutit, kalaallisut, qallunaatut aamma tuluttut piginnaaneqalaarsinnaalluni
Akissarsiat atorfeqartitaanermullu atugassarititaasut:
Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.
Atorfik allaffissornikkut Sisimiuni inissisimavoq, aaqqissuussaanikkullu Sisimiuni allatseqarfiup pisortaata ataani inissisimalluni.
Piaartumik isumaqatigiissuteqarnikkulluunniit atorfinittoqassaaq.
Atorfik pillugu paasissutissat annertunerusut, kommunimi qullersaqarfimmi allatseqarfiup pisortaanut Peter Evaldsen, oqarasuaat (+299) 86 73 07 imaluunniit e-mail: pete@qeqqata.gl saaffiginninnikkut pissarsiarineqarsinnaapput.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Kommunimi atorfilimmik naapitsigit.
Qeqqata Kommuniani kommuni tamakkerlugu sulisut 1300-t missaanniipput (atuarfiit, paaqqinnittarfiit, allaffeqarfik) taakkunannga allaffeqarfimmi katillugit sulísut 141-llutik, Sisimiuni 94-it Maniltsumilu 54-t.
Nittartakkatsinni www.qeqqata.gl/ansat kommunimi sulisut assigiinngitsut pingasut pillugit atuarsinnaavatit.
Qinnuteqarnissamut killissarititaasoq: juulip 1.-at, 2026