Serravimmi atorfik inuttassarsiunneqarpoq. Atorfik ulloq naallugu suliffiuvoq.
Serravik Qeqqata Kommuniata ataani Sisimiuni nipilersornikkut kulturikkullu atuarfiuvoq, meeqqanut, inuusuttunut inersimasunullu nipilersornermik ilinniartitsinermik neqerooruteqarluni. Aammattaaq Serravik Sisimiuni nalinginnaasumik sunngiffimmi atuartitsinermik ingerlatsivoq.
Serravik illoqarfiup kulturikkut illorsuata ilassutaani ininut sananeqaqqammersunut qanittumi nuuppoq, taamaasillunilu uummaarissumik isumassarsiorfiusumillu avatangiisinut, illoqarfimmi kultureqarnikkut qitiusumut, akuulerluni. Illorsuaq ilinniartitsiveqarpoq, immiussiveqarpoq, sceneqarpoq, ataatsimeersuartarfeqarpoq, atuakkanik atorniartarfeqarpoq caféqarlunilu. Atuarfik suliffiuvoq uummaarissoq eqeersimaartorlu, najukkami, nuna tamakkerlugu nunallu tamalaat akornanni suliniutini arlalinni peqataasarluni.
Suliassat
Pingaarnertut suliassaqarfissat:
- Nipilersornermik ilinniartitsineq. Qinnuteqartup pisinnaasai malillugit nipilersuutit / ilinniartitsissutit aaqqissuunneqassapput.
- Sammisaqartitsinerni, nipilersorluni tusarnaartitsinerni aamma aaqqissuussani allani peqataaneq.
- Tullinnguuttunik piginnaanilik ujartorparput:
- Suleqatikkuminartoq
- Meeqqanik sullissinermik misilittagaqaruit iluaqutaassaaq
- Nipilersornermik qaffasissumik misilittagaqarneq
- Attuumassutilimmik ilinniagaqarneq, assersuutigalugu ingerlateqqitamik nipilersornikkut ilinniagaq, nipilersornermi ilinniartitsinermi meeqqat atuarfianni ilinniartitsisoq, perorsaasutut ilinniagaq nipilersornermik ilassutitalik assigisaalluunniit.
- Sumiiffimmut attaveqarneq kalaallisullu pikkorissuuneq iluaqutaassaaq
- Qulaani pineqartut saniatigut atorfinittussaq atuarfimmi nalinginnaasumik sullissinermi aamma sulisunut akuunermi suliaqaqataassaaq.
Akissarsiat atorfininnermilu atugassarititaasut
Akissarsiat atorfeqartitaanermilu atugassarititaasut, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
Atorfimmut atatillugu inissamik innersuussisoqassaaq, qularnaveeqqut/attartornermut il.il. atorfininnermi angalanermut aamma pequtit assartorneqarnerannut malittarisassat atuuttut malillugit akiligassat akilerneqassallutik.
Apeqqutissat uunga saaffiginnissutigisinnaapput, Nipilersornermut ilinniarfiup pisortaa Jacob Froberg oqa. (+299) 486950 imaluunniit e-mail: serravik@qeqqata.gl
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: juulip 10.-at, 2026