Qeqqata Kommunia Angerlarsimaffik Neriusaaq-mi ulloq unnuarlu ornittakkami ikiortissamik pissarsiorpoq.
Angerlarsimaffik Neriusaaq-mi ulloq unnuarlu ornittakkami ikiortitut atorfik ulloq tamakkerlugu suliffiusoq inuttassarsiuunneqarpoq ulloq 1. juli 2026 aallarnerfigalugu imaluunniit isumaqatigiissuteqarnikkut atorfiniffiusussamik.
Sammisassaqartitsivik ulluinnarni utoqqarnut neqeroorutaavoq, tassani ukkatarineqarlutik atugarissaarnissaq, inooqataanikkut ataatsimoorneq ulluinnarnilu sammisassaqartitsinerit pitsaasut. Suliniutigineqarpoq innuttaasut inuunerminni pitsaasumik atugaqarnissaat, pisinnaasaasa nukittorsarnissaat kiisalu inooqataanikkut attaveqaataasa ineriartortinnissaat avatangiisini toqqissisimanartuni ataqqinnittumillu ingerlanneqartuni.
Angerlarsimaffik Neriusaaq utoqqaat illuat 2008-mi atorneqalernikuuvoq immikkoortortanullu pingasunut agguagaalluni. Utoqqaat illuat angerlarsimaffippalaartumik toqqissisimanartumillu avatangiiseqarpoq, tassani naleqartitat tassaallutik ataqqinninneq, qanilaassuseq suleqatigiinnerlu najugaqartut, ilaqutaasut sulisullu akornanni.
Neriusaaq-mi najugaqartut 43-upput assigiinngitsunik pisariaqartitsisut aammalu najugaqarallarfiusartumik ataatsimik peqarluni. Ulluinnarni pitsaasumik inuuneqarnissaq anguniarlugu naleqartitat ataatsimoorussat, suliamut piginnaasaqarneq ineriartortitsinerlu tunngavigalugit sulisoqarpoq.
Sumiiffik/Immikkoortortaq: Atugarissaarnermut Immikkoortortaq, Angerlarsimaffik Neriusaaq-mi sammisassaqaritsivik
Atorfiup suussusaa: Ulloq tamakkerlugu suliffik
Atorfiniffissaq: 1. juli 2026 imaluunniit isumaqatigiissuteqarnikkut
Suliassat akisussaaffiillu
- Najugaqartunut sammisassanik aaqqissuussineq ingerlatsisinerlu
- Ulluinnarni aaqqissuussaanermik, atugarissaarnermik toqqissisimanermillu pilersitseqataaneq
- Ornittakkanik peqataalersitsiniarneq kajumissaarinerlu
- Sammisasaqartitsivimmi pitsaasumik ataqqinnittumillu avatangiiseqarnermut peqataaneq
- Ulluunerani ingerlatsinermut atatillugu suliassat assigiinngitsut
- Suleqatit, ilaqutaasut suleqatigiissitallu allat suleqatigalugit sulineq
Piginnaasassat
- Isumaginninnermi ikiortitut imaluunniit peqqissaanermi ikiortitut ilinniarsimasoq
- Utoqqarnik sullissinissamut soqutiginnittoq
- Suleqateqarnissamut attaveqaqatigiinnissamullu piginnaasaqarluartoq
- Namminersorluni aaqqissuussaasumillu sulisinnaasoq
- Aalajaatsuusoq akisussaassuseqarluartorlu
- Kalaallisut qallunaatullu oqalussinnaaneq iluaqutaassaaq
Neqeroorutigaavut
- Suleqatit misilittagallit pikkorissullu akornanni suliffik
- Suliffik pitsaasoq ineriartortitsiviusorlu
- Suliamut tunngatillugu ineriartortitsinissamut periarfissat
- Fitness akeqanngitsoq
Akissarsiat atorfinitsitaanermilu atugassarititaasut
Akissarsiat atorfinitsitaanermilu atugassarititaasut Naalakkersuisut aamma SIK akornanni isumaqatigiissutit atuuttut naapertorlugit pissapput.
Atorfimmut atatillugu sulisut inissaanik innersuussisoqanngilaq.
Paasissutissat annertunerusut
Atorfik pillugu paasissutissat annertunerusut pineqarsinnaapput:
Neriusaaq-mi pisortaq Anne Lyberth E-mail: anls@qeqqata.gl Oqarasuaat: 817017
Sammisassaqartitsivimmi aqutsisoq Ane M. Lyberth E-mail: anli@qeqqata.gl Oqarasuaat: 81 70 14
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: juunip 8.-at, 2026