Sisimiuni Majoriami artuartitsissutimi pingarnertut kalaallisut, appaattut atuartitsisutaasussaq qallunaatut tuluttullunniit atuartitsisussatut atorfik inuttassarsiupparput. Innuttaasut pisariaqartitatik aallaavigalugit ilinniaqqinnissamut ingerlariaqqinnissaat anguniarlugu, innuttaasut soraarummeernermi allagartaqalernissaannut Majoriami atuartitsisarpugut.
Sisimiuni Majoriaq ilitsersuinermut suliffeqarfiummat aammalu inersimasunik qaffassaaviummat, ilinniartitsissutini kalaallisut, qallutaatut imaluunniit tuluttut immikkut sammisaqarfiusumik ilinniartitsisutut ilinniarsimanissat pitsaaqutaalluinnassaaq. Inersimasunik atuartitsinermik misilittagaqarnissat imaluunniit ilinniagaqarnissat pitsaassaaq.
Naatsorsuutigaarput
- Oqaatsit taakkartorneqartunut sammivilimmik ilinniartitsisutut ilinniarsimassasutit imaluunniit attuumassuteqartumik ilinniagaqartuusutit
- Meeqqat atuarfiani kalaallisut atuartitsisinnaasoq, ajornanngippallu qallunaatut aamma/imaluunniit tuluttut atuartitseriaaseq atorlugu atuartitsisinnaasoq
- Suliniutinut sammisunik atuartitsinermik suliaqarusussuseqassaatit, taamaalillutik Majoriami atuartut isumaqarluartumik qanilaartumillu ilinniartitsinermik misigisaqartinneqassallutik.
- Oqaluttariarsornikkut allattariarsornikkullu oqaatsitigut pitsaasunik piginnaaneqassaatit.
- Atuisutut qarasaasiamik atuisinnaassaatit, iPads-ilu atorlugu ilinniartitsisinnaanermik ilisimasaqartuusutit
- Inersimasunut atuartitsinermik kiisalu atorfinnut assingusunik misilittagaqartuusutit
- Piumassuseqarluartuusutit aammalu innuttaasunut allanngueqataanissamik kajumissuseqartutit kiisalu atuarfiup ineriartorneranut peqataarusussuseqartutit.
Atuartitsinerup ingerlanissaata kiisalu atuartitsineq centerlederimik atuarfiullu ilinniartitsisuisa sinnerinik qanimut suleqateqarluni pilersaarusiorneq ingerlanneqartarpoq, tamatumunnga tullinnguuttunut pikkorissuunissat piumasaqaataavoq:
- Suleqatigiissinnaaneq
- Namminersorsinnaaneq aaqqissuussaalluartoq
- Nutaanik eqqarsarsinnaaneq isumassarsisinnaanerlu, aammalu aaqqiissutissarsiorsinnaasoq
- Inunnik immikkut pisariaqartitsisunik paasinnissinnaassuseqartutit
Akissarsiat atorfeqartitaanermullu atugassarititaasut:
Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.
Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.
Meeqqanik pinerliisimannginnermut uppernarsaat
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.
Piumasarineqartutut naammaginartumik pinerlussimannginnermik uppernarsaammik, suliffeqarfimmut qinnuteqaammik meeqqanik pinerliisimannginermik uppernarsaammit Qeqqata Kommuunianit pissarsisoqareerpat atorfinitsitineq pissaaq.
2026-imi augustip aallaqqaataa isumaqatigiissuteqarnikkulluunniit atorfinitsitaaneq.
Atorfik pillugu paasissutissat annertunerusut Majoriami pisortamut Nûnu Motzfeldt-Skovgaard oqarasuaat (+299) 86 71 59, e-mail: nuno@qeqqata.gl atorlugit saaffiginninnikkut pissarsiarineqarsinnaapput.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: maajip 29.-at, 2026