Sisimiuni Majoriaq sanasutut misilittagaqartumik, Majoriap illuutaanik kiisalu ilinniartut inaannik isumaginnittussamik pedellimik pissarsiorpoq. Suleqatit ilinniartut inaannilu najugaqartut sullitarineqarmata, suleqatit akimorlugit qanimut suleqatigiittoqarpoq.
-Pingaarnertut 8:00-imit 16:00 tikillugu suliffeqarusukkuit, taava immaqa suleqatitaassaraatsigit.
Suliassat akisussaaffiillu:
- Majoriap illuutaanik nakkutilliineq annikitsunillu suliaqarsinnaaneq
- Nassiussanik poortukkanillu aallerneq
- Majoriap illuutaani eqqaanilu torersaaneq/aputaajaaneq
- Sulinerup nalaani sulisunik ingerlassineq
- Tulleriiaarluni ilinniartut inaannut pigaartuuneq
Piginnaasassat:
- Aalajaatsuusutit, torersuusutit, pisuni ulapaarfiusuni eqqissisisimasinnaasutit tamanillu takunnissinnaassuseqarlutit
- Nammineerlutit sulisinnaassuseqartutit, suliassanik amerlasuunik ingerlataqarnissamut pikkorissuusutit
- Marluinnik oqaaseqartuunissat kissaatiginarpoq, kalaallisut/danskisullu
- Qarasaasiamik atuisinnaneq, kissaatiginarpoq Microsoft Office-mut misilittagaqarneq
- Suliassanut namminersorsinnaassuseqartumik sulisinnaasoq
- Biilersinnaanermut allagartaqarnissat
Neqeroorutigisinnaavarput:
- Ulluinnaq pissanganartoq unammillernartorlu
- Suleqatit pitsaasut piginnaasaqartullu
- Suliffeqarfik pissanganartumik ineriartortoq, inuttut ineriartornissamut periarfissaqartoq
Akissarsiat atorfeqartitaanermullu atugassarititaasut:
Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.
Inissaqartitsisoqanngilaq.
Piffissaq atorfiniffissaq: 1. juni 2026 isumaqatigiissuteqarnikkulluunniit.
Annertunerusumik paasisaqarusukkuit attavissaq:
Atorfik pillugu paasissutissat annertunerusut pisortamut Nûno Motzfeldt-Skovgaard (+299) 86 71 59, e-mail nuno@qeqqata.gl atorlugit saaffiginninnikkut pissarsiarineqarsinnaapput.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: maajip 28.-at, 2026