Sisimiut Katersugaasivianut pulaarniartunut saaffiginnittunullu attaveqaataasumik kiisalu umiarsuarnik takornariartaatilerisunut attaveqaataasussamik pissarsiorpugut. Kulturimut inuiaqatigiillu oqaluttuarisaanerannut soqutiginnittumik, inunnik nutaanik naapitsinissamut nuannarinnittumik ingerlatitseqqiillaqqissumillu, inerisaarusuttumik suleqatissarsiorpugut.
Katersugaasivik arlalinnik suleqateqarpoq aammalu UNESCO-p Nunarsuarmioqatigiinnut kingornussassarititaa Aasivissuit - Nipisat ineriartortinneqarneranut suleqataavoq maannalu suliniutinik soqutiginartorpassuarnik imalik immikkoortoq 2 aallartinneqalerpoq. Sisimiut Katersugaasivianni sulinermi Kalaallit Nunaanni katersugaasiveqarneq pillugu Inatsisartut inatsisaat tunngavigineqarpoq ”Katersugaasiveqarneq pillugu Inatsisartut inatsisaat nr. 8, 3. juni 2015-imeersoq”. Tassaniipput katersugaasivimmi sulinerup siunertaa atuuffialu.
Katersugaasivimmut saaffiginnittunut kommunip iluani suliffeqarfinniit assigiinngitsunit meeqqat mikisuniik utoqqarnut pulaartorisarpagut, alakkarterisussanut tunngatillugu ataqatigiissaarisinnaasumik pissarsiorpugut. Suleqatit allat peqatigalugit Sisimiut Katersugaasiviat ornikkuminartuunissaanut suleqataassaatit.
Suliassat akisussaaffiillu
Serviceøkonomitut katersugaasivik makkuninnga kiffartuutissavat:
- Allaffissornikkut suliassanik, katersugaasivimmut alakkarterisut amerlassusaannik nalunaarsuinernik, takornarialerisunik saaffiginnittunik kiffartuussineq kiisalu katersugaasivimmi suliassat allat ataavartumik ataqatigiissarnerinik akiligassallu allagartaannut tunngasunik sullissineq
- Suliaqartut inniminnigaannik katersugaasivimmik immikkut ammatitsinissap ataqatigiissarnera aamma
- Umiarsuarnik takornariat isernissamut billetsiinik aqutsineq
- Sulisut allat peqatigalugit saqqummersitsinissanik ineriartortitsinermut, pilersaarusiornermut aamma inississuinermut suleqataasassaatit.
- Inuit attaveqaataat pikkoriffigissavatit, katersugaasivimmi suliat katersugaasiviup nittartagaatigut Facebookikkullu avammut saqqummiussinnaallugit.
- Sulisut allat suleqatigalugit, kulturikkut kingornussat katersugaasivimmilu suliassat allat pillugit SARA-mi qarasaasiakkut nalunaarsuisassaatit.
Piginnaasat
Piukkunnaateqarfiitit piginnaasatillu tassaassapput:
- Takornariaqarneq, kulturilerineq inuiaqatigiilerinerlu immikkut piginnaasaqarfigalugit serviceøkonomitut naleqquttumik ilinniagaqarsimassaatit - perorsaanermulluunniit suliassaqarfiup iluani
- Kulturikkut kingornussat imaluunniit kulturimut suliaqarfimmi assingusut pillugit soqutigisaqarneq misilittagaqarnerlu iluaqutaasinnaapput - tamannali piumasaqaataanngilaq
- Kalaallisut imalunniit qallunaatut tuluttulluunniit oqalussinnaasutit
- IT-mi ERP-mik atuisinnaaneq paasisimasaqarfigigukku pitsaaqutaassaaq paasissutissanillu ujartuineq pikkoriffigalugu
- Sulianut ataqatigiissaarinermut piginnaaneqarluartutit, aaqqissuussillaqqissuusutit akisussaassuseqartuusutillu.
- Sungiussiasuusutit nammineersinnaassuseqartutillu, suleqateqarnissamut piginnaasaqarluarlutit
- Ammasuusutit inuppassuarnullu attaveqarnissamut piginnaaneqarluartutit
- Nutaanik ilikkajasuussutit pisussanullu nutaanut ammasuusutit.
- Peqatigiuminartuussaatit qiimasorlu
Akissarsiat atorfinitsitaanermullu atugassarititaasut
Atorfinititsinermi Namminersornerullutik Oqartussat isumaqatigiissutaat atuuttut naapertorlugit akissarsiaqartitsisoqarlunilu atorfinitsitsisoqassaaq Atorfimmut atatillugu ineqartitsisoqarsinnaavoq. Atorfininnissaq 01.juni 2026-mi isumaqatigiissuteqarnikkulluunniit pissaaq.
Qinnuteqaat
Katersugaasivik pillugu paasissutissat allat nittartakkami takuneqarsinnaapput sisimiut.museum.gl aamma https://www.facebook.com/SisimiutMuseum atorfimmut tunngatillugu paasissutissat allat uani pissarsiarineqarsinnaapput, kiisalu katersugaasiviup pisortaa uunga sianerlutit: 862550 imaluunniit uunga mailerlutit: doko@qeqqata.gl saaffigisinnaavat.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: maajip 29.-at, 2026