Innuttaasutta ulluinnaat toqqissisimasoq naleqartorlu pilersikkusullugu angerlarsimaffimmi ikiorteqarfik ataqatigiissaarlugulu ineriartortikkusuppiuk? Suleqatigiit akornanni suleqatiginnillaqqippit, attaveqaqatiginnillaqqippit atugarissaartitsillaqqillutillu? Taava illiuvoq Qeqqata Kommuniani Maniitsumi angerlarsimaffimmi ikiortit pisortaata tullersortinngortussatut ujartugarput.
Atorfik pillugu
Maniitsumi angerlarsimaffimmi ikiorteqarfiup pisortaata tullersortaatut angerlarsimaffimmi ikiorteqarfimmi nunaqarfiillu pingasuusut akornanni aqutsineq ataqatigiissaarinerlu akisussaaffigilissavatit. Innuttaasunut sullissinermi sulianik ilisimasalittut qaffasissumik pitsaassuseqartumik, suleqatitullu pitsaasunik avatangiiseqartitsinissaq qulakkeeriinneqataaffigissavat.
Pisortat aammali angerlarsimafimmi ikiortit, immikkoortortami aqutsisut, aningaasaqarnermut sullissisut, isumaginninnermut ikiortit aamma napparsimmavik qanimut suleqatigissavavtit.
Suliassatit:
- Pisortaq peqatigalugu angerlarsimaffimmi ikiorteqarnissamut qinnuteqaatinik suliaqarneq
- Ulluinnarni angerlarsimaffimmi ikiorteqarneq, aamma ulloq unnuarlu ikiorteqarneq tassunngalu atatillugu pigaartunut pilersaarusiorneq ataqatigiissaareqataaffigalugit
- Angerlarsimaffimmi ikiorteqarfimmi pigaartuunermi peqataaneq.
- Sulisut ataatsimiinneranni aamma sulisut avitseqatigiinneranni peqataaneq
- Sumiiffimmi attuumassutilinnik suleqateqarneq, tassaniillutik napparsimmavik najukkamilu siunnersueqatigiit
- Missingersuutinik aqutsineq ataavartumillu nalunaarusiorneq
- Suleqatigiit piginnaasaasa ineriartortinneqarnerannut ataavartumik peqataaneq
Suleqatissarput tassaassaaq:
- Peqqinnissaqarfiup iluani ilinniagalik, soorlu peqqissaasoq, peqqissaasumut ikiorti imaluunniit peqqissaanermi ikiorti attuumassutilinnik pikkorissarnikoq โ aammali perorsaanerup imaluunniit allaffissornerup iluani misilittagaqaraluarlutit angerlarsimaffimmi ikiorteqarnermut soqutiginnittoq
- Ataqatigiissaarinermik imaluunniit aqutsinermik misilittagalik, angerlarsimaffimmi ikiorteqarfimmiiusinnaavoq
- Pitsaasumik attaveqariaasilik aporaannernillu tamakkiisumik isiginnittariaasilik
- Misiginneqataasoq tatitoorlu sulinermullu atatillugu tamakkiisumik isiginnittariaasilik
- Peqqissaartoq, eqaatsumik akisussaaffilimmillu suleriaasilik
Neqeroorutigaagut:
- Atorfik inuttut suliassanullu ineriartortitsiviusinnaalluartoq pissanganarlunilu soqutiginartoq
- Suliffik tunniusimasoq, innuttaasunut suleqatinullu annertuumik allannguiffik
- Kommunimi angerlarsimaffimmi ikiorteqarfinni pisortaqatigiinnik ataavartumik avitseqatigiiffiusoq attaveqaqatigiiffiusorlu
- Suliffik atugarissaarnermik, ataqqeqatigiinnermik suleqatigiinnermillu qitiutitsisoq
Aningaasarsiat atorfininnermilu atugassarititaasut:
Akissarsiatigut sulinermilu atugassarititaasut, pisattallu angallanneqarnerat pillugit Kalaallit Nunaanni isumaqatigiissutaasut atuuttut malinneqarput. Inissaqartitsisoqarsinnaavoq, malittarisassat atuuttut naapertorlugit akilersorneqartussamik.
Piumasarineqartutut naammaginartumik pinerlussimannginnermik uppernarsaammik Qeqqata Kommuunianit pissarsisoqareerpat atorfinitsitineq pissaaq.
Sukumiinerusumik paasisaqarusuppit?
Attavissaq:
ยทManiitsumi inuit innarluutillit imikkoortortanni aqutsisoq, Louise Kristiansen
๐ (+299) 81 78 58 | ๐ง louk@qeqqata.gl
Qinnuteqarnissamut piffissaliussaq:
Qinnuteqaatit kingusinnerpaamik ulloq 15.05.2025 nassiuguk. Sapaatip akunnerani 21-mi oqaloqatiginninnerit ingerlanneqassasut naatsorsuutigaarput.
Qinnuteqaativit tigunissaa qilanaaraarput!
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: maajip 15.-at, 2026