Qeqqata Kommunia Sisimiuni Angerlarsimaffeqanngitsunut unnuisarfimmi aqutsisumik pissarsiorpoq.
Sumi/Immikk: Sisimiuni Angerlarsimaffeqanngitsunut unnuisarfik
Atorfinitsitsinerup qanoq ittuunera: Suliffiusoq ilivitsoq
Atorfiniffik: 1. juuni 2026 isumaqatigiissuteqarnikkulluunniit
Akissarsiat: Isumaqatigiissut atuuttoq naapertorlugu:
Angerlarsimaffeqanngitsut unnuisarfianni aqutsisoq.
Sisimiuni angerlarsimaffeqangitsunut sullissinissaq pingaartikkukku, taava atorfik una ilinnut tulluarpoq. Sisimiuni Angerlarsimaffeqanngitsut unnuisarfianni pikkorissumik kajumissuseqartumillu aqutsisumik Sisimiuni Qeqqata Kommunia pissarsiorpoq.
Angerlarsimaffeqanngitsunut unnuisarfik aasaanerani nal. 17-imiit aqaguanut nal. 8.00 tungaanut, ukiuuneranilu nal. 17.00-imiit aqaguanut nal. 12.00 tungaanut unnuiffigineqarnissaminut ammartarpoq.
Innuttaasut Angerlarsimaffeqanngitsut unnuisarfianni unnuerusuttut, unnuamut inissaqarnissartik qulakkeerniarlugu, Qeqqata Kommuniani Atugarissaarnermut Immikkoortortaqarfimmi allatissapput. Oqorutit, allarutit siniffillu neqeroorutigineqartarput. Taakkua saniatigut unnuisut nerisassiorsinnaapput namminnerlu pigisaminnik eqqiaallutik. Atuisut errorsisarfimmik, uffarfimmik, iggavimmik, isersimaartarfimmik tv-limmik atuisinnaapput pisariaqartitsinermilu sulisunik oqaloqateqarsinnaallutik.
Suliassaqartitsinermut ilaasumik atuisut ullaakkut eqqiaaqataassapput oqorutillu qalii siniffinniit peerlugit.
Angerlarsimaffeqanngitsut unnuisarfianni aqutsisoq ilanngullugu sulisut pingasuupput, taakkua saniatigut pisariaqartitsinikkut aamma paarlatsinik suliartortitsisoqartarluni.
Suliassat akisussaaffiillu:
Angerlarsimaffeqanngitsunut unnuisarfimmi atuisut, sulisut atuisullu allat peqatigalugit, illumi inatsisinik, sammisassanik il.il. malinninnissaat Angerlarsimaffeqanngitsunut unnuisarfimmi sulisut pingaarnertut suliassarivaat. Kiisalu Angerlarsimaffeqanngitsunut unnuisarfimmi suliassaqartitsinermik ikorfartuineq.
Naatsorsuutigaarput illit:
- Innuttaasunik atugarliortunik sullissinermi aqutsineq misilittagaqarfigissavat.
- Peqqinnissamut, perorsaanermik imaluunniit isumaginninnermut allatut attuumassutilimmik tunngaviusumik ilinniagaqarsimasoq, piumasaqaataanngilarli.
- Immaqa allatorluinnaq ilinniagaqartuuvutit kisianni misilittakkatit sulisinnaassutsillu takutissinnaallugit.
- Innuttaasunik atugarliortunik sullissinermik misilittagaqaruit pitsaassaaq.
- Aaqqissuussaanikkut suliaqarnermik paasisimasaqartutit.
- Marluinnik oqaaseqartuuneq, kalaallisut qallunaatullu, iluaqutaassaaq tamannali piumasaqaataanngilaq.
- Outlook, Word, Excell atornissaannut misilittagaqartutit.
Naatsorsuutigaarput illit inuttut:
- Ammasuusutit, kiffartuussiumatuujusutit, akisussaassuseqartutit tatiginartuullutillu
- Inissaqartitsisutit, ilakkuminartutit, inuppalaartutit ataqqinnittuusutillu
- Aaqqissuussaasumik sulisinnaasutit torersuullutit
- Aaqqiissutissarsiorsinnaasutit
- Namminersorlutit sulisinnaasutit
- Suleqateqallaqqissuusutit nuannaartuusutillu
- Ineriartorusussuseqartutit
- Allakkatigut attaveqarluarsinnaasutit ersarissumillu nalunaarsuisinnaallutit
- Ataatsimut isiginnissinnaanermik piginnaasaqartutit, tunniusimasoq, ammasoq sulerusussusilillu.
- Suliassanik nutaanik soqutiginnillutit pitsaasunik pilersitseqataanissat
- Piffissani suliffissani tamani pigaartuusinnaassasutit aamma sapaatip akunnerata naanerini
- Suliffimmi aamma angerlarsimaffimmi inuunerup immikkoortilluinnarnissaat ilisimaarigit
- Naammagittassuseqartutit unamminartunilu assigiinngitsuni eqqissisimasinnaasutit
Akissaatit atorfininnermilu atugassarititaasut:
Akissarsiat atorfinitsitaanermilu atugassarititaasut isumaqatigissutit sulinermilu isumaqatigiissutit sukkulluunniit atuuttut naapertorlugit inissinneqassapput.
Atorfimmut atatillugu inigisassamik innersuussisoqarsinnaanngilaq.
Piaartumik isumaqatigiissuteqarnikkulluunniit atorfinittoqassaaq.
Pineqaatissinneqarsimannginnermut uppernarsaat:
Atorfimmut uunga atatillugu pineqaatissinneqarsimannginnermik uppernarsaammik pissarsinissaq inatsisitigut pisussaaffiuvoq.Inatsit naapertorlugu meeqqanik pinerliisimannginnermut pineqaatissinneqarsimannginnermullu uppernarsaammik kommuni aatsaat pissarsereerpat atorfinitsitsisoqarsinnaavoq. Taamaattumik maluginiaqqussavarput atorfinitsitsineq aatsaat isumaqatigiissusiorfigineqarsinnaammat kommuneqarfik pineqaatissinneqarsimannginnermik uppernarsaammik Politiinit tigusaqareerpat.
Atorfik pillugu paasissutissat sukumiinerusut Atugarissaarnermut Immikkoortortaqarfimmi Sulisunut Pisortaq Hans Henrik Olsen, oqarasuaat , e-mail: aqqutigalugit pissarsiarineqarsinnaapput.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: maajip 20.-at, 2026