Sisimiuni meeqqat inuusuttuaqqallu sunngiffimmi ornittagaanni Sukorsit-ni pisortatut atorfik inuttassarsiuunneqarpoq.
Sunngiffimmi ornittagaq meeqqanut inuusuttuaqqanullu 2.-10. klassini meeqqat atuarfianni atuartunut aamma 13-21-nut ukiulinnut ulluinnarni unnukkut aammalu ulluni tallimanngorneq arfininngornerlu ammasarpoq, Karl Sivertsenip aqq. 14-mi siornatigut Nutaraasimasumi inissisimalluni. Sunngiffimmi ornittakkap siunertaraa meeqqat inuusuttuaqqallu soqutigisaat qitiutillugit ilusilersueqataalluni immersueqataanissaq.
Akisussaaffiit ilaatigut makkuussapput:
- Sunngiffimmi ornittakkap ilusilersorneqarnerani akisussaassalluni, minnerunngitsumik perorsaanerup tungaatigut
- Kattuffik ”Sukorseq” aallaavigalugit meeqqanut inuusuttuaqqanullu sineriammiit suleqateqarluni aaqqissuinikkut piviusunngortitsisassalluni
- Amerlasuutigut isumassarsiornikkut sunngiffimmi ornittagaq meeqqanut inuusuttuaqqanullu ornigulluni pilerinartuunissaa sammisassaqarfiunissaalu akisussaaffigissallugu
- Allaffissornikkut suliassat assigiinngitsut piffisaq eqqorlugu naammassisarnissaat
- Sunngiffimmi ornittakkap aningaasaqarnera Sunngiffimmi Pisortaq qanimut suleqatigalugu aqunnissaa
Piginnaasaqarfiit
Sukorsini ammasarfiit imaapput:
Ataas.., tall. meeqqat atuarfianni atuartunut (2.-7. klassit): nal. 10.00 – 16.45
Ataasinng.- sisamanng. inuusuttuaqqanut inuusuttunullu (13-21 ukiullit): nal. 19.00 – 21.45
Tallimanng. aamma arfininng. meeqqat atuarfianni atuartunut qitik (2.-7): nal. 16.00 – 18.45
Tall. aamma arf. inuusuttuaqqanut inuusuttunullu (13-21 ukiullit): nal. 20.00 – 23.45
Akissarsiat aamma atorfinitsitaanermut atukkat
Akissarsianut atorfinitsitaanermullu tunngasut atorfininnerup nalaani Namminersorlutik Oqartussat S.I.K. aammalu N.P.K isumaqatigiissutaat naapertorlugit.
Ineqarneq
Atorfininnermut atatillugu inissaqartitsisoqarsinnaavoq, tassunga inimut qularnaveeqqusiissut, inimut akiliut sukkulluunniit inatsisit atuuttut naapertorlugit akilerneqartassallutik, soorluttaaq atorfininnermi - aammalu minnerpaamik ukiut pingasut atorfeqareernerup kingorna atorfimmit soraarnermi angalanermut pigisallu assartornerinut aningaasartuutit sukkulluunniit malittarisassat atuuttut naapertorlugit akilerneqassallutik.
Atorfininneq piaartumik imalt. Isumaqatigiissuteqarnikkut pissaaq.
Atorfik pillugu annertunerusumik paasisaqarusukkuit Sunngiffimmi pisortaq Pilunnguaq Kreutzmann sianerfigalugu uunga 867400 iml. e-mailerlutit uunga pikr@qeqqata.gl -mut paasiniaasinnaavutit.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: maajip 15.-at, 2026