Maniitsumi pisortanit ikiorsiissutilerisuni pitsaasumik sullissinissap qulakkeernissaa pingaartippiuk? Ikiorsiissutilerisuni suleqatigiit tunniusimasut akornanni suleqataarusuppit? Maniitsumi Atugarissaarnermut Immikkoortortaq isumaginninnermi siunnersortissarsiorpoq, sullissisoq 1. Juni 2026-mi isumaqatigiissuteqarnikkulluunniit atorfinittussamik.
Atorfik pillugu:
Atorfik una immikkoortortaqarfimmi ineriartortinneqaleruttorpoq, pingaartumik inatsit nutaaq aamma nutaamik IT-mi sullissinermik atortorissaarutit peqqutaallutik. Suliffiup avataani suliffiullu iluani suleqataasut suleqatigalugit innuttaasunik kiffartuussinermi pitsaassuseq naammassiuminarsaanerlu pingaartinneqarput. Suliffiup avatangiisai pitsaasut naleqartippavut sulisullu suliatigut inuttullu ineriartornissaat eqqarsaatigalugu tapersersuisarluta.
Suliassanut akisussaaffinnullu tunngasut:
- Ikiorsiissutilerisuni sullissisut allat peqatigalugit saaffiginnittarfimmi sulineq
- Siusinaartumik pensioneqalernissamut qinnuteqaatit suliarineri, matumani sulisinnaassutsimik misissuinerit, nakorsat oqaaseqaataat aamma sulisinnaassutsimik nalilersuinerit ilanngullugit
- Pensionisiaqalernissamut ataatasimiititaliap ataatsimiinnerani peqataaneq
- Aningaasaqarnikkut ajornartorsiorneq aamma suliffimmik ilinniartitaanermilluunniit periarfissanik pitsanngorsaaneq pillugit innuttaasunut aqqutissiuussineq
- Qinnuteqartoq suleqatigalugu ataasiakkaatut iliuusissatut pilersaarummik suliaqarneq
- Iliuusissatut pilersaarutinik akulikitsumik malitseqartitsineq nalilersueqqinnerlu
- Pisortanit ikiorsiissutinik qinnuteqaatit suliarineri, matumani eqqortumik aningaasanik tunniussisarnerup qulakkeertarnissaa ilanngullugu
- Pisortanit ikiorsiissutinik pisartagaqartut pisussaaffitik eqquutsittarneraat nakkutigalugit misissugaralugillu
- Pisortanit ikiorsiissutit allaffissorneq pillugu aalajangiivigineqarneri
- Suliassaqarfimmi IT-mik atortorissaarutit atorlugit sullissinerup suliarinera (GetOrganized)
- Pisortanit ikiorsiissutinut suliassaqarfimmi naammagittaalliuutit isumagineri
- Sullissineq pillugu nunaqarfinni kommunip allaffiini sulisunik siunnersuineq
- Napparsimasoqartillugu sulinngiffeqartoqartillugulu soraarnerussutisialerisunik sullissineq
- Pinartumik pisariaqartitsisoqarneratigut suliat kinnguussaaqqasut allat isumagineri
Ilinnut naatsorsuutigisavut:
- Isumaginninnerup tungaatigut pingaartumik pisortanit ikiorsiissutinut tunngatillugu inatsisinik ilisimasaqartuusutit.
- Sullissinermut tunngatillugu misilittagaqartutit.
- Illup iluani avataanilu ataatsimeeqataasarnernik misilittagaqartutit.
- Attaveqaqatigiinnermut pitsaasunik piginnaasaqartutit.
- Aalajangiinerit allagaqaatillu allat suliarisinnaagitit
- Sulinermi namminersorsinnaasutit akisussaassuseqarlutillu.
Ilinniakkatigut piginnaasat:
- Isumaginninnermi siunnersortitut tassungaluunniit attuumassutilimmut ilinniarsimasuusutit.
- Aalajaatsuussaatit, pitsaassutsimik pingaartitsisoq immikkuualuttunullu malussarissoq.
- Isumalluartuullutillu ilakkuminartuusutit.
- Ulluni ulapaarfiusuni ukkassilluni aaqqissuussaasumillu sulisinnaassuseqartutit.
- Allattariarsornikkut oqaluttariarsornikkullu erseqqissumik attaveqallaqqissoq.
- Sulinermi namminersorsinnaassasutit akisussaassuseqarlutillu.
- Akimortumik suleqatiginnillaqqissuusutit.
- Qinnuteqartoq marluinnik oqaasiliunissaa (kalaallisut qallunaatullu) orniginartinneqarpoq.
Neqeroorutigaagut:
- Suliffeqarfik ineriartortoq pitsaasunik sulisulik.
- Suliffiup imarisaanut sunniuteqarnissaq aaqqissuussaanerullu ineriartortinneqarnerani tunniussaqarnissamut periarfissalik.
- Suleqatigiiffiulluartoq qanimut siunnersueqatigiiffiusoq iliuuseqartoqartarnissanullu inissaqartitsiffiusoq.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Pineqaatissinneqarsimannginnermut uppernarsaammik aamma meeqqanik pinerliisimannginnermut uppernarsaammik piniartarneq. Uppernarsaatit attuumassuteqartut kommunimit pissarsiarineqareeriarpata atorfinitsitaaneq aatsaat pisinnaavoq.
Akissarsiat, atorfinitsitaanermilu atugassarititaasut:
Akissarsiat atorfeqartitaanermilu atugassarititaasut Namminersorlutik Oqartussat, AK-p imaluunniit kattuffiup isumaqatigiinniarsinnaatitaasup susassaqartup akornanni isumaqatigiissut atuuttoq naapertorlugu pissapput. Atorfinitsitsineq qaammatini pingasuni misiliinertaqassaaq. Malittarisassat atuuttut naapertorlugit inissaqartitsisoqassaaq, aamma atorfininnermi soraarniuteqarnermilu angalanissat kiisalu pequtit nuussorneqarnissaat sivikinnerpaamik ukiuni pingasuni atorfeqarnissaq malillugu akiliussisoqassaaq.
Paasissutissat annertunerusut aamma qinnuteqaat:
Paasissutissat allat pissarsiarinissaannut immikkoortortami aqutsisoq Sofie Jeremiassen oqarasuaatikkut (+299) 81 78 17, e-mailikkut: sjer@qeqqata.gl imaluunniit atugarissaarnermut stab-mi pisortap tullia Andrea Karlsen oqarasuaatikkut (+299) 81 78 62, e-mailikkut: anka@qeqqata.gl attavigineqarsinnaapput Qinnuteqaat pinerluuteqarsimannginnermik uppernarsaat, ilinniarsimanermut allagartaq aamma siusinnerusukkut sulisitsisorisamit oqaaseqaatit PDF-inngorlugit kommunip nittartagaatigut kingusinnerpaamik 15. Maj 2026-mi ikkunneqarsimassapput.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: maajip 15.-at, 2026