ยทTullersorti
Meeqqqanut 12-inut inissaateqarpoq 0-6- mut ukiulinnut
Paasissutissat uunga aaneqarsinnaapput:
Meeqqerivik allaffeqarfiani Pisortaq Navarana Lennert-Andersen.
E-mail: nava@qeqqata.gl
Suliassat akisussaaffiillu:
Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaat nr. 62, 20. november 2023-meersoq malinnissaanut akisussaaqataassaatit, tamatuma saniatigut Qeqqata Kommuniata nittartagaani meeqqanut inuusuttunullu politikkia, kiisalu FN-p meeqqanut isumaqatigiissutaat aallaavigalugit sulissallutit.
Pingaartitagut Naasunnguami:
- paasinnilluartut
- atorluarnissaanut
- ataqqinninnissamut ilinniassagaat
- toqqissisimasunik avatangiiseqarnissaat
Piginnaasassat:
- Perorsaasutut ilinniarsimasoq assigisaanilluunniit
- akisussaassuseqarluartutit
- eqeersimaartuusutit, tunniusimasuusutit nutaamillu eqqarsarsinnaasutit
- tamanik takunnissinnaassuseqartutit
- ulapaarfimmi uippakajaarneq ajortutit
- eqaatsumik periuseqartutit allanngorsinnaassuseqartutillu
- suleqatikkuminartuusutit, inussiarnersuusutit avatangiisinilu akuersaartumi patajaatsuusutit
Naatsorsuutigaarput:
- Perorsaasutut / perorsaanermik ilinniagalik
- Pisortatut akisussaaffeqarneq illu tamaa isigalugu
- tullersorti peqanngitsillugu akisussaaffimmik tigusisinnaanersi
- Ersarissuunissat pisariaqarfimmilu killiliisinnaasutit
- Illup iluani pisunik eqqummaarittuusutit
- Meeqqerivitsialak ilisimaqarfigissagit
- Meeqqap ineriartorneranut tunngatillugu angajoqqaanik oqaloqateqartarsinnaasutit
- Pilersaarusiorsinnaasutit sulianillu agguataarisinnaasutit
- Nutaanik pilersitsisinnaassuseqartutit
- Suliannut tunngatillugu tamakkiisumik isiginnillaqqissusutit
- Suliffinnut patajaatsuusutit/tunniusimasuusutit
- Akisussaassuseqartumik sulisinnaasutit
- Nuannaartoq/uummaarissoq ammasuunissarlu
- Kalaallisut qallunaatullu oqaatsit piginnaasaqarfigissagitit
- IT/qarasaasiamut piginnaasaqarnissat
- Suliniutinut nutaanut eqqummaarissuusinnaasutit
- Akuersaartumik perorsaanermi isiginnittariaaseqassasutit
- Ulapaarnermi eqqissillutit sulisinnaasutit
- Meeqqat immikkut pisariaqartitaannik eqqummaariffeqassasutit
Neqeroorutigissavarput:
- Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
- Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni
- Sulinermi atugassarititaasut pitsaasut
- Aallartitsisinnaasoq nutaamillu eqqarsarsinnaasoq
- Sulisut angajoqqaallu akornanni suleqatigiinneq pitsaasoq
- Akeqanngitsumik timersortarfimmi timigissarsinnaanermut periarfissaqarpoq
- Sulinermi avatangiisit pitsaasut
- Isumassarsianut/siunnersuutinut nutaanut ammasuuneq
Pisortap tullersortimut akissarsiaqartitaanermut atorfinitsitaanermullu atugassarititaasut
Akissarsiat atorfeqartitaanermullu atugassarititaasut, matumani atorfininnermi angalaneq pisattanillu assartuinerit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
Aallartiffik isumaqatigiinnikkut.
Qaammatini pingasuni misiligummik atorfinitsitsisoqassaaq.
Ineqarneq:
Pisortatut atorfik inissaqartitsivoq, taamaattumik qularnaveeqqummut ineqarnermullu, atuinermut il.il. akiliisoqartassaaq, matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Sulilernermi aalajangersimasumik suliffimmut atasumik inimik/illumik tunniussisoqarsinnaanngippat, sulisunut utaqqiisaasumik inigigallagassamik neqerooruteqartussaatillugu utaqqisaasumik tunniussisoqarsinnaavoq, inimut/illumut akiliutit, atuinermut il.il. qulaani allassimasut naapertorlugit akiliisoqassaaq Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Pineqaatissinneqarsimannginnermut aammalu meeqqanik pinerliisimannginnermut uppernarsaat:
Atorfik matumani pineqartoq pinerluuteqarsimannginnermut meeqqanillu pinerluuteqarsimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit ator-fininnissaq inissinneqassammat.
Meeqqanik pinerliisimannginnermut uppernarsaat Kommunimi piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Qinnuteqarnermut piumasaqaatit:
- Ilinniarsimanermut uppernarsaat
- Imminut ilisaritinneq
- Suliffigisimasami oqaaseqaatit attavissallu
- Pikkorissarsimanermut uppernasaatit
Atorfimmut atatillugu annertunerusumik paasisaqarusukkaanni, Meeqqerivimmi allaffeqarfiani pisortaq Navarana Lennert-Andersen attavigineqarsinnaavoq: 86 74 02, nava@qeqqata.gl
Qinnuteqaat kingusinnerpaamik: pissarsinissap tungaanut
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.