Itillimi atuarfiup pisortassarsiorneq – Itillip Atuarfia
Itillip Atuarfianut atuarfimmi aqutsisussarsiorpugut ulluinnarni ilinniartitsisut, aqutsisut allaffeqarfillu suleqatigalugit ingerlatsisinnaasumik.
Aqutsisoq ujartugarput tassaavoq pitsaasumik tatiginartumillu suleqatigiinnissamut ingerlatsinissamut pingaartitsisumik. Aqutsisutut ilinniartitsisunut, angerlarsimaffimmut, sunngiffimmi sammisassanut, aqutsisoqarfimmut minnerunngitsumillu meeqqanik suleqatiginnilluarsinnaassaaq.
Itilleq 1.– 8. klassit akornani 17-inik atuartoqarpoq, ilinniartitsisunullu pingasunut amerlassusilinnut killiligaalluni. Aqutsisoq nunaqarfimmi pissanganartumik ineriartortitsiffiusumik aqutsisinnaasuseqartoq perorsaariaatsimik upperinnittoq, naligiisitsiffiusumik ersarissumillu aqutseriaaseqartoq pisariaqartipparput.
Atuarfiup suliniuteqarfii:
- Ilikkarsarneq
- Tatitussuseq
- Akisussaaqataaneq
Taakku saniatigut atuartut piginnaasatigut nammineersinnaassusaanillu ukkataqarfiussaaq taamaalilluni atuartut angajulliit Maniitsumi 8.-9. klassemi ingerlariaqqinnissaannut piareersarneqarsimassallutik.
Ukkataqarfiit allat:
- Ipad atorlugu atuartitsineq – Alimmasissumik atuartitsineq
- Kendskab til programmer Tabulex og Trio
- Ingerlaavartumik angajoqqaanik atuartunillu atuartitsinerup pissarsiaqarfigineqarnissaanut, klassemi atugarissaarnissaannut kiisalu atuarfiup angerlarsimaffiullu imminnut isumaqatigiinnikkut naatsorsuuteqarfiusumik suleqatigiinneq
- Ukiumut, sapaatip akunneranut, pilersaarusiornermut, atuartut periusissiornissaannut ingerlalluarnissaallu anguniarlugit skoleintramik atuineq il.il.
Suliassat:
- Sulisunut aqutsisuuneq, suleqatinik ineriartortitsineq aammalu allaffissornikkut suliassat
- Programit Tabulex, Trio atorsinnaanissaanik ilisimasaqarneq
- Aningaasaqarnikkut nakkutiginninneq malitseqartitsinerlu
- Atuarfiup pigisaani paaqqinnittarfimmilu aserfatsaaliugaanissaannut nakkutiginninneq
- Innuttaasunut sunngiffimmi atuartitsinneqarnissamut sammisassaqarnissamullu neqerooruteqarnissaanik qulakkeerinninneq
- Skolebestyrelse kommunalbestyrelsellu sinnerlugit ingerlatsinermut akisussaaffeqarneq
Akissarsiat atorfininnermullu atugassarititaasut
Akissarsiat atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Naalakkersuisut aamma ilinniartitsisut kattuffiat IMAK-ip akornanni qaqugukkulluunniit isumaqatigiissutit atuuttut naapertorlugit inissinneqassapput.
Naalakkersuisut aamma Kalaallit Nunaanni kommunini tjenestemænd-it naapertorlugit, atorfinitsitaaneq ukiuni aalajangersimasuni atorfinitsitaanermut immikkut pissutsit naapertorlugit pissaaq (åremål). Atorfinitsitaanermi aammattaaq Naalakkersuisut IMAK-illu akornanni isumaqatigiissutit atuuttut imaluunniit Naalakkersuisut IMAK-illu akornanni akissaatinut isumaqatigiissutaat malinneqassapput.
Qaammatini aqqaneq-marlunnik atorfeqareernermi akiliunneqarluni angalatitsisoqarsinnaalissaaq.
Meeqqanik pinerliisimannginnermut uppernarsaat
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik maluginiaqqussavarput kommuni Rigspolitinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.
Inissaq
Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.
Qinnuteqaammut immersugassaquani www.qeqqata.gl/job aaneqarsinnaavoq.
Atorfininneq pissaaq 1. juni 2026, imaluunniit isumaqatigiinnikkut.
Attavissaq
Apollonie Kreutzmann
Tlf.: (+299) 86 73 25 Mail: apkx@qeqqata.gl
Qinnuteqaammut immersugassaquani www.qeqqata.gl/job aaneqarsinnaavoq.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: maajip 4.-at, 2026