Najugaqartunik aammalu illoqarfimmiit atuisunik toqqissisimanartumik aammalu pingaarutilimmik sullisseqataarusuppit?
Angerlarsimaffik Neriusaaq 2008-mi ammarneqarpoq. 44-nik inissaqartitsivugut assigiinngitsunik pisariaqartitalinnik. Illu arfinilinnut agguataarneqarpoq, sulisulli ikioqatigiillutik sulisarput. Angerlarsimaffik ineriartornermik pingaartitsisuuvoq, naleqartitat pingaartitallu aallaavigalugit sullissineq ingerlanneqartarpoq, ingerlaavartumillu piorsaaneq pingaartinneqarluni.
Suliassat:
- Neriusaap dagcenteriani ataqatigiissaarineq
- Sulisut suliffissaannik ferierfissaannillu pilersaarusiorneq.
- Qulakkiissallugu sammisassat siumut pilersaarusiortarnissaat, kiisalu ataavartumik sullissineq ajunnginnerpaaq ujartortuaannarnissaa (nutaaliorsinnaaneq)
- Ullorsiornerni (juullilernerani orpiliarneq, påske, fastelavn) sammisassat piareersarluarnissaat qulakkiissallugu
- Ukiumoortumik ingerlanneqartartoq Neriusaaq Winter Games suleqatit peqatigalugit pilersaarusiorlugu.
- Nappaatillu assigiinngitsut peqqutigalugit atuisut pisinnaasaat aallaavigalugit sammisassanik nutaanik ujartuisarnissaq
Piginnaasat:
- Socialhjælper imaluunniit sundhedshjælper-tut ilinniarsimasuussaatit
- Aallartitsisinnaallutillu kajumissaarisinnaasuussaatit
- Allanngortitsinermut ammasuussaatit
- Ajornanngippat kalaallisut oqaaseqartuussaatit
Neqeruusutigaagut:
- Suliffeqarfik suliffikkuminartoq.
- Suleqatit suliaminnut ilisimaarinnilluartut aammalu misilittagaqarluartut.
- Fitness akeqanngitsoq.
Atugassarititaasut:
Akissarsiat sulinermilu atugassarititaasut Kalaallit Nunaanni Namminersornerullutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissut atuuttut naapertorlugit aaqqinneqassapput.
Atorfimmut atatillugu inissaqartitsisoqarsinnaavoq
Atorfininneq pissaaq, isumaqatigiinnikkut imal. 1. juni 2026.
Atorfik pillugu annerusumik paasiniaasoqarsinnaavoq Ningiumut
Anne Lyberth anls@qeqqata.gl imaluunniit tullersortimut Malu K. Kreutzmann maka@qeqqata.gl attavigalugit, imaluunniit oqarasuaammut 817011
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: maajip 5.-at, 2026