immikkoortumi aqutsisutut atorfik inuttaaruppoq 2026-milu maajip 15-anni isumaqatigiissuteqarnikkulluunniit inuttalerniarneqarluni.
Atorfik pillugu
Immikkoortortami aqutsisutut immikkoortortap aqunneqarneranik qitiusumik inissisimassaatit aammalu ulluinnarni ingerlatsinermi ilinniartitaanermullu immikkoortortamik ineriartortitsinermut pingaarutilimmik inissisimaffeqassallutit. Ilinniartitaanermut immikkoortortami pisortaq qanimut suleqatigissavat aammalu allaffeqarfiup, paaqqinnittarfiit politikkerillu akornanni ataqatigiissutaassallutit.
Ilinniartitaanermut immikkoortortaq Maniitsumi tassungalu atasunut nunaqarfinni atuarfinnut, atuartut angerlarsimaffiinik, meeqqerivinnik, sunngiffimmi sammisanik, atuakkanik atorniartarfimmik, katersugaasivimmik kiisalu timersornermut tunngasuni ingerlatsinermut ineriartortitsiinermullu akisussaasuuvoq.
Atorfik aaqqissuussaanikkut qitiusumik allaffissuarmi inissimavoq, tassanilu allatseqarfimmut aamma aqutsisuusussaallutit.
Suliassatit pingaarnerit
Atuuffeqarnermut allaaserisaq aallaavigalugu ilaatigut suliassarissavatit:
- Sulisuni sulisorisanik aqutsineq ilanngullugu allatseqarfimmik aqutsisuuneq
- Aningaasaqarnermiut pingaarnertut akisussaasuuneq:
- Missingersuusiorneq malitseqartitsinerlu
- Immikkoortortap atuiffiinik atsiortuuneq innersuussisuunerlu
- Ataatsimiititaliami oqaluuserisassanik imaqarnilianillu suliaqarneq
- Ingerlaavartumik sulississineq allaffissornikkullu ataqatigiissaarineq
- Ataatsimiinnissanik angalanissanillu pilersaarusiorneq
- Malittarisassanut atuuttuusunut naapertuuttumik journalinut allattuineq toqqortuinerlu
- Ilinniartitaanermut immikkoortortamit attuumassutilinnillu ataatsimiinnernit (assesuutigalugu atuarfinni pisortat ataatsiminnerannut ataatsimiititaliamullu allattaaneq) allattaanertut sullissineq
- Ineriartortitsinissaq ingerlatsinikkullu suliassat pillugit aqutsisunik suleqatigisanillu oqaloqatiginninneq
- Suliffeqarfik akimorlugu suliassat nalinginnaasut
Suliffeqarfik pillugu
Immikkoortortaq siammasissumik attuumassuteqartunik suleqatigiinnik qanittumik amerlavallaanngitsunilli suleqatigittunik inuttaqarpoq. Ilaatigut ilinniartitaanermut pisortamik, meeqqeriveqarnermut pisortamik, sunngiffimmi pisortamik pingaarutilinnillu atuuffilinnit inuttalimmi aqutsisoqatigiinni ilaalissaatit.
Illit makku piginnaaneqarfigissagitit naatsorsuutigaarput
- Naleqquttumik ingerlariaqqiffiusumik (allaffissornermi, aningaasaqarnermut tunngasunik assigisaanilluunniit) ilinniagaqarsimanissat
- Aningaasaqarnermik aqutsinermik pisortanilu allaffissornermik misilittagaqarnissat
- Suleqatigiissinnaassuseqarluartutit aaqqissuussaasumillu suleriaaseqartutit
- Sullissillaqqillutillu ilakkuminartuusutit
- Nammineerlutit sulisinnaasutit akisussaaffimmillu tigumminnissinnaallutit
- Atuisartutut qaffasissusilimmik qarasaasiamik atuinissamik ilisimasaqartutit
- Kalaallisoorsinnaallutillu qallunaatoorsinnaasutit (piumasaqaataanngilaq iluaqutaassallunili)
Neqeroorutigaarput
- Annertuumik attuumassutilimmik qitiusutut nikerartumillu aqutsisutut atorfik
- Suliatigut inuttullu ineriartornissamut periarfissat pitsaasut
- Naatsunik aalajangiinissanut aqqutilimmik suliffeqarfimik minnerusunik qanimut suleqatigiinneq
Akissarsiat atorfinitsitaanermullu tunngasut
Naalakkersuisut aamma AK akornanni isumaqatigiissut atuuttoq naapertorlugu akissarsiaqartitsisoqarlunilu atorfinitsitsisoqassaaq.
Malittarisassat atuuttut malilllugit inissaqartitsisoqassaaq isumaqatigiissutillu malillugit angalasinnaanermut pequtinillu assartuinermut tunniussisoqassaaq.
Atorfimmut uunga atatillugu pineqaatissinneqarsimannginnermik uppernarsaammik pissarsinissaq inatsisitigut pisussaaffiuvoq. Inatsit naapertorlugu kommuneqarfik pineqaatissinneqarsimannginnermik uppernarsaammik pissarsippat atorfinitsitsineq aatsaat pisinnaavoq. Taamaattumik maluginiaqqussavarput atorfinitsitsineq aatsaat isumaqatigiissusiorfigineqarsinnaammat kommuneqarfik pineqaatissinneqarsimannginnermik uppernarsaammik Politiinit tigusaqareerpat.
Paasissutissat allat
Atorfik pillugu apeqqutissaqaruit Apollonie Kretuzmann oqarasuaammut 86 73 25 imaluunniit mailikkut apkx@qeqqata.gl attaveqarfiginissaanut tikilluaqqusaavutit.
Ansøgning:
Ansøgning med relevante eksamenspapirer, CV, udtalelser og referencer skal være uploadede inden fristens udløb.
Sådan søger du:
Ansøgning skal sendes elektronisk, via link nederst på denne side, hvor du kan vedhæfte din ansøgning, CV mv.
Bemærk:
Vi modtager ikke ansøgninger i papir eller mails, send venligst din ansøgning elektronisk ved stillingsopslaget.
Qinnuteqarnissamut killissarititaasoq: apriilip 28.-at, 2026