Pisortamut tullersortitut pisariaqartitarput tassaavoq meeqqanut tunniusimasoq, qanilaarnermik tatiginninnermillu takutitsisinnaasoq, angajoqqaanut tunniusimalluni oqaloqatiginnilluarsinnaasoq, meeraq qitiutillugu sulerusussuseqartoq. Illiussaaq suleqatigiinni pinngitsoorneqarsinnaanngitsoq siammasissumik isiginnittaasilik, meeqqap qisuariaataanut tappissoq iliuuseqarusuttorlu, aqutsisumut tapertaalluartoq, eqqummaarissoq ineriartortitseqataanissamik siunniussaqartoq, meeqqerivimmullu sunniuteqataasussaq. Illiussaaq pisortamut qanimut suleqatiginnittussaq pisortallu peqannginnerani illup iluani akisussaaffimmik tigusisinnaasoq, suleqatit allallu peqatigalugit meeraq qitiutillugu inerisaarusussuseqartoq.
Akuleriisillugu meeqqerivik Naja/Aleqa illoqarfiup kujasissortaani inissisimavoq.
Ilinniartitaanermut Immikkoortortap meeqqat alapernaatsut, tatituut, peqqissut nuannaartullu pilersissallugit anguniagaraa. Anguniakkat anguneqarnissaannut illit perorsaasutut ilinniarsimasutut naatsorsuutigineqarputit.
Atorfik ullormut akunnerit arfineq pingasuni suliffiuvoq, sapaatip akunneranut 40 tiimit suliffigalugit. Meeqqerivik meeqqanut 44-inut, meeqqerivittaani 20-nut meeraaqqerivittaanilu 24-nut inissaqarpoq.
Meeqqerivik ataasinngornermit tallimanngorneq ilanngullugu nal. 6:45 – 17:00 ammasarpoq.
Sulisunik agguataarineq akisussaaffillu atorfinnut 11-nut amerlassusiligaavoq.
Suliassat akisussaaffiillu:
Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaat nr. 62, 20. november 2023-meersoq malinnissaanut akisussaaqataassaatit, tamatuma saniatigut Qeqqata Kommuniata nittartagaani meeqqanut inuusuttunullu politikkia, kiisalu FN-p meeqqanut isumaqatigiissutaat aallaavigalugit sulissallutit.
Piginnaasat:
- Perorsaasutut ilinniagalik.
- Aqutsisutut piginnaasalik.
- Meeqqeriveqarnermut tunngasunut misilittagaqartuussaatit.
- Susassaqaqatigiit peqatigalugit sulisinnaassaatit.
- Inatsisinik ilisimaarinnissasutit.
Ilinnut naatsorsuutigaarput:
- Perorsaasutut Ilinniagaqartuusutit.
- Pisortamut sulisunullu qanimut suleqatiginnissinnaasutit.
- Meeqqerivitsialak ilisimaqarfigissagit.
- Meeqqap ineriartorneranut tunngatillugu angajoqqaanik oqaloqateqartarsinnaasutit.
- Pilersaarusiorsinnaasutit sulianillu agguataarisinnaasutit.
- Nutaanik pilersitsisinnaassuseqartutit.
- Ersarissuunissat pisariaqarfimmilu killiliisinnaasutit.
- Suliannut tunngatillugu tamakkerlugu isiginnillaqqissusutit.
- Suliffinnut patajaatsuusutit/tunniusimasuusutit.
- Suliannut akisussaassuseqartumik sulisinnaassasutit.
- Nuannaartoq/uummaarissoq ammasorlu.
- Kalaallisut qallunaatullu oqaatsit piginnaasaqarfigissagitit.
- IT/qarasaasiamut piginnaasaqarnissat.
- Suliniutinut nutaanut eqqummaarinnissinnaasutit.
- Akuersaartumik perorsaanermi isiginnittariaaseqassasutit.
- Ulapaarnermi eqqissillutit sulisinnaasutit.
- Illup iluani pisunik eqqummaarittuusutit.
- Meeqqat immikkut pisariaqartitaannik eqqummaariffeqassasutit.
- Piffissamik ataqqinnittuusutit.
Neqeroorutigissavarput:
- Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
- Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.
- Sulisut angajoqqaallu akornanni suleqatigiinneq pitsaasoq.
- Akeqanngitsumik timersortarfimmi timigissarsinnaanermut neqeroorut.
- Sulernermi atugassarititaasut pitsaasut.
- Isumassarsianut/siunnersuutinut nutaanut ammasuuneq.
Akissarsiat atorfinitsitaanermilu atugassarititaasut, Naalakkersuisut aamma Nunatsinni perorsaasut kattuffiat, NPK, akornanni isumaqatigiissutit malillugit pissapput.
Atorfininnermut atatillugu inissaqartitsisoqarsinnaavoq, malittarisassat atuuttut naapertorlugit akilersorneqartussamik.
Atorfik matumani pineqartoq pineqaatissinneqarsimannginnermut meeqqanillu pinerliisimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Atorfimmut atatillugu annertunerusumik paasissutissat aqutsisumut Martha Lyberth Jensen, oqarasuaat 86 30 82 imaluunniit meeqqeriviit pisortaat Navarana Lennert 86 74 02 paasiniarneqarsinnaapput.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: aggustip 18.-at, 2026