Minngortuunnguup Atuarfiani piumassusilinnik ilinniartitsisussarsiorpugut. Atuarfimmi ineriartortumi tunniusimalluni suleqataarusuttunik meeqqanullu immikkut pisariaqartitsisunut pikkoriffilinnik suleqatissarsiorpugut. Ilinniartitsisut kinguaariit taarseriartuaarneranni misilittagallit nutaallu suleqatigiinneranni ineriartoqatigiilluta atuarfimmik pitsaasumik pilersitseqatigiikkusuttuuvugut.
Atuartuutigut immikkut atuartinneqartut atuarfiup avatangiisiinik aamma asimik atuisartut atuartinneqarnissaannut inuit marluk ujartorpagut. Immikkut atuartitsineqartunut inaarutaasumik misilitsinnissamut piareersartitsinermik atuartitsineq imaqarpoq. Tigussaasumik atuartitsillaqqissunik tikilluaqqusivugut.
Angajullerni ilinniartitsisunik marlunnik oqaatsinut atuartitsisumik aamma kulturfagilerisumik faginilu allani piginnaasaqartunik pissarsiorpugut. Angajullerni inaarutaasumik misilitsittoqartarpoq.
Akullerni marlunnik atuartitsissutini siammasissuni atuartitsisinnaasunik pissarsiorpugut. Oqaatsinut, kisitsinermut kulturilerinermullu atuartitsisinnaasunik ilaqqikkusuppugut.
Minngortuunnguup Atuarfia 400-t missaanni atuartoqarpoq, 60-nik ilinniartitsisunik aalajangersimasunik atorfilittalik, 1.-miit 10. klasse tikillugu 20-nut agguakkanut klasseqarpoq.
Immikkut atuartinneqartartut klasset 16-upput, immikkut atuartitsivimmi Multihandikappinilu. Suleqatigiinnermik pingaartitaqarluta misileraaqatigiillutalu ineriartorfissanik ujartuisarpugut.
Ilinniartitsisutut pisussaaffiit:
- Atuartitsinermut pilersaarusiorneq atuartitsinerlu ingerlanneqassapput.
- Teamsini suleqataarusuttoq .
- Atuartitseriutsinut nutaanut suleqateqarnikkut ammaffiginnittoq.
- iPad-mik atuartitsinermi atuinissamut ineriartorusuttoq.
- Ingerlaavartumik ilikkagassatut anguniakkat aallaavigalugit atuartitsineq atuartullu angusaannik nalilersuisarneq.
- Atuartut pilersaarutaannik pilersitsisarnissaq.
- Suleqatigiit aturfiullu ineriartorneranut peqataanissaq.
Akissarsiat atorfeqarnermilu atugassarititaasut:
Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat aamma isumaqatigiissutit Naalakkersuisut ilinniartitsisullu kattuffiata IMAK-ip akornanni isumaqatigiissutit atuuttut naapertorlugit pissaaq.
Atorfinitsitaaneq aningaasarsianut isumaqatigiissutinut atugassarititaasut naapertorlugit pissaaq.
Sumiiffik/Pisortaqarfik: Minngortuunnguup Atuarfia, Sisimiut, Qeqqata kommunia
Sivisussuseq: Tamakkiisoq
Atorfininnermi ulloq: 1. juni 2026 imaluunniit isumaqatigiinnikkut
Akissarsiat: Isumaqatigiissutit malillugit
Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni il. il.
Atorfinnut paasissutissat annertunerusut atuarfimmi pisortaanut Hans C. Jensen-imut oqarasuaat (+299) 86 41 88
Hans C. Jensen: hacj@qeqqata.gl; imaluunniit tullersortaanut, Uvdloriaq Kleist-imut mail: Uvdloriaq Kleist: uvkl@qeqqata.gl
Minngortuunnguup atuarfia: minngoq@qeqqata.gl saaffiginninnikkut pissarsiarineqarsinnaapput. Qinnuteqarfissamut immersugassaq aaneqarsinnaavoq nittartakkami uani: http://www.qeqqata.gl.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: maajip 1.-at, 2026