Meeqqanut, inuusuttunut angajoqqaavinullu iliuuseqarfiginninnissannut kajumissuseqarpit? Angusaqaqataallutit suleqataarusuppit?
Maniitsumi Ilaqutariinnut Inerisaavik 2026-mi 1. Maj isumaqatigiissuteqarnikkulluunniit atorfinittussamik Ilaqutariinnut Inerisaavimmi ataqatigiissaarisussamik pissarsiorpugut.
Atorfik/ilaqutariinnut Inerisaavik pillugu:
Qeqqata Kommuniani Ilaqutariinnut Inerisaavik pingaarnertut nalaassinerlunnerit kingunerluutaannik suliaqartarput, soorlu kinguaassiutitigut kanngutsaatsuliorfigitissimanerit, nakuusernerit, sumiginnagaanerit kiisalu imminut toquttoqarsimatillugu. Ilaqutariinnut inerisaaviup suliassaa tassaavoq ilaqutariit tapersersorneqarnissaat qulakkiissallugu, taamatullu pisoqarsimatillugu ingerlariaqqinnissaannik ikiussallugit. Tamatuma saniatigut Ilaqutariinnut inerisaavimmi pinaversaartitsinernik suliaqarput, matumani ilaqutariit naartulernermiit tapersersorneqartarlutik. Maannakkut miljøarbejderit sisamaapput, isumaginninnermi perorsaasoq, angerlarsimaffimmut pulaartartut marluk, kiisalu aqutsisoq sulisorineqarput. Akimortumik katsorsaanermillu sammisumik qitiunissamut Ilaqutariinnut inerisaaviup anguniagaa nukittorsarniarlugu, suleqatigiinnut ilaqutariit aqqutissioqatigiinnerannut ataqatigiissaarisutut pissarsiorpugut.
Ilaqutariit Inerisaavianni immikkut sullissinermik aallartisaasoqarpoq, tassani Meeqqat Illuat-nik taaguutilik aallartisarneqarluni, ataqatigiissaarisup annertuumik pingaarnertullu sullitassaralugit meeqqat inuusuttuaqqallu kinguaassiutimikkut killissamik qaangiivigineqarsimasut, imaluunniit timikkut tarnikkullu persuttarneqarsimasut.
Ilaqutariinnut Inerisaavimmi ataqatigiissaarisutut suliassatit tassaapput:
Neqeroorutigisinnaavagut makku :
- Meeqqanut ilaqutariinnullu immikkoortortamiit innersuussutit, tigooqqarneri, nalilersorneri ataqatigiissaarnerilu.
- Ammasumik siunnersuinermi peqataaneq.
- Meeqqat Illuanut innersuussutinik ataqatigiissaarineq aggersaanerlu.
- Politiit killisiuinissaanut ataqatigiissaarineq.
- Sagssamråd-inut ataqatigiissaarineq, aqutsineq imaqarniliornerlu.
- Video atorlugu politiit killisiuineranut peqataaneq.
- Video atorlugu killisiuineranut imaqarniliorneq.
- Suliat Meeqqat Illuanni suliaasut pillugit sullissisunut innersuusiorneq katsorsaasut peqatigalugit.
- Sulianut naliginnaasunut peqataaneq.
Pingaartipparput:
- Inunnik isumaginninnermut siunnersortitut ilinniarsimasuunissaq imaluunniit ilaqutariinnut siunnersuinerup iluani ingerlaqqissima-nermik ilinniagaqarsimaneq, psykoterapeutitulluunniit ilinniagaqarsimaneq.
- Saaffigiuminartuunissat, Ilaqutariinnut Inerisaavimullu saaffiginnittartunut tutsuiginassuseqartumik attaviginnissinnaanissat.
- Suleqatit akornanni suliassat tungaatigut assigiinngitsutigut avitseqatigiinnissaq pingaartikkit.
- Nammineersinnaassuseqartutit suleqatigiinnilu suleqataasinnaallutit.
- Marlunnik oqaaseqartuusutit, kalaallisut qallunaatullu, tamannali piumasaqataanngilaq.
Akissarsiat atorfinitsitaanermullu atugassarititaasut
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Akissarsiat atorfinitsitaanermilu atugassarititaasut Qeqqata Kommuniani kiisalu kattuffik isumaqatigiissuteqarfissarlu akornanni isumaqatigiissutaannut naapertuuttumik pissapput.
Atorfimmut atatillugu inissaqartitsisoqarsinnaavoq, inigisamullu akiliutit qularnaveeqqutillu qaqugukkulluunniit malittarisassat atuuttut malillugit ingerlanneqassapput.
Sukumiinerusumik paasisaqarusuppit?
Atorfik pillugu annertunerusumik paasissutissat Maniitsumi Ilaqutariinnut Inerisaavimmi aqutsisoq Najaaraq Røddik, mailikkut: naro@qeqqata.gl imaluunniit Fagchef Katrine Davidsen kbbr@qeqqata.gl aamma oqarasuaat: +299 812585 (Ilaqutariinnut Inerisaaviup oqarasuaataa toqqaannartoq) imaluunniit +299 482585 (sulinermut atatillugu oqarasuaat) attavigisinnaavatit.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: apriilip 25.-at, 2026