Utoqqarnut Inunnullu Innarluutilinnut Oqartussaaffeqarfik
Atugarissaarnermut immikkoortortaq – Qeqqata Kommunia
Utoqqarnut Inunnullu Innarluutilinnut Oqartussaaffeqarfimmi sullissisumik innersuussisarnermik atuuffilimmik piaarnerpaamik isumaqatigiissuteqarnikkulluunniit atorfinittussamik Qeqqata Kommuniani Atugarissaarnermut immikkoortortaq sulisussarsiorpoq.
Atorfik oqartussaaffeqarfimmiippoq tassanilu suleqatigiinni innersuussisarnermik, sullissinermik kommunillu utoqqarnut aamma inunnut innarluutilinnut neqeroorutaanni malitseqartitsinermik suliaqartuni suleqataassaatit.
Atorfik pillugu
Inatsit atuuttoq kommunimilu suliassat allaaserineqarnerat naapertorlugit innersuussisarnermik sullissinermillu sullissisutut innersuussisarnermik atuuffeqarlutik suliaqartassaatit.
Ataasiakkaatut suliatigullu naliliisarnerit tunngavigalugit innuttaasut eqqortumik ikiorserneqartarnissaat tapersersorneqartarnissaallu qulakkeerinneqataaffigissavatit.
Sulinermi innuttaasunik qanikkanillu suleqateqarneq, iliuuseqarnermik suliassaqarfiit kiisalu akimortumik suleqatigisartakkat, matumani angerlarsimaffimmi ikiortit aammalu angerlarsimaffimmi peqqissaasut, utoqqaat angerlarsimaffii, timimik sungiusaasut peqqinnissaqarfillu ilanngullugit suliaqarfigisassavatit.
Atorfik ineriartortinneqarpoq, taamaattumillu suliassat pisariaqartitsineq aamma suliassat annertussusaat naapertorlugit naleqqussarneqarsinnaapput. Atorfik naatsorsuutigineqarpoq kommunimi tamarmi utoqqaat innarluutillillu iluanni sullissinermut ilaassasoq, aammalu Sisimiuni inissisimavoq.
Atorfik Utoqqarnut Inunullu Innarluutilinnut Oqartussaaffeqarfimmi immikkoortortami aqutsisumik qaninnertut pisortaqarpoq.
Suliassat
Siunissami suliassarilerumaakkatit ilaatigut makkuussapput:
- Inatsisit suliallu allaaserineqarneri atuuttut naapertorlugit sullissineq innersuussisarnerlu
- Peqqinnissamik isumaginninnermillu suliaqartunit naliliinerit aalajangiinerillu suliarineri
- Tapersersorneqarnissamut kommunimilu neqeroorutaasut pillugit qinnuteqaatit suliarineri
- Suliat innuttaasunut tunngasut ataqatigiissarneri malitseqartinnerilu
- Peqqinnissakkut nakorsanillu paasissutissat attuumassuteqartut pissarsiariniartarneri
- Innuttaasunik qanikkanillu oqaloqateqartarneq
- Suliffiup iluani avataanilu suliassaqarfinnik assigiinngitsunik suleqateqarneq
Innersuussisarnerit ilaatigut makkuusinnaapput:
- Angerlarsimaffimmi ikiorteqarneq aamma ulloq unnuarlu angerlarsimaffimmi ikiorteqarneq
- Sammisassaqartitsinermi neqeroorutit
- Nerisaqartitsineq
- Sammisassaqartitsinermut neqeroorummut angallanneqarneq inunnillu innarluutilinnik angallassineq
- Sungiusarluni qasuersaarlunilu uninngagallarneq
- Inissiat utoqqarnut innarluutilinnullu naleqqussakkat
- Ingiallorteqartitsineq tapersersuisoqartitsineq
- Najugaqatigiiffiit allallu isumaginninnikkut ikiorsiissutinut tunngasut
Illit makku piginnaaneqarfigissagitit naatsorsuutigaarput
- Utoqqarnut inunnullu innarluutilinnut suliassaqarfiup iluani peqqinnissamut isumaginninnermullu inatsimmik ilisimaarinnittoq
- Sullissinermik oqartussaaffeqarfimmiluunniit sulinermik misilittagaqartoq
- Aaqqissuussaasumik sulisinnaasoq ulluinnarnilu ulapaarfiusumi malinnaasinnaasoq
- Suleqatiginnilluarsinnaasutit, susassaqarfiillu akimorlugit suleqatiginnissinnaasutit
- Allattariarsornikkut oqaatsitigullu erseqqissumik attaveqaqateqarsinnaasoq
- Nammineerluni sulisinnaasoq suliatillu akisussaaffigisinnaallugit
Sulianut tunngasutigut piginnaasat
Naatsorsuutigaarput, illit:
- Isumaginninnermi siunnersortaasutit imaluunniit peqqinnissamut, isumaginninnermulluunniit tunngasumik ilinniagaqartuusutit, visitatoritulluunniit ilinniaqqissimaneq
- Isumaginninnermut peqqinnissamulluunniit suliassaqarfimmit misilittagaqartuusutit
- Allaffissornikkut aaqqissuussatigullu pisinnaasaqarlartuusutit
- Kalaallisut qallunaatullu oqalussinnaallutillu allassinnaassasutit (pitsaaqutaassaaq)
Neqeroorutigaarput
- Suliffeqarfik ineriartortoq pissanganartoq
- Suliffik suliatigut tunniusimasunik sulisulik
- Piginnaasatigut inuttullu ineriartornissamut periarfissaqarneq
- Ullut nikerartut assigiinngitsorpassuarnik suleqateqarfiusut
- Ukioq ataaseq atorfeqareernermi visitatoritut ilinniagaqarnissamut imaluunniit demenskoordinatoritut ilinniagaqarnissamut periarfissaqartoq, PPK-ataani akissaaersorneqartunut.
- Qeqqata kommuniani sulisut illoqarfiup timigissartarfiani akeqanngitsumik atuinissamut neqerorfigitittarput.
Akissarsiat atorfinitsitaanerlu
- AK-mi sullissisunut isumaqatigiissut atuuttoq naapertorlugu akissarsiaqartitsillunilu atorfinitsitsisoqassaaq, imaluunniit ilinniarsimanerup tunuliaqutaa naapertorlugu isumaqatigiissut naleqquttoq, soorlu PPK-mi isumaqatigiissut naapertorlugu. Ukioq allortarlugu ilinnut ilaqutannullu akiliunneqarluni sulinngiffimmi angalaneq.
- Atorfik sap. Ak. 40 tiiminut aalajangersagaavoq, kisianni qinnuteqarnikkut suliffiup ilaannaanut periarfissaqarsinnaavoq.
- Atorfinitsitsineq qaammatini pingasuni misilinneqassaaq.
Ineqarneq
Malittarisassat atuuttut malillugit inissaqartitsisoqarsinnaavoq.
Sisimiuni najugaqariinngikkuit, ilinnut ilaqutannullu pequtinik assartuussineq angalanerlu akilerneqassapput.
Atorfininneq
Piaartumik isumaqatigiissuteqarnikkulluunniit atorfinittoqassaaq.
Oqaloqatiginninnerit ataavartuussapput suleqatiginiagarlu eqqortoq pissarsiarineqarpat sulisussarsiorluni allagarsiussaq peerneqassaaq.
Imminut ilisaritinneq (CV), oqaaseqaatit qinnuteqaallu naatsoq piaarnerpaamik nassiutissavatit.
Paasissutissat allat
Utoqqarnut Inunnullu Innarluutilinnut Oqartussaaffeqarfimmi immikkoortortami aqutsisoq
Mattaaraq Olsen
Oqarasuaat: (+299) 867337
E-mail: molx@qeqqata.gl
imaluunniit
Utoqqarnut inunnullu innarluutilinnut immikkoortortami fagchefi
(Oqartussaaffeqarfik Immikkoortortallu Siammartikkat)
Peter Mattaaq
Oqarasuaat: (+299) 867355
E-mail: pemx@qeqqata.gl