1. maj 2026-mi isumaqatigiissuteqarnikkulluunniit aallartittussamik Teknikkeqarnermut Avatangiisinullu pisortamik Qeqqata Kommunia pissarsiorpoq.
Teknikkeqarnermut Avatangiisinullu pisortaq immikkoortortamik ineriartornikkut sunnerneqaqqasumik tamatumani kommunip pilersaarusiorfigineqarnera, avatangiisitigut pilersaarusiorneq, sanaartugassatut suliassat, teknikkikkut unammillernartut isumannaatsumillu ingerlatsineq ingerlaqatigiiffiusuusoq aqussavaa.
Aqutsisoq ataqqinaateqarluarnikkut kiisalu oqartussaassuseqartutut pitsaasumik oqaloqatiginninnermik aqutseriaaseqarsinnaassasoq, tamatumalu saniatigut politikkikkut allaffissornikkullu anguniagassat pingaarnerit attatiinnarneqarnissaanik ukkataqarsinnaassasoq naatsorsuutigineqarpoq.
Immikkoortortaq allatseqarfimmi, pilersaarusiornermut immikkoortortami, sanaartornermut immikkoortortami ingerlatsinermilu immikkoortortami agguataarsimasuusunik allaffissornikkut suleqataasunik 16-inik sulisoqarpoq. Ingerlatsinermut immikkortortap ataaniiput ikuallaavik, kalaalimineerniarfik, bussinik ingerlatsineq, majuartaateqarfik kommunillu sannavia asfalterileriffittalik kiisalu eqqaavilerinermut anartarfilerinermullu aamma aputaajaanermut entreprisenik isumaqatigiissusiortarneq.
Suliassat akisussaaffiillu:
- Sisimiuni teknikkeqarnermut Avatangiisinullu Immikkoortortaqarfimmi allaffissornikkut suliassanut akisussaaneq, aqutsisoqarnikkullu ingerlatsinermut ukuusunut, ingerlatsinermut- pilersaarusiornermut-, sanaartornermilu suliassanut, kiisalu allatseqarfimmik akisussaaneq.
- Teknikkeqarnermut tunngasuni politikkikkut allaffissornikkullu anguniakkat tigussaasumik suliniutinngortinnissaasa qulakkeerneqarnissaat.
- Inuussutissarsiuteqartut inuussutissarsiornermut ineriatortitsinissamut sinaakkutissatut pisariaqartitaasa pitsaasumik sullissinerit ingerlatsivilimmik kiffartuunneqarnissamut piareersimasumik naapitaqartarsinnaanissaannut qulakkeerinneqataassaatit.
- Kommunimi ineriartortitsinermut suliniutinut annertuunut soorlu kommunip pilersaarusiorneqarnera, avatangiisit pilersaarusiorneqarnerat, atuilluartumik suliniutinut inuussutissarsiortunillu ineriartortitsinermut peqataaneq.
- Inatsisiliornermut tunngasutigut politikkikkut ataatsimiititalianut siunnersortaaneq.
- Ingerlatsinermi aqutsisoq, pilersaarusiornermut pisortaq aamma sanaartornermi pisortaq peqatigalugit teknikkeqarfiup ingerlatsinermut, pilersuinermut aamma sanaartornermut sulianut missingersuutitigut pingaarnertut akisussaaneq.
Piginnaasat:
- Teknikkeqarnermut aqutsinermulluunnit tunngassutilimmik ilinniagaqartuusutit
- Pisortani aamma/imalt. suliffeqarfinni namminersortuni aqutsilluarnermik misilittagaqartuusutit
- Teknikkikkut ingerlatsinermi sanaartornermillu misilittagaqartutit
- Marluinnik imaluunniit pingasuinnik oqaaseqassasutit – tamannali piumasaqaataanngilaq
- Suleqataasunik, aqutsisorisannik, politikerinik illullu avataani suleqatigisanik suleqateqarsinnaasutit aammalu pitsaasumik suleqatigiinnissamut tunngaviliisumik attaveqaatinik pilersitsinissamut paasinnittuusutit.
- Aaqqissuussaasumik suleriaaseqartutit, misissueqqissaarsinnaassuseqartutit kiisalu paasinartumik ersarissumillu saqqummiisinnaasutit
- Kajumilersitsisuuvutit, ammasuuvutit, pitsaasuuvutit aamma marluinnik kulturilimmi persuarsiortuunak inuuvutit.
Akissarsiatigut atorfinitsitsinermilu atugassarititaasut:
Akissarsianut atorfinitsitaanermilu atugassarititaasut, Naalakkersuisut sulininnilu isumaqatiginninniarsinnaatitaalluni kattuffiup akornanni isumaqatigiissutit sukkulluunniit atuuttut naapertorlugit inissinneqassapput.
Teknikkeqarnermut Avatangiisinullu pisortaq allaffissornikkut Sisimiuni inissisimavoq, Kommunimilu pisortaanerup ataani aaqqissuussaanikkut inissisimalluni.
Inissaqartitsisoqarsinnaavoq, malittarisassallu atuuttut malillugit akilersorneqassalluni.
Piaartumik isumaqatigiissuteqarnikkulluunniit atorfinittoqassaaq.
Teknikkeqarnermut Avatangiisinullu pisortatut atorfik pillugu annertunerusumik paasissutissat Kommunimi pisortaanerup
Hans Christian Sværd, e-mail: hcsv@qeqqata.gl imaluunniit Allaffissornikkut pisortap (Teknikkimut pisortaq) Ulrik Lyberth ully@qeqqata.gl saaffigineratigut pissarsiarineqarsinnaapput
Qeqqata Kommuniani ukkatarineqartut
Kommunip suleriaasia, innuttaasunik naapitsisarnera, inuutissarsiutillit, avataaniillu suleqatigineqartartut Akimortumik suleriaaseqarnermut, Innuttaasunik akuutitsinermut, Nammineq kajumissutsimik sulisarnermut, Nunarsuarmioqataanerulernissamut Sulisullu ilorrisimaarnerinut suli ilisarnaataassapput.
Kommunimi atorfilimmik naapitsigit
Qeqqata Kommuniani kommuni tamakkerlugu sulisut 1300-t missaanniipput (atuarfiit, paaqqinnittarfiit, allaffeqarfik) taakkunannga allaffeqarfimmi katillugit sulisut 141-llutik, Sisimiuni 94-it Maniitsumilu 47-t.
Nittartakkatsinni www.qeqqata.gl/ansat-imi Qeqqata Kommuniani sulisutut kommunimi sulileqqaarnermit ukiuni arlalinni sulisuunermi sulisut assigiinngitsut misigisimasaat atuarsinnaavatit.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: marsip 30.-at, 2026