Qinnguata Atuarfiani atuartut 55-it missaat atuartuupput, atuartitsivinni nalinginnaasuni tallimanni aammalu immikkut atuartitsivinni marlunni agguakkani. Atuareernerup kingorna 1.-3.klassinut ornittagaqarpoq – Fritteri aammalu atuartunut akullerninngaanniit angajullernut Qooqa periarfissaalluni.
Qinnguata atuarfiata pinngortitarsuaq sanileraa. Umimmaat tuttullu tunutsinni qaqqamiipput, sermersuarlu maanngaannit 30 km-iinnarnik ungasissuseqarpoq. Atuarfik ilisimatusartunik, mani nunanilu allani, suleqateqarpoq, aammalu Qallunaat Amerikamiullu sakkutuuinik. Tamakku tamarmik ulluinnarni mani inuuneq nuannersunngortittarpaat, atuartullu ineriartornissaannut sunneeqataallutik.
Pisariaqartippagut:
- Danskit tuluillu oqaasii nukarlerni akullernilu
- Kalaallisut alloriarfinni tamani aamma immikkut atuartitani erhvervklassemilu
- Taakku saniatigut upperisalerinermi, oqaluttuarisaanermi, timersornermi, igatitsinermi, assassornermi il.il
- Specialklassimi Tuttukkut/Erhvervsklassillu. Fagi tamaat.
Atuarfiup neqeroorutigai:
- 1. maj 2026/1.august 2026 aallaqqaataani isumaqatigiinnikkulluunniit atorfininneq
- Najugaqarnissaq maleruagassat malillugit ingerlassaaq
- Suliffik iluarusunnartoq nuannaarnermik illarpalaamillu silaannalik
- Atuartutsialaat
Qinnguata Atuarfia pingaartippaa:
- Fagitigut qaffasissuuneq nutaamillu eqqarsarneq
- Aalaneq, ataatsimoorneq, assigiinngisitaarneq aammalu itisiliineq.
- Piumassuseq, alapernaatsuuneq ilikkagaqarusunnerlu.
- Atuarnermi IPad-i pamersaarnermut ilinniarnermullu atugassatut ilaliullugu.
- Angajoqqaanik attaveqarluarneq
Ukiup atuarfiusup ingerlanera imaakkajuttarpoq:
- Qulequtaqarluni-, Projekteqarluni-, aamma Silaannap pissusaanik sammisaqarnerit
- Pinngortitamiinneq
- Qasujaallisarneq
- Klassefesterneq
- Lejrskolerneq
- Paasisassarsiorluni angalaneq
- Misilitsinnerit alloriarfinnilu naliliinerit
Naleqartitat
- Qinnguata Atuarfiani naleqartinneqarpoq atuartuutitta ingerlalluarnissaat, taamaattumik atuartut angajoqqaallu akisussaaqatigalugit atuartut nuannersumik ulloqarnissaat, sap. akunneqarnissaat, qaammateqarnissaat aammalu ukioqarnissaat anguniarlugu ilaatigut imaaliortarpugut:
- Aallarnisaanerit soqutiginnilersitsisinnaasut
- Ataqqinninneq
- Inissaqartitsineq
- Torersuuneq
- Professionalisme
- Nuannaarneq
Neriulluta qulaani allassimasut atorfiit pillugit alapernaatsileraatsit aammalu, alapernaasersorlutit atuarfiup facebookiani paasissutissanik suli amerlanernik takusaqarnerusinnaavutit imaluunniit Qinnguata Atuarfianut attaveqarlutit.
Atorfiniffissaq: Qinnguata Atuarfia, Kangerlussuaq – Qeqqata Kommunia
Akissarsiat atorfeqartitaanermilu atugassarititaasut:
Akissarsiaqartitaanermut atorfinitsitaanermullu atugassarititaasut, taakkununnga ilanngullugit akiliunneqarluni angalasinnaatitaaneq aamma pequtit assartorneqarneri Naalakkersuit ilinniartitsisullu kattuffiata IMAK-ip akornanni isumaqatigiissutit sukkulluunniit atuuttut naapertorlugit inissinneqassapput.
Atorfinitsitaaneq isumaqatigiissuteqarnikkut pissaaq, kisianni Kalaallit Nunaanni allami tjenestemanditut atorfeqareersimagaanni toqqaannartumik tjenestemanditut ikaarsaartoqarnissaanut periarfissaqarpoq. Tjenestemanditut atorfininneq pissaaq Landstingip inatsisaa malillugu nr.21 decemberip 18-iani 2003-meersoq Namminersornersorlutik oqartussat aamma Tjenestemandit Kalaallit Nunaassersut naapertorlugu. Kiisalu nunaqarfinni atorfinnermi ineqarnermut akiliutiup 60 % missaa sulisitsisup akilertarpaa imaluunniit inip angissusaa, suussusaa aammalu apeqqutaalluni inip atortui. Inip angissusaa m2 atorlugit uuttortarneqartarpoq – illullu titartagartaaniit uuttuutit aallaavigalugit regneark-imut naatsorsorneqartarluni.
Åremålertalimmik atorfinitsitsineq:
Atorfinitsitsineq ukiuni aalajangersimasuni atorfeqarnissamut malittarisassaq pillugu 16. februaari 2007-imi aalajangersagaq tunngavigalugu, ukiuni aalajangersimasuni atorfeqarnissat tunngavigalugu, atorfinitsinneqassaatit. Ukiut ataasiakkaarlugit atorfeqarsimaneq tunngavigalugu, 1. apriili 1991-imeersoq malillugu ukiumut tunngaviusumik kr. 18.000,00 aningaasartalimmik, soraarnerusutisiaqartitaanngitsumik soraarnermi akissarsiaqartitsineq pissaaq. Annertussusaa naleqqussarneqassaaq immikkut ittumik tapisiatut, 1. apriili 2017-imi ukiumut annertussuseqarluni kr. 20.253,67. Soraarnersiassaq qaammatikkuutaartumik akissarsiannut ilanngullugu Kalaallit Nunaata aningaaseriviani kontumut matoqqasumut akiliutigineqassaaq.
Atorfinittussaq ukiut tamaasa feriefrirejse-mik akiliunneqartassaaq.
Meeqqanik pinerliisimannginnermut uppernarsaat:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.
Atorfik pillugu annertunerusumik paasisaqarusukkuit
Atassuteqarfissaq:
Atuarfiup Pisortaanut Jens Scharnbergimut (+299) 84 32 00 / 52 68 21; e-mail qinnguata@attat.gl
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: apriilip 7.-at, 2026