Qeqqata Kommuniata Maniitsumi Innuttaasunut sullissivimmi assistent-itut atorfik inuttassarsiorpaa.
Innuttaasunut sullissivik sulisunut pingasunut amerlassusiligaavoq. Taakkunani ataaseq immikkoortortami aqutsisuuvoq, ataseq overassistent, ataaserlu assistent-itut.
Sivisussusissaa:
Tamakkiisoq
Ulloq atorfiniffissaq:
01 April 2026
Akissarsiaqartitaaneq:
SIK-p isumaqatigiissutaa naapertorlugu
Maniitsoq 2500 sinnilaarlugit innuttaqarpoq, Maniitsumilu innuttaasut pitsaasumik kiffartuunniartarpagut.
Qeqqata Kommunia ataatsimoorussanik naleqartitaqartarpoq, Maniitsumilu Innuttaasunut sullissivimmi akisussaaqataaneq, ataatsimoorneq oqaloqatigiissinnaanerlu pingaartippagut.
www.sullissivik.gl ulluinnatsinnut ilaavoq, nittartakkakkullu saaffiginnissutinik kiffartuussisarluta, innuttaasullu amerlanerit tulleriiaaqqaaratik nittartakkamik atuisalernissaat sulissutigalugu.
Mit-ID, Digital Post allallu.
Innuttaasunut sullissinerup pitsaasup saniatigut akisussaaffeqarfissatit suliassatillu ukuussapput:
- Saaffiginnittunik sullissineq
- Inunnik allattorsimaffik pillugu suliassat
- Ineqarnermut tapiissutit pillugit suliassat
- Meeqqanut tapit pillugit suliassat
- Erninermi ullormusiat pillugit suliassat
- Meeqqanut akilersuutit taakkunanngalu sullissinermi suliassat
- Eqqagassalerinermi anartarfilerinermilu nalunaarnerit
- Kommunip karsiani sullissineq
- MitID-nik tunniussinerit
- Piniarnermut aalisarnermullu siunnersortip suliassaanik tigusineq, assersuutigalugu piniarnemut allagartat allallu.
- Nersornaasiinernut suliassanik ikiuunneq
- Qinersinissamut piareersaanerit il.il.
- Sassaalliinissamut qinnuteqaatit / tamanut ammasunik aaqqissuussanut.
Piginnaasassat:
- Allafissornerup iluani ilinniarsimasuusutit
- Akisussaassuseqartutit
- Sullissinermik sungiussisimasuusutit
- Allattariarsornikkut oqaatsitigullu kalaallisut qallunaatullu piginnaasaqartutit.
- Ulapaarfinnilu takunnissinnaassuseqartutit.
- Suliassat eqqarsaatigalugit eqaatsumik suleriaaseqartutit.
- Isumagissaartuusutit.
Akissarsiat atorfinitsitaanermilu atugassarititaasut:
Akissarsiat atorfinitsitaanermilu atugassarititaasut atorfininnerup nalaani Naalakkersuisut SIK-llu akornanni isumaqatigiissutit atuuttut malillugit inissinneqassapput.
Inissaqartitsisoqanngilaq.
Piaartumik, isumaqatigiissuteqarnikkulluunniit atorfinitsitsisoqassaaq.
Atorfimmut sukumiinerusumik paasissutissat afdelingsleder Jane Olsen-imut oqarasuaat (+299) 81 78 24, e-mail: jano@qeqqata.gl atorlugit saaffiginninnikkut pissarsiarineqarsinnaapput.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: marsip 20.-at, 2026