Akuleriisillugu Meeraateqarfik Kanaartami atorfiit inuttassarsiuunneqartut;
·Perorsaanermik Ilinniarsimasoq/Socialasisstent 3
Meeraateqarfik “Kanaartaq” meeqqanut 64-nut ukioqanngitsuniik arfinilinnik ukiulinnut naatsersuussaavoq, ininut sisamanut agguarsimasut. Meeraaqqerivimmi meeqqat 24-nut inissaqarpoq. Meeqqerivimmi meeqqanut 40-nut inissaqarluni. Paasissutissat pineqarsinnaapput:
Jakobine F. Jerimiassen. Pisortaq tlf: 86 77 10.
e-mail: jaje@qeqqata.gl
Meeraateqarfik Kanaartami illiua suleqatiginnerusuttoq, meeqqanut inerisaaqataarusussusilik?
Init perorsaasunik amigaateqartut inikkaarlutik ukiui: Meeqqerivimmi Kakillarnat 4½-6 ukiullit, Kimmernat 3-4½ ukiullit. Meeraaqqerivimmi Kuannit 1½-3 ukiullit.
Meeqqerivimmi Perorsaanermik Ilinniarsimasoq Kakillarnakkunni atualertussalerineq atualernissaminullu piareersaatit inerisaatillu assigiinngitsut naliginnaasumik inerisaaqataanermi ineqatigisat suleqatigiit suleqatigalugit suleriasarpaat.
Meeqqerivimmi Kimmernani Perorsaanermik Ilinniarsimasup meeqqat annerusumik oqaatsinik annertusaalluni piginnaanngorsaaneq saniatigut timimik eqqarsartaatsikkullu namminiileriartornissaannik inerisaaneruvoq.
Meeraaqqerivimmi Kuannini Perorsaanermik Ilinniarsimasup ukiukkaarinermi piginnaasatigut nukarliunerusut angajulliunerusut ikaarsaarfiinik kaammattuilluni inerisaaneq suleqatit qanimut peqatigilluinnarlugit inerisaanermi suliassaraat.
Suliassat akisussaaffiillu:
Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaat nr. 62, 20. November 2023-meersoq malinnissaanut akisussaaqataassaatit, tamatuma saniatigut Qeqqata Kommunea-ta nittartagaani meeqqanut inuusuttunullu politikkia, kiisalu FN-p meeqqanut isumaqatigiissutaat aallaavigalugit sulissallutit.
Piginnaasat:
- Perorsaanermik Ilinniagaqartuunissaq/Socialsisstentitu ilinniagaqarsimanissat
- Meeqqeriveqarnermut tunngasunut misilittagaqartuussaatit
- Susassaqaqatigiit peqatigalugit sulisinnaasutit
- Inatsisit ilisimaarinnissasutit.
- Qanimut pisortarisaq suleqatigilluarnissaa.
Ilinnut naatsorsuutigaarput:
- Perorsaasutut ilinniagaqarsimassasutit assigusumilluunniit.
- Meeqqerivitsialak ilisimaqarfigissagit
- Meeqqap mappia/ ukioq affakkaartumik angajoqqaanik oqaloqateqarneq
- Pilersaarusiorsinnaaneq. Sulianillu agguataarisinnaaneq.
- Nutaanik pilersitsisinnaassuseqartutit
- Suliannut tunngatillugu tamakkerlugu isiginnillaqqissusutit
- Suliffinnut patajaatsuusutit/tunniusimasuusutit
- Suliannut akisussaassuseqartumik sulisinnaassasutit
- Nuannaartoq/uummaarissoq ammasuunissaq
- Kalaallisut qallunaatullu oqaatsit piginnaasaqarfigissagitit
- I-Padimik piginnaasaqarnissat
- Suliniutinut nutaanut eqqummaarinnissaq
- Akuersaartumik perorsaanermi isiginnittariaaseqassasutit
Neqeroorutit:
- Sulernermi atugassarititaasut pitsaasut
- Isumassarsiassanut nutaanut ammasuuneq
- Suleqatit angajoqqaallu suleqatigiilluartut
- Sulisut aalaakkaasut ukiumikkut assigiinngikkaluarlutik nuannersut
- Ukiukkaartumik sulisutut inimiik inimut nikerarsinnaaneq ineriartorfiusoq sullitat ingerlaqatigalugit atualernissaat tikillugu
- Akeqanngitsumik Qeqqata Kommuniani timigissartarfimmik atuisinnaatitaaneq ukioq naallugu.
Akissarsiat, atorfinitsitaanermilu atugassarititaasut
Akissarsiaqartitaaneq atorfinitsitaanerlu, akiliunneqarluni angalaneq pequtinillu assartuineq ilanngullugit, Kalaallit Nunaani Namminersorlutik Oqartussat, Kalaallit Nunaanni Kommunet aamma Nunatsinni Perorsaasut Kattuffiat akornanni isumaqatigiissutit malillugit pissapput.
Inissaqartitsisoqarsinnaavoq malittarisassallu atuuttut naapertorlugit akiliuteqartoqassalluni.
1 April 2026 isumaqatigiissuteqarnikkulluunniit atorfinittoqassaaq.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: marsip 12.-at, 2026