Qeqqata Kommuniata Naatsorsuuserinermut immikkoortortaqarfia, naatsorsuuserinermut pisortaq peqatigalugu siunnerfilimmik naatsorsuutinut nalunaarsukkani kukkunersiuinikkut kommunip naatsorsuutaasa pitsaassusaanik kivitsinissamut akisussaaqataasussanik ingerlatsiviillu ataasiakkaat naatsorsuutinik allattuinerannik ikiuuttartussanik naatsorsuuserinermut siunnersortimik pissarsiorpoq.
Naatsorsuuserinermut siunnersortimik naatsorsuuserinermut pisortamut qaninnertut qullersaqartussanik kommunimi naatsorsuutinut allattuinernik suleriaatsinillu pitsanngorsaaqataasussanik, aamma siunissaq ungasinnerusoq eqqarsaatigalugu kommunimi missingersuusiornernut nalunaarusiallu suliarineqartarnerinnut peqataasartussamik kiisalu kommunimi aningaasaqarnerup aqunneqarnerata aamma PBI-mi nalunaarusiortariaatsitut atorneqarnerata ineriartorteqqinnissaannut eqinnaatsumik peqataasussamik nutaamik eqqarsartumik suleqataarusuttumillu sulisussarsiorpugut.
Qeqqata Kommunia BI-mi sakkunik assigiinngitsunik atuutsitsilernermik suliaqarpoq aammalu ullumikkut PowerBi-mik aallaavilimmik nalunaarusiortarnermik ingerlalluartumik aaqqiissuteqarpoq. Atortorissaarutit allat atulerneqartussaapput: naatsorsuutinut allattueriaatsit nutaat, ERP-mik aaqqiissut nutaaq, akissarsianut atortorissaarut nutaaq aamma piffissamik nalunaarsuiffik taavalu atortorissaarut ESDH.
Suliassat akisussaaffiillu:
Naatsorsuuserinermut siunnersorti nutaaq kommunimi controllerit marluk ingerlatsivimmilu naatsorsuuserinermi sulisut peqatigalugit suliassani tullinnguuttuni peqataaffigisartagassaat tassaapput:
- BI-mik sakkunik kommunip ingerlatsiviisa atuinerini ikiuunneq aammalu missingersuusiornermut atatillugu suleqatigiittarnernik.
- Naatsorsuutinut allattuinerup annertussusaata ingerlatsiviup atuinera misissugarissallugu;
- Aningaasanik nuutsinerit, naatsorsuutinut kukkusumik ikkutanik iluarsiinerit aamma siumut sammisumik ingerlatsiviit eqqortumik konterisarnissaannik ikiiuunneq.
- Aningaasaqarnikkut aqutsinermi nakkutilliinermik ingerlatsiviit atuinerisa nakkutiginissaat tulleriaakkamillu nakkutiginissaat;
- Nalinginnaanerusumik qullersaqarfiup kommunalbestyrelsilluunniit atugassaanut naatsorsuuserinermut aningaasaqarnermullu pisortamut nalunaarusianik takkussuuttunik assigiinngitsunik suliaqarneq;
- Ingerlatsiviit aningaasaqarnikkut nalunaarusiassaat pillugit ikiorneqarnissamut pisariaqartitsinermi ingerlatsivinnut qitiusumik attaveqaataaneq;
- Tamatuma saniatigut naatsorsuuserinermut siunnersortip suliassarissavai:
- Innuttaasunut ataasiakkaanut kommunip taarsigassarsititsisarneranik ingerlatsineq
- Kommunip sillimmasiissutaanik ingerlatsineq
Piginnaasat:
Immikkoortortami ineriartorluartumi atorfinitsinneqassaatit aammalu sulinerup nammineerlutit sunniuteqarfiginissaanut aammalu illit nammineq ulloq suliffigisassat pilersaarusiornissaanut periarfissaqassaatit.
- Aningaasaqarnerup, naatsorsuusserinerup aamma/imaluunniit aqutsinerup iluani bacheloritut soraarummeersimassaatit, naatsorsuuserinermut immikkoortortaqarfimmiit imaluunniit aningaasaqarnikkut nakkutilliisarnermiit ukiut qulit sinnerlugit misilittagaqarnissaq periarfissaavoq.
- Naatsorsuuseriffimmi sulinermik misilittagaqartutit;
- Attaveqallaqqissuusutit aammalu BI iluani immikkoortuni ilisimasanik ilinniagaqarnissamik annertusaaqqinnissamilu aamma nalinginnaasumik aningaasaqarnermik paasinnittaaseq pissanganartuutikkit;
- Excelimut ilisimasaqartutit aammalu PIVOT eqitsisinik atuinermik misilittagaqartutit;
- Ajornanngippat arlalinnik oqaaseqartuussasutit, kalaallisut, qallunaatut tuluttullu
Akissarsiatigut atorfinitsitsinermilu atugassarititaasut:
Akissarsiat atorfeqartitaanermilu atugassarititaasut, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
Paasissutissat sukumiinerusut naatsorsuuserinermut pisortaq Jonna Petersen jopx@qeqqata.gl attavigineratigut pissarsiarineqarsinnaapput
Qeqqata Kommuniata ukkataqarfigisaa Kommunip suleriaasia, innuttaasunik naapitsisarnera, inuutissarsiutillit avataaniillu suleqatigineqartartut Akimortumik suleriaaseqarnermut, Innuttaasunik akuutitsinermut, Nammineq kajumissutsimik sulisarnermut, Nunarsuarmioqataanerulernissamut Sulisullu ilorrisimaarnerinut suli ilisarnaataassapput.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: februaarip 14.-at, 2026