Qeqqata Kommuniani Nalunnguarfiup atuarfiani paaqqinnittarfinnii pissanganartunik suliassartaqartumi suleqatigiinnut peqataarusuppit? Piginnaasalinnik pimoorussilluartunillu piaartumik isumaqatigiinnikkulluunniit sulilersussanik suleqatissarsiorpugut.
Qeqqata Kommuniani Nalunnguarfiup, Minngortuunnguullu atuarfiisa paaqqinnittarfiini Nalunnguarfiup atuarfiata ataani inissisimasuni ningiu ujartorparput. Paaqqinnittarfinni ingerlatsinermut, atuatunullu sullissinernut, atuarfinnillu marluusunit Nalunnguarfiup atuarfia, Minngortuunnguullu atuarfianik suleqateqarnermik ingerlatsineq, inatsisillu malillugit allaffissornikkut sulineq, angajoqqaanik oqaloqateqarneq, atuartunut sammisaqartitsinissami pilersaarutinik qulakkeerinninneq, sulisut ataatsimoornerinik qulakkeerinninneq.
Paaqqinnittarfinni suliassat ilaatigut makku sulianeqarnissaat naatsorsuutigineqassaaq:
- Sulisut ataatsimuussusaannik suleqatigiilluarnermillu qulakkeerinninneq
- Atuartut angajoqqaallu pillugit sullissineq, taakku iluanni angajoqqaanik atuartunillu oqaloqateqarnermi ataqatigiissaarineq
- Aningaasarsianik qulakkeerinninneq.
- Eqaatsumik sulineq, Nalunnguarfiup atuarfani, Minngortuunnguullu atuarfiani atuartunik sullissinermi sulisunut tamanut atuutsitsineq
- Attaveqaqatigiinnerup torersumik ingerlanissaanik qulakkeerinninneq
- Sammissanik pilersaarusiornermik qulakkeerinninneq
- Suleqatit peqatigalugit sulisunik ineriartortitsineq pitsanngorsaanerlu
- Atuartunik 1. – 5.klassenut sullissinissamik ataqatigiissaarineq
- Ininik atuartut ilorrisimaarneranut tunngasunik qulakkeerinninneq
- Ersarissumik sinaakkuteqarneq
- Assigiinngissuseqarnermik ataqqinninnermik qulakkeerinninneq
- Sillimaniarnermi malitassanik akisussaaneq
- Ferie pillugit ataqatigiissaarineq
- Paarlattaasussanik ujartuineq
Neqeroorutigissavarput:
- Atorfik suliatigut inuttullu unammillernartunik annertuunik toraagassaqarfiusoq.
- Paaqqinnittarfinni suleqatitpiginnaasaqarluartut peqatigalugit ineriartortitseqataaneq.
- Tatigeqatigiiffiusumik pitsaasunik atugaqarluni suleqatigiinneq.
Naatsorsuutigaarput:
- Allaffissornikkut annikinnerusumik misilittagaqartutit
- Sulisunik ataatsimoortitsisinnaasutit
- Suleqatikkuminartuusutit
- Aalajaatsuusutit/ sulilluartuusutit.
Suliffik ulapaarfiusinnaavoq, taamaakkaluartoq suleqatigiligassarput piumasaqaatitsinnut tulluartunik piginnaasalik utaqqisinnaavarput. Paaqqinnittarfimmi sulisut katillutit maannakkut tallimaapput.
Akissarsiat atorfininnermilu atugassarititaasut:
Maannakkut pisortaasut aningaasarsiai malillugit aningaasarsiaqarneq.
Atorfimmut ineqarnermik neqeroortoqanngilaq.
Atorfininnissaq pissaaq 1.marts2026, imaluunniit isumaqatigiinnikkut.
Pinerlussimannginnermut uppernarsaat:
Atorfik una pinerlussimannginnermut uppernarsaammik paasiniaanissamut inatsimmi pisus-
saatitaavoq. Inatsit naapertorlugu pinerluuteqarsimannginnermut uppernarsaat kommu- nimit tiguneqareerpat aatsaat atorfinittoqarsinnaavoq. Taamaattumik malugeqqussavar- put kommunep Politiinit pinerliisimannginnermut uppernarsaat aatsaattiguppagu atorfinif- fiusussaq isumaqatigiissutigineqarsinnaammat.
Atorfimmut paasissutissat annertunerusut Nalunnguarfiup atuarfiani pisortap tullianut Magnus Christensen-imut, oqarasuaat (+299) 862581, e-mail: macx@qeqqata.gl saaffiginninnikkut paasiniarneqarsinnaapput.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: februaarip 9.-at, 2026