Nalunnguarfiup atuarfia 400 missaani atuartoqarpoq. Atuartut klassenut naliginnaasunut 20-nut, specialklassenut quligiluanut, KREA klassenut marlunnut, ilaqutariit klasseannut kiisalu AKT-mut 1,klassenit 10.klassenut atorneqartartunut agguagaapput.
40-nillu ilinniartitsisunik aalajangersimasunik atorfimmut akuerisaallutik.
1.klassemiit 10. klasse tikillugu 18-nut agguakkanut klasseqarpoq.
Immikkut annertusisamik atuartinneqartartut klasset 5-pput + AKT-klasse.
Qeqqata Kommuniani meeqqat atuarfiat ukiuni kingullermi ineriartupiloorsimavoq. Ineriartorneq tamanna ingerlaannassaaq ukiuni tulliuttuni, ilinniartitsisussarsiorpugullu nikisitseqataarusuttunik.
Atuarfimmi siunnersorti:
Atuarfiup angerlarsimaffiullu suleqatigiilluarnissaat aammalu allriarfinnut ikaarsaarnermi ukkassineq sulinerup siunertarissavaa. Tamanna tunngaviulluni Qeqqata Kommunia neriuutigivaa atuartut atuanerminnik aallussinerullernissaa aammalu Meeqqat atuarfianiit ingerlaqqinnermi ilinniagaqalernissaat.
Atuarfimmi aqutsisut, angajoqqaat, ilinniartitsisut, atuartut, isumaginninnermi ikiorti, ilaatigut ulluunerani paaqqinnittarfiit aamma Majoriaq qanimut suleqatigiiffiussapput.
Atorfik ilaatigut angerlarsimaffinnut ornigulluni siunnersuinernut, atuanngippallaanik ornigulluni siunnersuinernut suliassaqassaaq.
Pingaartipparput skolekonsulent-itut sulinermi atuarfiup angunigaanut nukittorsaaqataassasutit:
inuttut inerikkiartornermini, inooqataanikkut aamma atuagarsornermi akisussaaqataavoq.
Naatsorsuutigaarput:
- Siuttooqataanermi sullissilluartoq
- Naleqquttumik ilinniagaqarsimasoq aammalu meeqqat atuarfiini misilittagaqartoq
- Siumut ingerlasumik paaqqinnitarfinni alloriarfinnilu ikaarsaarnermi sulisinnaassasutit
- Meeqqat atuarfianiit ilinniagaqalernissamut/sulilernissamut qulakkeereqataasinnaasutit
- Atuarfik ilaqutariinnillu sullissisut akimorlugit suleqatigiinnermi ukkataqarsinnaasutit
- Angusassamik toraagaqarlutit sulisinnaasutit aamma ilinniartitsisut atuartitsinerannut qaffassaaqataassasutit.
- Ammasuusutit, ineriartortitsinermik soqutiginnittutit suleqateqallaqqissutillu.
- Marlunnik oqaaseqartuusutit, piumasaqaataanngilarli.
Suliassat:
- Atuarfik angerlarsimaffimmilu suleqatigiinneq nukittorsassallugu, ilaatigut suleqatigiinnermi sakkussanik/skabeloninik sanaartorneq.
- Trintest-it inernerinik misissuineq, taakkulu aallaavigalugit qaffassagassanik ukkatassanillu siunnersuusiorneq.
- Paaqqinnittarfinniit nukarlerni atualertussanik ataqatigiissaarisoq.
- Alloriarfinni ikaarsaarnermi Røde tråd ataavartinnissaa.
- Meeqqat atuarfianiit ilinniagaqalernissamut/sulilernissamut qulakkeereqataaneq.
- Nunaqarfinniit atuartut nuunnissaat isumagalugit, ilaatigut atuartut angerlarsimaffiannut iserluartinnissaat isumagissavat.
- Atuarfik ilaqutariinnillu sullissisut akimorlugit suleqatigiinnermi qulakkerineq.
- Atuartunik atuagarsornermi sanngiitsut imaluunniit nukittuut aallaavigalugit ilinniartitsisunik angajoqqaanillu siunnersuineq.
Sisimiutimi makkunuunatigut periarfissaqarluarpoq:
- Meeqqerivinni inissat akitigut appasissut
- Sunngiffimmi susassaqartitsinermut tunngasut
- Sunngiffimmi timersorneq, tassunga ilanngullugit ujakkaarluni sangusaarlunilu sisorarfissaqqissut
- Pinngortitamut pisuttuarneq angallammillu angalaarluni periarfissat pitsaasut
Aningaasarsiat atorfininnermilu atugassarititaasut
Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat aammalu isumaqatigiissutit Kalaallit Nunaanni Inatsisartut ilinniartitsisullu kattuffiata IMAK-ip akornanni immikkut isumaqatigiissutit atuuttut naapertorlugit pissaaq (takuuk www.imak.gl). Atorfinitsitaaneq minnerpaamik ukiunut pingasunut inissinneqassaaq, kingorna angalanermut nuunnermilu akiliunneqarsinnaanngussapput.
Inissaqartitsineq
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqaarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il. il. akiliuteqartoqartassaaq.
Meeqqanik pinerliisimannginnermut uppernarsaat:
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.
Pinerlussimannginnermut uppernarsaat:
Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu politiiniit pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq.
Annertunerusumik paasisaqarnerorusukkuit Atuarfimmi pisortaagallartoq Tim Arnoldi attavigisinnaavat oqarasuammut (+299) 86 43 88 imaluunniit e-mail tiax@qeqqata.gl
Atorfinititsineq pissaaq 1. Marts 2026 imaluunniit isumaqatigiinnikkut.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: februaarip 19.-at, 2026