Nukarlernut (1-3.klassit) ilinniartitsisut 3
Akullernut (4-7.klassit) ilinniartitsisut 2
Angajullernut (8-10.klassit) ilinniartitsisut 2
Immikkut pisariaqartitsisunut (1-10) ilinniartitsisut 2
Kalaallit nunatsinni illoqarfiit annersaata tulliani meeqqanut inuusuttunullu allanngueqataarusuppit?
Nalunnguarfiup atuarfia ilinniartitsisunik tiimelærerinillu pimoorussisunik atorfinitsitassaminik pissarsiorpoq. - Immikkullu pisariaqartitsisunut tapersersortaasinnaasunik pissarsiorluni.
Uagutsinni sulinermi suliaminnik pikkorissunik aamma suleqatigiinnermi ataatsimoortunik, atuartullu atugarissaarnissaannik, ilikkarnissaannik kulturikkullu kinaassutsiminnik pingaartitsisunik suleqateqalernissat periarfissarissavat.
Ilinniartitsisunut piumasaqaatit:
- Ilinniartitsisutut ilinniarsimasuunissaq (assingusumilluunniit tunuliaquteqarnissaq)
- Trinnini assigiinngitsuni sulisimanissaq
- Familieklassemiinnermik, erhvervsklassemiissinnermik immikkoortortanilu aqutsinermik misilittagaqartuunissaq.
- Ammasuunissaq, suleqatiginnikkussusilik aamma atuarferujussuarmi atuartut suleqatigiillu akornanni atugarissaarnerannut inissaqartitsisuunissaq kajumissuseqartuunissarlu.
- Atuarfiup ineriartorneranut tapertaasinnaassusilik
- Sisimiunilu pinngortitamut kulturikkullu ataatsimuualaarnissanut akuusinnaassusilik
Neqeroorutigaagut:
- Suliffik pissanganartoq suleqatigiinnilu nukittuuni isumaqarluartoq
- Suleqatigiit atuarfimmi ineriartortitsinissamik pimoorussisut
- Inissiamik maleruagassat atuuttut tunngavigalugit akilerneqartartumik innersuussisoqarsinnaavoq
- Aningaasarsiat atorfinitsitsinerlu Imak-p isumaqatigiissutai malinneqassapput
- Piginnaasanik - ilinniaqqinnissamillu periarfissaqarluartoq
Sisimiut pillugu:
Sisimiut qaqqat akornanni immap killingani inissisimavoq. Nuummiit
320km-sut avannarpasitsigaluni. Kalaallit nunaanni illoqarfiit annerit tullerivaa 5500 miss. innuttaqarluni.Illoqarfik sunngiffimmi sammisassatigut ilisimaneqarluartoq - pinngortitaq kusanartoq, innuttaasut inussiarnersut. Ukiukkut sisorarsinnaavutit,qimussersinnaavutit, umiatsiarsinnaavutit aasamilu nunap timaanut pisussinnaavutit. - imaluunniit illoqarfimmi kulturikkut sammisassarpassuarnut akuusinnaavutit.
-Periarfissarissaarpugut soorlu; timersortarfeqarpugut -timigissartarfeqarpugut -nipilersornermik ilinniarfeqarpugut - inuusuttuaqqanut ornittagaqarpoq, eqqumiitsuliornermik - kulturikkullu illorsuaqarpugut.
Ukioq kaajallallugu silamiinnermi periarfissarpassuaqarpoq.
Sisimiut timmisartunut mittarfeqarpoq, pisiniarfeqarpoq, cafeeqarpoq aamma Kalaallit nunaata sineriaanut angallanneqarsinnaaneq periarfissaavoq.
Atorfinitsinneqarneq:
1.marts 2026 imaluunniit isumaqatigiissutigineqarsinnaavoq. Aningaasarsiaqarneq aamma atorfinitsitsinermut akiliunneqarluni angalasinnaaneq aamma pisattanik assartuisitsinermi akiliunneqarneq ilaapput. Naalakkersuisut Imak-illu isiumaqatigiissutaat malinneqarpoq. Atorfinitsitsineq isumaqatigiissutinik aallavigineqartarpoq.
Qinnuteqartoq Kalaallit nunaanni tjenestemandisut atorfeqaruni tjenestemandisut atorfinitsinneqassaaq. Tjenestemandisut atorfinitsinneqarnermi Inatsisartut inatsisaat nr. 21 18.December
2003-meersoq Kalaallit nunaanni namminersorlutik oqartussat aamma kommunet Kalaallit nunaanni tjenestemandenut inatsisaat tunngavigineqassaaq.
Apeqqutissaqaruit saaffiginniinnarsinnaavutit.
Skoleinspektør Tim Arnoldi tlf. 862580
imal. email tiax@qeqqata.gl
Viceskoleonspektør Magnus Christensen tlf. 862581
imal. email macx@qeqqata.gl
Nalunnguarfiup atuarfiani akuulerit - ilinniartitsineq- qanilaarneq kalaallillu kulturiat ingiaqatigalugu!
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: februaarip 18.-at, 2026