Allaffissornermi Pisortap Kangerlussuarmi Innuttaasunik Sullissivik akisussaaffigivaa, allaffissornermilu suleqatinut minnerunngitsumillu innuttaasunut suleqatigiinnerup pitsaasuunissaa akisussaaqataaffigalugu.
Suliassat akisussaaffiillu:
- Allaffiup ulluinnarni aqunneqarnera
- Nunaqarfinni Aqutsisunut siunnersuineq allattaanerlu
- Qeqqata Kommuniani sinnerlugu Kangerlussuarmi avammut kiinnerneq
- Kangerlussuarmi ineriartortitsinikkut suliniutit
- Missingersuutinut naatsorsuutinullu malitseqartitsineq
- Suliassat allat atorfimmut naliginnaasumik attuumasut
- Kangerlussuarmi pisortatigut tikeraartoqarnerani ataqatigiissaarineq
- Kangerlussuarmi pisunik annernik ataqatigiissaarineq(noqitsisuuneq)
- Isumaginninnikkut/ilaqutariinnermut suliat pissusissamisut ingerlanissaanik qulakkeerinninneq
- Saaffiginnittarfimmi suliat kinngussaaqqasut
- Suliat tamalaat
Piginnaasat:
- Aqutsinermi misilittagaqartutit
- Politikkikkut aaqqissugaasumi sulinermik misilittagaqartutit
- Eqaattumik suleriuseqartutit ulapaarfiusunilu sulisinnaassuseqartutit
- Marloqiusamik oqaaseqartutit, kalaallisut qallunaatullu, tuluttullu oqalulluarsinnaasutit
- Inussiarnertutit inunnillu VIP-iusunik oqaloqateqarnermik nuannarisaqartutit
- Namminersorlutit suliaqarsinnaasutit suleqateqarluarsinnaasutillu
- Suliniutinik nutaanik piareersaasinnaasutit naammassinissaanullu suliaqarsinnaasutit
Akissarsiat sulinermilu atugassarititaasut:
Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
Inissamik innersuussisoqarsinnaavoq malittarisassat sukkulluunniit atuuttut malillugit ineqarnermut akiliutinik il.il. akilerneqartussamik.
Atorfik allaffissornikkut Kangerlussuarmi inissisimavoq, qaninnertullu ningiorisaq Nunaqarfinni Ataqatigiissaarisoq Kangaamiuni inissisimasoq, aaqqissugaanikkulli Pisortaanerup Sulisuisa Pisortaata ataani inissisimalluni.
Piaartumik isumaqatigiissuteqarnikkulluunniit atorfinittoqassaaq.
Atorfik pillugu paasissutissat annertunerusut Kangaamiuni Nunaqarfinnut Ataqatigiissaarisoq Louisannguaq Rosing, oqarasuaat (+299) 81 78 33, e-mail: loro@qeqqata.gl imaluunniit Sisimiuni Pisortaanerup Sulisuinut Pisortamut Mette B. Berthelsen-imut, oqarasuaat (+299) 86 73 02, e-mail: mbbe@qeqqata.gl saaffiginninnikkut pissarsiarineqarsinnaapput
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: februaarip 9.-at, 2026