·Nerisassiortoq ataaseq
Nuka meeqqanut 44-inut inissaqartitsivoq, meeraaqqerivik ininut marlunnut ukioqanngitsuniit sisamat tikillugit ukiulinnut 24-nut meerartaqarsinnaasunut agguataagaalluni. Meeqqerivik meeqqanut sisamaniit arfinillit tikillugit ukiulinnut 20-nut inissaqarpoq
Paasissutissat tulliuttumut piniarneqarsinnaapput:
Aqutsisoq Ungaaq Lundblad, oqarasuaat 54 75 46
E-mail: unlx@qeqqata.gl
Atorfiup imarisaa:
Ulluinnarni nerisassiornermut tulliuttunillu suliassanik isumaginnissinnaasumik – misilittagaqarluarsinnaasumik –nerisassiortumik imaluunniit nerisassiornermut assitentimik pissarsiorpugut:
- Nerisassiassanik inniminniineq
- Assigiinngisitaartunik katitikkanik nerisassiornissanik pilersaarusiorsinnaasoq
- Sapigalinnut nerisassiorsinnaasoq
- Nerisassiorsinnaasoq
- Namminersorluni sulisinnaassuseqartoq
- Nammineq nakkutilliineq naapertorlugu eqqiaasinnaaneq
Naatsorsuutigaarput:
- Nerisassiortutut imaluunniit Nerisassiornermut assistentitut ilinniagaqartuusutit
- Sapigalinnut nerisassiornissamik ilisimasaqartutit
- Meeqqanut ukioqanngitsunit pingasut tikillugit ukiulinnut peqqinnartunik assigiinngisitaartunik nerisassiorsinnaasutit
- Aalajaatsuusutit
- Namminersorluni sulisinnaassuseqartoq
- Nammineq nakkutilliineq naapertorlugu eqqiaasinnaasutit
- Suleqatikkuminartuusutit
- Meeqqanut, sulisunut angajoqqaanullu inussiarnersuullutit ajunngitsumik pissuseqartuusutit.
Neqeroorutigisinnaavarput:
- Avatangiisit kusanartorsuit atorlugit suliffik pisoqarfiusoq
- Pikkorissarnernut peqataasinnaaneq
Meeqqanik pinerliisimannginnermut aamma pineqaatissinneqarsimannginnermut uppernarsaat:Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissarsiat, atorfinitsitaanermilu atugassarititaasut:Namminersorlutik Oqartussat, SIK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.
Qaammatini pingasuni misiligummik atorfinitsitsisoqassaaq.
Ineqarneq:
Atorfimmut atatillugu inigissamik innersuussisoqarsinnaanngilaq.
Imatut qinnuteqassaatit:
Atorfik pillugu paasissutissat annertunerusut Meeqqeriviit Allaffiani pisortamut Navarana Lennert oqarasuaat 86 74 02 piniarneqarsinnaapput imaluunniit toqqaannartumik Nuka Kangerlussuaq saaffiginninnikkut.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.