Politikkikkut anguniagalimmik naammassisaqarusuttumik suliniummik aqutsisussarsiorpugut. Inuusuttunut sullissinermi atuisut aallaavigalugit suliat ilusilersorneqartarput, taamaammat pingaartipparput suleqatissatta periarfissarsiortuunissaa, ammasuunissaa, inissaqartitsinissaa aammalu pilersitsisinnaanissaa. Pilersitsivik inuusuttunut 16-29 akornanni ukiulinnut atuagarsornertaqanngitsumik neqerooruteqartarpoq, inuttut ineriartornermik atuartitsineq suliaqarnermut siliamullu atuartitsinertut naleqatigalugu inuusuttunut atuagarsornissamut sulilernissamullu piareersimanngitsunut.
Atorfimmi tassaniittutut imminut takorloorsinnaaguit atorfimmut qinnuteqarit.
Suliassat akisussaaffiillu:
- Pilersitsivimmi aqutsineq, ataqatigiissaarineq ineriartortitsinerlu.
- Pisortaq peqatigalugu allaffissornikkut aammalu perorsaanikkut suliassanik akisussaaneq
- Pilersitsivimmi suliat aaqqissuussaanerat ilisimasaqarfigalugu.
- Siunissami ilinniarnermut aammalu inuussutissarsiornermut inuusuttut uteqqissinnaanerat anguniarlugu piumassuseqalersinniarlugit tapersersorlugillu.
- Inuusuttunik sannavinni assigiinngitsuni aallarnisartitsineq isumagalugu.
- Pilersitsivimmi atuisut aqqutissiuullugit
- Inuusuttunut tapersersuineq inooriaatsimullu peqqinnartumut sammisaqarfiusumullu kajumilersitsineq.
Suliniutinik aqutsisussatta suleqatit peqatigalugit inuusuttut annerusumik inuttut ingerlaqqinniassammata namminerlu anguniakkatik angusinnaajumallugit inuttut ineriartornissaat qulakkiissavai. Tamanna atuisunik qanimut oqaloqateqarnermi pissaaq, taakku suleqatigalugit anguniakkanik suliareqqitassanik inissiinissaq pissalluni.
Piginnaasat:
- Aqutsinermik misilittagaqartoq, akisussaanermik suliassanillu agguataarinermik tigusisinnaasoq
- Allaffissornermi sulinermik misilittagartuusutit, ajornanigppat ERP systemimik assigisaanilluunniit.
- Aalajaatsuusutit, torersuusutit, pisuni ulapaarfiusuni eqqissisisimasinnaasutit tamanillu takunnissinnaassuseqarlutit
- Nammineerlutit akimortumillu sulisinnaassuseqartutit, suliassanik amerlasuunik ingerlataqarnissamut pikkorissuusutit
- Perorsaanermik suliaqarnermi imaluunniit ilinniagaqarnermi perorsaanermi tunuliaqutaralugu ilisimasaqartutit.
- Naammagittartuusutit, anguniagaqartuusutit angusanillu takorusuttuusutit.
- Suleqatikkuminarlutillu saaffikkuminartuusutit.
- Ilikkartitserusussasutit.
- Misilittagaqassasutit – inuttut inuussutissarsiuteqarnikkullu – misilittakkatillu naapertorlugit inuusuttut piginnaasaannik takunnissinnaallutit taakkulu inussiarnerlutit, aalajangersimallutit tutsuiginartuullutillu oqaloqatigilluarsinnaallugit.
- Marluinnik oqaaseqartuusutit, (iluaqutaassaaq).
Neqeroorutigisinnaavarput:
- Inuusuttut akornanni ulluinnaq pissanganartoq unamminartorlu
- Suleqatit pitsaasut piginnaasaqartullu
- Suliffeqarfik pissanganartumik ineriartortoq, inuttut sunneeqataanissamik periarfissalik
Akissarsiat sulinermilu atugassarititaasut:
Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.
Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.
Meeqqanik pinerliisimannginnermut uppernarsaat:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq erseqqissaatigineqassaaq.
Atorfininneq pissaaq 1. februar 2026, imaluunniit isumaqatigiinnikkut.
Atorfik pillugu paasissutissat annertunerusut pisortamut Nûno Motzfeldt-Skovgaard (+299) 86 71 59, e-mail nuno@qeqqata.gl atorlugit saaffiginninnikkut pissarsiarineqarsinnaapput.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: januaarip 21.-at, 2026