Meeqqanut, inuusuttunut angajoqqaavinullu iliuuseqarfiginninnissannut kajumissuseqarpit? Angusaqaqataallutit suleqataarusuppit?
Sisimiuni Ilaqutariinnik Kiffartuussivik 2026-mi februaarip aallaqqaataanni isumaqatigiissuteqarnikkulluunniit atorfinittussamik Ilaqutariinnut Kiffartuussivimmi angerlarsimaffimmi siunnersortimik pissarsiorpugut.
Atorfik/ilaqutariinnik kiffartuussivik pillugu:
Qeqqata Kommuniani Ilaqutariinnik Kiffartuussivik pingaarnertut nalaassinerlunnerit kingunerluutaannik suliaqartarput, soorlu kinguaassiutitigut kanngutsaatsuliorfigitissimanerit, nakuusernerit, sumiginnagaanerit kiisalu imminut toquttoqarsimatillugu. Ilaqutariinnik Kiffartuussiviup suliassaa tassaavoq ilaqutariit tapersersorneqarnissaat qulakkiissallugu, taamatullu pisoqarsimatillugu ingerlariaqqinnissaannik ikiussallugit. Tamatuma saniatigut Ilaqutariinnik Kiffartuussivik pinaversaartitsinernik suliaqarput, matumani ilaqutariit naartulernermiit tapersersorneqartarlutik. Maannakkut miljøarbejderit marluk, isumaginninnermi perorsaasoq, angerlarsimaffimmut pulaartartoq ataaseq, Ilaqutariit aqqutissioqatigiinnerannut ataqatigiissaarisutut kiisalu isumaginninnermi siunnersortitut, Manu-mi ataqatigiissaarisoq/siusissukkut suligasuartoq kiisalu aqutsisoq sulisorineqarput. Akimortumik katsorsaanermillu sammisumik qitiunissamut Ilaqutariinnik Kiffartuussiviup anguniagaa nukittorsarniarlugu, suleqatigiinnut ilaqutariit aqqutissioqatigiinnerannut ataqatigiissaarisutut pissarsiorpugut.
Ilaqutariit Kiffartuussivianni immikkut sullissinermik aallartisaasoqarpoq, meeqqat massakkut angerlarsimaffiup avataanut inissinneqarnikut inissitsaaliuinissamilu suliniuteqarluni annertuumik aallartisaleruttorpoq taamaattumik angerlarsimaffimmi ikiortitut marlunnik sulisussarsiorpugut.
Ilaqutariit Kiffartuussiaviani ilaqutariinnik siunnersuisup suliassai tassaapput:
Neqeroorutigisinnaavagut:
- Atungarissaarnermi immikkoortortamiit innersuussat sullisissallugit
- Ilaqutariit meeqqaminnik arsaagaanikut angerlartitseqqinnisaannut ikorfartuineq
- Ilaqutariit meeqqaminnik arsaagaanissaminnut qanittut pilertortumik ikiorsertarnissaat
- Ilaqutariit meeqqamik perorsarnissaanut tunngatillugu ikiortinnissamik pisariaqartitsisut
- Ilaqutariit inooriaatsimut pitsaanerusumut aqqutissiorlugit
- Suligasuarneq meeqqat Inuusuttullu pisariaqartitsisut aallaavigalugit
- Annaasaqartoqartillugu ikiuinermi peqataaneq
- Ammasumik siunnersuinermi peqataaneq
Pingaartipparput:
- Inunnik isumaginninnermut siunnersortitut ilinniarsimasuunissaq imaluunniit ilaqutariinnut siunnersuinerup iluani ingerlaqqissimanermik ilinniagaqarsimaneq, perorsaasutut ilinniarsimanissalluunniit.
- Saaffigiuminartuunissat, Ilaqutariinnik Kiffartuussivimmullu saaffiginnittartunut tutsuiginassuseqartumik attaviginnissinnaanissat.
- Suleqatit akornanni suliassat tungaatigut assigiinngitsutigut avitseqatigiinnissaq pingaartikkit.
- Nammineersinnaassuseqartutit suleqatigiinnilu suleqataasinnaallutit.
- Marlunnik oqaaseqartuusutit, kalaallisut qallunaatullu, tamannali piumasaqataanngilaq
Akissarsiat atorfinitsitaanermullu atugassarititaasut
Akissarsiat atorfinitsitaanermilu atugassarititaasut Qeqqata Kommuniani kiisalu kattuffik isumaqatigiissuteqarfissarlu akornanni isumaqatigiissutaannut naapertuuttumik pissapput.
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Atorfininneq pissaaq piaartumik imaluunniit isumaqatigiinnikkut.
Atorfimmut atatillugu inissaqartitsisoqarsinnaavoq, inigisamullu akiliutit qularnaveeqqutillu qaqugukkulluunniit malittarisassat atuuttut malillugit ingerlanneqassapput.
Sukumiinerusumik paasisaqarusuppit?
Atorfik pillugu annertunerusumik paasissutissat Sisimiuni Ilaqutariinnut Kiffartuussivimmi aqutsisoq Mia Jakobsen-Siegstad, oqarasuaat (+299) 866077, mailikkut: mjsx@qeqqata.gl imaluunniit Fagchef Katrine Davidsen kbbr@qeqqata.gl saaffiginninnikkut pissarsiarineqarsinnaapput.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: januaarip 23.-at, 2026