Atorfinitsitsineq isumaqatigiissutit
Qeqqata Kommunia Kangerlussuarmi Innuttaasunik Sullissivik Kangerlussuarmi Innuttaasunik sullissivimmut, Qinnguata Atuarfianut meeraateqarfimmullu `Nuka`mut tamanik sullissisutut / pedelitut atorfik inuttaqanngilaq.
Tamanik sullisisoq/Pedeli Innuttaasunik Sullissivimmi ulluinnarni aqutsisuusumut attaveqassaaq.
Akisussaaffiit suliassallu:
- Kangerlussuarmi Meeqqat Atuarfianni Qinnguata Atuarfimmi, meeraateqarfimmik Nuka Innuttaasunillu Sullissivimmik pedelitut sullissineq.
- Kangerlussuarmi Innuttaasunik Sullissivik suleqatigalugu Kangerlussuarmi kommunip sullissinermik suliassaanik suliarinninneq.
- Allakkanik, poortukkanik nivinngagassanillu assartuineq
- Kangerlussuarmi kommunip illuutaani eqqaanilu saliineq.
- Kangerlussuarmi kommunip illuutaani annikinnerusunik iluarsagassanik aserfallatsaalisassanillu suliaqarneq.
- Qimminik Nakkutilliineq
Piginnaasat:
- Assassornerup iluani ilinniagaqartuusutit imaluunniit assassornermik tunuliaqutaqartutit / misilittagaqartutit
- Aalajaatsuusutit.
- Qamutinik motoorilinnik angallassisinnaanermut allagartaqartutit.
- Suleqatikkuminartuusutit.
- Nammineersinnaassuseqartutit.
- Pineqaatissineqarsimanngitsutit
-
- Unnukkut aamma pisariaqartitsineq malillugu sapaatit akunnerisa naanerini sulisoqartarsinnaasarpoq
Aningaasarsiat atorfininnermilu atugassarititaasut
Akissarsiat atorfinitsitaanermilu atugassarititaasut atorfininnerup nalaani Naalakkersuisut S.I.K.-llu akornanni kiassaatilerisunut, pedelinut aamma inissiarsuarni nakkutilliisunut isumaqatigiissut atuuttoq malillugu pissaaq, qaammammut suliartoqquneqaratarsinnaanermut 2.415,00 koruuninik tapeqartinneqartoq.
Inissaqartitsisoqanngilaq.
Atorfininnissaq 2026-mi 01. janauri isumaqatigiissuteqarnikkulluunniit pissaaq.
Meeqqanik pinerliisimannginnermut uppernarsaat
Atorfik pineqartoq meeqqanut pinerliisimannginnermik uppernarsaammik pissarsinissamut inatsisitigut pisussaaffeqartitsivoq. Inatsit naapertorlugu kommunip meeqqanut pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.
Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianit pissarsiarineqartussaq tunngavigalugu atorfinitsitsisoqassaaq.
Paasissutissat atorfimmut tunngasut sukumiinerusut pissarsiarineqarsinnaapput Innuttaasunik Sullissiviup pisortaanut Helga Nielsenimut oqarasuaat (+299) 86 73 77
Qinnuteqaat soraarummeersimanermik uppernarsaatinik, imminut ilisaritinnermik, oqaaseqaatinik attavigineqarsinnaasunillu ilaqartinneqartoq nassiunneqassaaq.
Qinnuteqarnissamut killissarititaasoq: decembarip 19.-at, 2025