Atuilluartuunissamut siunnersorti ingerlatsivinni ineriartortitsinermilu akimortumik suliniutinik, kiisalu kommunimi suliniutinik qulakkeerinnissaaq.
Suliassat akisussaaffiillu:
- Nittartakkamut, inuit naapittarfiinut, allatanik paasiuminarsaanermut, nittartakkamik iluarsartuussinermut pitsaassutsimillu qulakkeerinninnermut, assiliinermut videolianillu iluarsaassinermut ilusilersuillunilu suliaqarnermut akisussaaneq.
- info@qeqqata.gl-mi attaveqaqatigiinnermut ataqatigiissaarinermullu akisussaaneq
- Maniitsumi nunaqarfiinilu kommunip immikkoortortaani nutaarsiassanik ujartuineq siammarsaanerlu
- Kommunalbestyrelsip ataatsimiinneri, tusagassiutinut nalunaarutit, aviisini ilanngussassanik suliaqarneq, najukkami aviisinut ilanngussineq nutaarsiassanullu akisussaaqataaneq
- Maniitsumi nunaqarfinnilu kommunip immikkoortortaanit illup iluaniit avataaniillu nutaarsiassanik pissarsiornermut ingerlatitseqqiinermullu tunngatillugu ujartuisuuneq aammalu suleqatigisanut innuttaasunullu atuilluartuunissamik eqqarsartariaatsimik ingerlatitseqqiineq
- Akimortunik atuilluartuusumik suliniutinik pilersaarusiornernut akuutitsinernullu suliniuteqarneq aammalu peqqinnerulernissamut suliniummut "Akisussaaqatigiitta - Fællesansvar"-mi suliniutini suleqatigiissitanilu peqataaneq
- Najukkami Ataatsimiititaliamut allatsitut kiffartuussineq
- Avataani oqartussaqarfiit, aaqqissuussat suliffeqarfiillu peqatigalugit ineriartortitsinermut suleqatigiillunilu suliniutinut ikiuunneq kiisalu pisortaqatigiinnut siunnersiueqatigiinneq
- Pisortaanerup sulisuinik peqateqarluni suleqatigiinnikkut suliassanik kiisalu suliassanik takkussuuttunik suliaqarneq
Piginnaasat:
- Tusagassiortutut, attaveqaqatigiinnermut imaluunniit attuumassutilimmik qaffasinnerusumik ilinniagaqarsimasuusutit, kalaallillu inuiaqatigiivini pissutsinut ilisimasaqartuusutit
- Allaffissornermi suliassanik pilersaarutinillu aqutsinermik kiisalu nutaaliornermik ineriartortitsinermillu suliniutinik misilittagaqartutit
- Aaqqissuussaanermi politikkikkut aqutaasumi sulinermi ilisimasaqartutit
- Allatanik aaqqissuussineq, nittartagalerineq, assiliineq videoliornerlu kiisalu ilusilersuineq ilanngullugit attaveqaqatigiinnerup iluani misilittagaqartutit
- Tamanik takunnillaqqissuseqartuusutit, suliassanik aallartitsisinnaassuseqartutit, iliuuseqallaqqissuusutit sungiussiasuusutillu
- Suleqateqallaqqissuusutit avatangiisinillu sunniisinnaassuseqartutit
- Marluinnik kultureqarluni avatangiisilimmi anguniagalimmik sulisinnaassuseqartutit
- Oqaatsitigut allattariarsornikkullu attaveqaqateqallaqqissuusutit
- Kalaallisut ajornanngippallu arlarlinnik qallunaatut aamma tuluttut oqaaseqartuusutit
Akissarsiatigut atorfinitsitsinermilu atugassarititaasut:
Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
Malittarisassat sukkulluunniit atuuttut malillugit akilerneqartartussamik inissamik innersuussisoqarsinnaavoq.
Atorfik allaffissornikkut Maniitsumi inissisimavoq Maniitsumilu ineriartortitsinermut pisortap ataani inissisimalluni.
Kommunip iluani sulinermut atatillugu angalasoqartarpoq.
Atorfinitsitsineq pissaaq 1. januar 2026-mi, imaluunniit isumaqatigiinnikkut.
Atorfik pillugu paasissutissat annertunerusut Maniitsumi ineriartortitsinermut pisortamut Sofie Jessen oqarasuaat (+299) 81 78 49, e-mail: soje@qeqqata.gl imaluunniit Sisimiuni pisortaanerup sulisuinut pisortamut Mette Blytmann Berthelsen oqarasuaat (+299) 86 73 02, e-mail: mbbe@qeqqata.gl atorlugit saaffiginninnikkut pissarsiarineqarsinnaapput.
Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik nassiunneqassaaq.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Pisortanerup sulisui pillugit
Qeqqata Kommuniani Pisortaanerup sulisui tassaapput; pisortaanerup sulisuinut pisortaq 1, ineriartortitsinermut pisortaq 1, atuilluartuunissamut siunnersortit 4, suliniummut siunnersorti aamma attaveqaqatigiinnermi suleqataasoq 1.
Pisortaanerup sulisui tassaapput Qullersaqarfiup ataani akimortumik suliaqartut. Pisortaanerup sulisui Sisimiuni arfinilinnut Maniitsumilu marlunnut agguataarsimasunut sulisunut arfineq-pingasunut amerlassusiligaavoq. Pisortaanerup sulisui ingerlatsivinnut ineriartortitsinermillu suliassanik illup iluani avataanilu akimortunik suliaqartuupput. Suliassat politikkimut soorluttaaq allaffissornikkut suliassaasinnaapput.
Qinnuteqarnissamut killissarititaasoq: decembarip 12.-at, 2025