Qupanuk suliffeqarfiuvoq 70-it missaanni sulisoqartartoq. Immikkoortortanut marlunnut avitanut 44-nik najugaqarfigineqarsinnaasoq; inuit 22-it plejemiillutik qasuersaarfiusartut marluk ilaatillugit, aammalu puiguttortut immikkoortortaanni inunnut 22-nut inissaateqarluni. Qupanuk namminerisamik igaffeqarpoq, asaasoqarluni errorsisarfeqarlunilu. Taamaattumik assigiinngitsunik ilinniagaqartunik sulialinnillu suleqatitaassallutit.
Atorfik sapaatip akunneranut akunnerit 40-t ataasinngornermiit tallimanngornermut nal. 08.00-16.00 suliffiuvoq. Naatsorsuutigissavat sulisut akornanni piareersimasussaatitaanermut aaqqissuussamut akuulissagavit, suliassaqarfiit aammalu teknikkimut tunngasunik suliassaqalersinnaammat.
Illorsuarmi pingaarutilittut inissisimassagavit, akisussaaffimmik tigusisinnaasumik, pilersaarusiorsinnaassusilimmik pingaarnersiuillaqqissumillu aammalu suliassanik iliuuseqarfiginnilluarsinnaasumik, assigiinngiiaartunillu suliaqarluni nuannarisalimmik pedelissarsiorpugut.
Suliassatit pingaarnerit tassaassapput:
- Pedelitut sulinermi allaffissornikkut suliassanik akisussaasuuneq, ilanngullugu akissarsianut tunngassutillit
- Pedeleqarfimmi sulisussanik nutaanik suliffimmut iserluarsaanermik qulakkeerinninneq
- Utoqqaat Angerlarsimaffianni sanaartugassanut iluarsartuutassanullu nalilersuinermut pilersaarusiornermullu akisussaasuuneq
- Utoqqaat Angerlarsiamaffianni aserfallatsaaliineq annikinnerusunillu iluarsartuussineq
- Teknikkikkut atortulersuutinik toqqorsivinnillu nakkutiginninneq akisussaaffeqarnertullu
- Illumi pequtinik siniffinnillu oqinnerusunik nussuineq
- Nioqqutissanik toqqorsivimmiittussanik inniminniineq, tigooraaneq agguataarinerlu
- Immikkoortortaqarfiit toqqorsiviannit inniminniikkanik suliaqarneq
- Assigiinngitsunik suliaqartut akimorlugit ataatsimiinnerini pikkorissarnerni attuumassutilinni peqataaneq
- Illup iluani/avataani suleqatigisanik ataatsimeeqateqarneq aamma Immikkoortumut attuumassutilinnik suleqatigiissitani suliniutiniluunnit illup ilani avataanilu peqataaneq
Ilinnut tunngasut:
- Assassornermik ilinniagaqartoq
- Biilersinnaanermut allagartaqartoq
- Allaffissornermik suliaqarnermik misilittagaqartoq
- Aqutsinermik aningaasaqarnermullu misilittagaqartoq
- Suliassanik arlalinnik tigummiaqarsinnaasoq tamanillu isiginnissinnaassuseqartoq
- IT-lerinermik ilisimasaqarluartoq
Neqeroorutigaavut
- Suliffeqarfitsinnut ilisarititsilluarneq
- Suliffik ineriartortitsinermik, akisussaaqataanermik sunniuteqarluarsinnaanermillu pingaartitsisoq
- Illoqarfimmi timigissartarfimmi akeqanngitsumik sungiusarsinnaaneq
- Pisariaqartitsineq naapertorlugu inatsisit atuuttut naapertorlugit inissaqartinneqarneq
Atorfik pinerluuteqarsimannginnermut uppnernarsaammik pissarsinissamut pisussaaffik pillugu inatsimmit ilaatinneqarpoq. Aatsaat atorfinittoqarsinnaavoq Kommune pinerlussimannginnermut uppernarsaammik Politiinit pissarsippat.
Akissarsiat atorfinitsitaanermullu tunngasut
Akissarsiatigut sulinermilu atukkat, Namminersorlutik Oqartussat qinnuteqartullu kattuffiata isumaqatigiinniussisinnaatitaasup isumaqatigiissutaat naapertorlugit pissapput.
Atorfinitsitsineq qaammatini pingasuni misiliinneqassaaq.
Atorfininneq: 1. november 2026 imaluunniit isumaqatigiissuteqarnikkut.
Qinnuteqarfissamut killigititaasoq: 28. september 2026. Oqaloqateqarnerit ataavartumik ingerlanneqassapput.
QUPANUK pillugu annertunerusumik uani paasisaqarnerusinnaavutit: Utoqqaat Angerlarsimaffiat "Qupanuk"
Qinnuteqarnissamut killissarititaasoq: septembarip 28.-at, 2026