Qeqqata Kommuniani Sisimiuni immikkoortortami aqutsisoq ilanngullugu sisamanik. Aningaasaqarnermut immikkoortortaq/naatsorsuuserivik tallimanik sulisoqarpoq. Taakku saniatigut Sisimiuni AU-mi atuartumik ilinniartuuteqarpugut.
Pingaarnertut suliassarissavatit:
- Akiligassiissutinik immikkoortortanut tamanut ingerlatitseqqiineq
- Ullormi aningaaserivimmut ikisanik allattuineq
- Nunaqarfinnit/katersugaasivinnit karsit naatsorsornerinik naatsorsuutinut allattuineq
- Oqimaaqatigiissitsinernik aningaaserivimmilu kontonik naligiissaarineq
- Akiligassaqarfiit naatsorsorneqarnissaat
- Allaffimmi suliaqarnermi suliassanik agguataarinermi suliakkiissutinik suliaqarneq.
Naatsorsuutigaarput:
- Allaffissornermut sulinerup iluani attuumassutilimmik ilinniagaqarsimanissat,
- Tamat isiginnissinnaassuseqartutit pisunilu ulapaarfiusuni eqqissisimasinnaasutit
- Ataatsikkut arlalinnik suliaqarsinnaassuseqartutit
- Sullissillaqqissutit suleqatiginnillaqqissuullutillu
- Qarasaasiamik atuisinnaasutit
- Marluinnik oqaaseqartuusutit, kalaallisut qallunaatullu
Akissaatinut atorfinitsitaanermullu atugassarititaasut:
Akissarsiat atorfinitsitaanermullu atugassarititaasut matumani atorfininnermi isumaqatigiissutit atuuttut malillugit inissinneqassapput.
Piaartumik isumaqatigiissuteqarnikkulluunniit atorfinittoqassaaq.
Atorfik pillugu annertunerusumik paasissutissat immikkoortortami aqutsisumut
Jonna Petersen e-mail jopx@qeqqata.gl –mut oqarasuaat +299 867366-mut
Piniarneqarsinnaapput
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: decembarip 1.-at, 2025