·Socilhjælperer 1
·Pædagoger 2
Meeraaqqerivimmi meeqqanut ukioqanngitsuniit arfinillit tikillugit ukiulinnut 54-inut inissaateqarpoq. Ukioqanngitsuniik pingasut tungaanut ukiulinnut 24-inut inissaateqarpoq, pingasuniik arfilllillu ukiulinnut 32-nut inissaateqarlutik.
Qeqqata Kommunia sulisunik tunniusimasunik pissarsiorput, illit sulisutut meeqqeriviup naleqartitaanik sunneeqataasinnaavutit. Ilinniartitaanermut Immikkoortortap meeqqat alapernaatsut, tatituut, peqqissut nuannaartullu pilersissallugit anguniagaraa. Anguniakkat anguneqarnissaannut illit sulisutut suleqatitillu ukkataqarnissat naatsorsuutigineqarpoq.
Suliassat akisussaaffiillu:
Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaat nr. 62, 20. november 2023-meersoq malinneqarnissaanut akisussaaqataassaatit, tamatumalu saniatigut Qeqqata Kommuniata nittartagaani maleruagassat nassuiarneqarnikuusut, Qeqqata Kommuniata politikkikkut takorluugaat, Meeqqanut Inuusuttunullu politikki, perorsaanikkut anguniakkat malillugit sulissallutit.
Meeqqeriviup kulturianut meeqqat sunniuteqarsinnaanerat tunaartaralugu ulluinnarni ileqqoqarnikkut/piffissamik ilisimaarinninnikkut aammalu naatsorsoruminartuunikkut ulluinnaat ingerlanniarsarisarpagut. Ataatsimoorluta meeqqeriviup atuisunut tamanut peqqinnartuutinnissaanut ineriartortuunissaanullu pilersitsinissarput pingaaruteqarpoq. Taamaattumik suliffimmi pissutsit annertuumik pingaartinneqarput.
naleqartitavut makkuupput:
- toqqissisimalluni tikilluaqqusaallunilu misigisimassaaq.
- sulisullu akornanni suleqatigiinneq pitsaasoq
- kinaassusaanik akuersaarneq
- ineriartornermi killiffianit ineriartortitsineq
- akuersaartuumik ingerlariaasilik
Uagut tunniussinnaasagut:
- akisussaassuseqarfigisinnaasat paaqqinnittarfillu sunniuteqarfigisinnaasat
- kusanartorsuit atorlugit suliffik pisoqarfiusoq
- naleqquttunik suliassaqarfiusut suleqatillu akornanni suleqatigiilluartuuneq
- ilinniagaqarnissamullu peqataasinnaaneq
- akuulluartut meeqqallu inequnartut
Ilinnut naatsorsuutigisagut:
- /perorsaanermullu ilinniarsimasutut ilinniarsimasuusutit
- pilersitsisinnaassuseqartutit
- akisussaaffimmik tigusisinnaasutit
- pillugu perorsaanermut tunngasunik oqalliseqataanissannik piumassuseqartutit
- killiliisinnaasutit
- sulisunut angajoqqaanullu inussiarnersuullutit ajunngitsumillu iliuuseqartartutit
- isiginnissinnaasutit isumassarsiullaqqillutillu
- patajaatsuusutit/aalajaatsuussasutit,
- akisussaassuseqartutit tunniusimallutillu
- suleqatigiinnermillu pingaartitsisutit
- nutaamillu eqqarsarsinnaasutit
- uummaarissoq piumassuseqarluartorlu
- qallunaatullu oqalussinnaasoq
- qarasaasiamik atuisinnaasutit
- nutaanut ammasuusutit saaffikkuminartuusutillu
- perorsaaniarnermi isiginnittariaaseqartutit.
Aalajaatsuusutit
Neqeroorutigaarput
- atorfeqartitaanermullu atugassarititaasut, matumani atorfininnermi angalaneq pisattanillu assartuinerit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
- tullianut perorsaasumullu inissamik innersuussisoqarsinnaavoq, malittarisassat sukkulluunniit atuuttut malillugit akilerneqartartussamik.
- timersortarfiup timigissartarfianukarsinnaaneq.
- atugassarititaasut pitsaasut
- angajoqqaallu akornanni pitsaasumik suleqatigiinneq
- pitsaasut
Pineqaatissinneqarsimannginnermut aammalu meeqqanik pinerliisimannginnermut uppernarsaat:
Atorfik matumani pineqartoq pinerluuteqarsimannginnermut meeqqanillu pinerluuteqarsimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissarsiat, atorfinitsitaanermilu atugassarititaasut:
Akissarsiat atorfeqartitaanermilu atugassarititaasut Namminersorlutik Oqartussat, Nunatsinni Perorsaasut Kattuffiat (NPK)/(SIK) imaluunniit kattuffiup isumaqatiginninniarsinnaatitaasup susassaqartup akornanni isumaqatigiissut atuuttoq naapertorlugu pissapput.
Ulloq aallartiffik: Qinnuteqartoq isumaqatigineqassaaq
Qaammatini pingasuni misiligummik atorfinitsitsisoqassaaq.
Ineqarneq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il.il. akiliisoqartassaaq, matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Sulilernermi aalajangersimasumik suliffimmut atasumik inimik/illumik tunniussisoqarsinnaanngippat, sulisunut utaqqiisaasumik inigigallagassamik neqerooruteqartussaatillugu utaqqisaasumik tunniussisoqarsinnaavoq, inimut/illumut akiliutit, atuinermut il.il. qulaani allassimasut naapertorlugit akiliisoqassaaq
Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfik pillugu erseqqarinnerusumik paasisaqarusukkuit uunga saaffiginnissinnaavutit: Meeraatewqarfik Naalumi pisortaq Justine Petersen oqa +299 86 7751, e-mail: naalusisimiut@qeqqata.gl
Qinnuteqarnissamut killigititaq: Nassaarnissap tungaanut
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.