Maniitsumi Ikiorsiisarnermut immikkoortortamut isumaginninnermi siunnersorti/sullissisoq
Qeqqata Kommunia Maniitsumi Ikiorsiisarnermut immikkoortortamut isumaginninnikkut siunnersortimik/sullissisumik piffissami aalajangikkami 15. Nov. – 01. April 2026 pissarsiorpoq.
Sumiiffik/imm.: Maniitsoq
Sivisussuseq: Ulloq naallugu suliffik
Ulloq atorfinitsitaaffissaq: 01-12-2025 imaluunniit isumaqatigiissuteqarnikkut
Akissarsiat: Isumaqatigiissutit naapertorlugit
Suliassat akisussaaffiillu
Ikiorsiisarnermut immikkoortortamut isumaginninnermi siunnersorti/sullissisoq
Maniitsumi isumaginninnermi siunnersortimik/sullissisumik pissarsiorpoq, taassuma pingaarnertut suliassaraa immikkoortumi pisortatigut ikiorsiissuteqartarnermik suliaqarneq.
Atugarissaarnermut immikkoortortami sulisut 28-upput, taakkulu Pisortap sulisui ataaniilluni Ikiiorsiisarnermut immikkoortortamut aammalu Allatseqarfik, Meeqqanut Ilaqutariinnullu immikkoortortaq, Utoqqarnut Innarluutilinnullu immikkoortortamut agguataagaallutik.
Ikiorsiisarnermut immikkoortortaqarfik, immikkoortortami aqutsisoq ilanngullugu pingasunik sulisoqartussatut amerlassusiligaavoq.
Sullissisup pingaarnertut suliassai akisussaaffiilu tassaapput, ilitsersuinermik siunnersuinermillu innuttaasunik sullissineq, pisortanit ikiorsiissutilerineq, iliuusissatut pilersaarusiorneq kiisalu ataatsimiititaliamut innersuussusiorneq.
Suliffik ilinnut ima piumasaqaateqarpoq;
- Isumaginninnermi tunngasuni inatsisinik ilisimasaqartutit.
- Aningaasaqarnikkut naatsorsuinermi, pisortatigut ikiorserneqarnissaq pillugu
- qinnuteqaatinik suliaqarnissaq il.il. pillugit misilittagaqartutit
- Sullitanik oqaloqateqarnikkut siunnersuinermik ilitsersuinermillu ingerlatsisinnaasutit
- Ataatsimiititaliamut innersuussutinik suliaqarsinnaasutit
- Iliuusissatut pilersaarutinik, malitseqartitsinernik allanillu suliaqarsinnaasutit
Ilinniakkatigut piginnaasat:
- Isumaginninnermi siunnersortitut attuumassutilimmilluunniit ilinniarsimasuusutit.
- Marluinnik oqaaseqartutit.
- Oqaatsitigut allattariasornermullu pitsaasumik piginnaasaqartuusutit.
Inuttut piginnaasassat:
- Sullissisinnaassuseqassasutit
- Ilakkuminartuusutit
- Suliamut tunniusimasuusutit aalajaatsuullutillu
- Suleqatikkuminartuusutit
- Tamanik isiginnissinnaalluartuusutit aamma pisuni ulapaarfiusuni.
Akissarsiat atorfinitsitaanermullu atugassarititaasut
Akissarsiat atorfinitsitaanermilu atugassarititaasut isumaqatigiissutit sulinermilu isumaqatigiissutit sukkulluunniit atuuttut naapertorlugit inissinneqassapput.
Atorfimmut Inissaqartitsisoqanngilaq.
Piaartumik isumaqatigiissuteqarnikkulluunniit atorfinittoqassaaq.
Pinerlussimannginnermut uppernarsaat:
Atorfik una pinerlussimannginnermik uppernarsaammik pissarsinissamik inatsimmik pisussaatitaavoq. Inatsit naapertorlugu kommuni pinerlussimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik uppernarsaat politiinit tigoreernerata kingorna.
Atorfik pillugu paasissutissat annertunerusut Pisortaanerup sulisuinut pisortamut tullersortimut Andrea Karlsen oqarasuaat (+299) 81 7862, e-mail: anka@qeqqata.gl imaluunniit Immikkoortortami aqutsisuugallartumut Johannes Jonathansen oqarasuaat (+299) 81 7855, email jnjo@qeqqata.gl saaffiginerisigut pissarsiarineqarsinnaapput
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: novembarip 14.-at, 2025