Maniitsumi meeqqaeriveqarfinnut aqutsisoorusuppit aammalu Qeqqata Kommuniani ulluunerani neqeroorutinut siunissamut ilusilersueqataallutit?
Maniitsoq Qeqqata Kommunianut ilaavoq, tassani illoqarfiit marluullutik, Maniitsoq aamma Sisimiut. Kommunimi nunaqarfiit katillugit arfiniliupput.
Atorfik Maniitsumi inissisimavoq aaqqissuussaanikkullu ilinniartitaanermut Immikkoortortap ataani inissisimalluni. Ilinniartitaanermi immikkoortortaq makkuninnga sullitaqarpoq; meeqqeriviit, atuarfiit, Majoriaq kiisalu kultureqarnermut sunngiffimmilu sammisanut immikkoortortaq.
Maniitsumi nunaqarfiinilu (Atammik, Napasoq Kangaamiullu) meeqqeriviit katillugit arfineq marluupput, taakkunani sulisut 70-iullutik kiisalu meeqqanut 282-inut inissaqartitsisuullutik
Suliassat akisussaaffiillu:
Meeqqeriveqarnermut pisortaq, meeqqeriveqarnerup iluani politikkikkut anguniakkat suliniutigineqartunullu akuutitsinissamut tunngavissamik qulakkeerisoq kissaatigaarput, taamaalillunilu meeqqanut tunngasut iluanni ineriartortitsinermut suliniutinullu tunniussaqarsinnaasoq.
Atorfimmut ilisarnaatit
Meeqqeriveqarnermut pisortatut Maniitsumi nunaqarfiinilu (Atammik, Napasoq aammalu Kangaamiut) meeqqeriveqarfinnut pingaarnertut akisussaasuussaatit. Aqutsisunut pisortaassaatit ilinniartitaanermullu pisortaq qaninnertut pisortarissallugu. Maniitsumi Ilinniartitaanermut immikkoortortap ataani allaffissuarmi allaffeqassaatit.
Aqutsineq periusissarlu
- Ingerlatsinermut, sulisunik aqutsineq, meeqqerivinnik inerisaaneq aningaasaqarnikkullu aqutsineq pingaarnertut akisussaaffik
- Nuna tamakkerlugu kommunimilu aalajangikkanik, aaqqissuusseqqinnernik periusissianillu atuutilersitsinissamut akisussaaneq
- Meeqqeriviit ingerlanneqarneri kommunalbestyrelsimut akisussaaffigissallugu
- Aqutsisut ingerlatsivillu qanimut suleqatigalugit ataqatigiissaarineq allaffissornerlu.
Perorsaanikkut ineriartorneq pitsaassuserlu
- Perorsaanikkut ingerlatsinerup pitsaassusissaanik annertuumillu suliamik ilisimasaqarnissamik ukkataqarluni ataatsimoorussamik ineriartortitsinissamik qulakkeerineq
- Politikkikkut anguniakkat suliniutillu naapertorlugit akuutitsisumik ilikkagaqarnissanik suliaqarneq
- Atuarfiit angajoqqaallu suleqatigalugit meeqqerivimmit atuarfimmut pitsaasumik ikaarsaarnissamik tapersersuineq.
Suleqatigiinneq attaveqarnerlu
- Angajoqqaanik suleqateqarnerup nukittorsarneqarnera aammalu meeqqat atugarissaarneri ineriartornerilu pillugit ammasumik tatigeqatigiittumillu oqaloqatigiittarnissap qulakkeerneqarnera
- Kommuni akimorlugu - pingaartumik atuarfeqarfimmik, atugarissaarnermut peqqinnermullu immikkoortumik kiisalu Sisimiunik suleqateqarnermik - attuumassuteqartumik ingerlatsisunik qanimut suleqateqarnermut peqataaneq
- Oqalliffiusuni suleqataaffiusunilu attuumassuteqartuni meeqqerivinnik sinniisuuneq.
Ingerlatsineq atortussallu
- Paaqqinniffinnik nakkutilliineq, matumani illuni sinaakkutaasunillu aserfallatsaaliinerit ilanngullugit
- Inatsisit aammalu kommunimi maleruagassat atuuttut naapertorlugit paaqqinniffiit ingerllalluartinneqarnissaanik qulakkeerineq.
Inuttut ilisarnaatit
Naatsorsuutigaarput, illit:
- Aqutseriaaseq ersarissoq tatigilersitsisorlu, namminersorluni nikerarsinnaasumillu sulisinnaasoq
- Qanilaartumik ersarissumillu aqutsilluni aaqqissuussaasumik eqqarsariartaaseqaluni oqimaaqatigiissitsisinnaaneq
- Meeqqeriveqarfiup inerisarnissaanut takorluuisinnaaneq aammalu sammiviliisinnaassuseqarneq
- Suliffeqarfimmi politikerinit aqunneqartumi sulinermik misilittagaqartutit sulerusussuseqartutillu
- Attaveqaateqallaqqissuseqartoq - allattariarsornikkut oqaluttariarsornikkullu - aammalu tunniusimasinnaanermik piginnaasaqartoq ataatsimuulersitsisinnaasoq
- Meeqqat atugassarititaanik, sulisut suliffimmi avatangiisiinik aammalu aaqqissuussaanerup ataatsimut ineriartorneranik ukkataqarneq
- Tatitussuseqarneq iliuuseqarsinnaassuseqarnerlu - allannguiffiusuni ingerlatsisinnaaneq aammalu ulapaarfiusuni tamanik isiginnissinnaaneq
- Perorsaanikkut misilittagaqartoq aammalu perorsaanermut tunngassuteqartumik ilinniagalik.
Marluinnik oqaaseqartuuguit iluaqutaasaaq.
- Ulluunerani neqerooruteqarnermut immikkoortumi imaluunniit immikkoortuni assingusuni aqutsinermik misilittagalik
- Aqutsisutut ilinniagaqarsimaneq imaluunniit attuumassuteqartumik ilinniaqqssimaneq
- Kalaallit Nunaanni pissutsinik ilisimasaqarneq aammalu kulturit assigiinngitsunik akuutissinnaanermik misilittagalik
- Politikkikkut aajalangikkanik atuutilersitsinermik aammalu perorsaanikkut periutsinik sulinermut inerisaanermik misilittagalik.
Akissarsiat atorfinitsitaanermilu atugassarititaasut
Akissarsiatigut sulinermilu atugassarititaasut, pisattallu angallanneqarnerat, Naalakkersuisut qinnuteqartullu kattuffiata isumaqatiginnissutissaatitaasup isumaqatigiissutaat atuuttut naapertorlugit inissinneqasssapput.
Inissamik innersuussisoqarsinnaavoq malittarisassat sukkulluunniit atuuttut malillugit ineqanermut akiliutinik il.il. akilerneqartussamik.
Meeqqanik pinerliisimannginnermut pineqaatissinneqarsimannginnermullu uppernarsaat
Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Qeqqata Kommunia Rigspolitiinit uppernarsaatinik naammaginartunik aatsaat tigusaqareerpat atorfinitsitsisoqarsinnaavoq. Tamatuma kingorna atorfinitsinneqarnissaq aatsaat isumaqatigiissutigineqarsinnaavoq.
Qinnuteqarneq
Atorfinitsitsinermi oqaloqatigiinnerit: Sapaatip akunnera 48-mi ingerlanneqassapput (annertunerusumik paasissutissat nassiunneqassapput)
Atorfiniffissaq: 1. januar 2026 isumaqatigiissuteqarnikkulluunniit.
Paasissutissat allat
Atorfik pillugu annerusumik paasisaqarusukkuit Ilinniartitaanermut pisortaq Carl-Otto Borup attavigisinnaavat sianerfigalugu uunga oqarasuaammut +299 28 25 81 e-mailerfigaluguluunniit uunga cobx@qeqqata.gl.
Qinnuteqaat:
Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.
Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: novembarip 13.-at, 2025